தலைவர்கள்

தலைவர்கள்
BSNLEU - கோவை மாவட்டச் சங்கம் உங்களை தோழமையுடன் வரவேற்கிறது

சனி, 15 செப்டம்பர், 2018

5 வது ஊதிய குழு மாற்றம்

ஊழியர்களின் ஊதிய மாற்றத்திற்கான இணைந்தக் குழுவின் 5வது கூட்டம்
ஊழியர்களின் ஊதிய மாற்றத்திற்கான இணைந்தக் குழுவின் 5வது கூட்டம் அதன் தலைவர் திரு H.C.பந்த் அவர்களின் தலைமையில் 14.09.2018 அன்று நடைபெற்றது. இணைந்தக் குழுவின் அனைத்து உறுப்பினர்களும் கலந்துக் கொண்ட இந்தக் கூட்டத்தில், கடந்த கூட்டத்தில் நிர்வாகம் முன்மொழிந்த புதிய ஊதிய விகிதங்கள் தொடர்பான விவாதங்கள் நடைபெற்றது. ஒரு சில நடப்பில் உள்ள உதாரணங்களோடு புதிய ஊதிய விகிதங்களை விரிவாக பரிசீலித்ததாக தெரிவித்த ஊழியர் தரப்பு, அந்த ஊதிய விகிதங்கள் பெரும்பாலும் ஏற்றுக் கொள்ள தக்கதாக இருப்பதாக தெரிவித்தனர். எனினும், ஊழியர் தரப்பிற்கு கிடைக்கும் நடப்பு உதாரணங்களின் அடிப்படையில், ஊதிய மாற்றங்களில் ஏதேனும் மாற்றம் தேவையெனில் ஆலோசனை தெரிவிப்பதற்கு ஒரு வார கால அவகாசம் தேவையென கேட்டுக் கொண்டனர். இந்தக் கோரிக்கையினை நிர்வாக தரப்பு ஏற்றுக் கொண்டது. இந்த இணைந்தக் குழுவின் அடுத்தக் கூட்டம் 28.09.2018 அன்று நடைபெறும். 14.09.2018 அன்று நடைபெற்ற இணைந்தக் குழுவின் கூட்டம் முடிவடைந்த பின் ஊழியர் தரப்பு உறுப்பினர்களின் கூட்டம் நடைபெற்றது. அடுத்த இணைந்தக் குழுவின் கூட்டத்தில் விவாதிக்க வேண்டிய இதர பிரச்சனைகள் தொடர்பாக விவாதிக்கப்பட்டது. அடுத்த கட்ட நடவடிக்கைகள் தொடர்பாக விவாதிக்க 25.09.2018 அன்று ஊழியர் தரப்பு உறுப்பினர்களின் கூட்டத்தை மீண்டும் கூட்டுவது என்றும் முடிவெடுக்கப்பட்டது

மாவட்ட செயற்குழுக்கூட்டம் இடம் மாற்றம்


அன்பார்ந்த தோழர்களே ! தோழியர்களே !!
 BSNL நிறுவனத்தில் பணிபுரியும் ஒப்பந்த ஊழியர்களுக்கு ஒப்பந்ததாரர் இது நாள் வரையிலும் சம்பளம்  வழங்காததை கண்டித்தும் ,மாநிலம் முழுவதும் பல  மாவட்டங்களில் ஜூன், ஜூலை மற்றும் ஆகஸ்ட் என 3 மாத சம்பளம் கிடைக்கப் பெறாததை கண்டித்தும் இரண்டு மாநில சங்கங்களின்  அறைகூவலின் படி காத்திருப்பு போராட்டம் 17/09/2018 காலை 10 மணி முதல்  முன்மை பொது மேலாளர் அலுவலகம் முன்பு நடைபெற உள்ளதால் மாவட்டச் சங்க நிர்வாகிகளும், கிளைச் செயலர்களும் மற்றும் அனைத்து முன்னனி தோழர்களும் தவறாமல் கலந்து கொள்ள வேண்டும் என கேட்டுக் கொள்கின்றோம்.
தோழமையுடன்
சி.ராஜேந்திரன்
மாவட்ட செயலர்

மாவட்ட செயற்குழுக்கூட்டம்

கணபதியில்17-09-2018 அன்று  நடைபெற இருந்த மாவட்ட செயற்குழுக்கூட்டம் ஒப்பந்த ஊழியர் போராட்டம் காரணமாக டெலிகாம் பில்டிங்கில் போராட்ட இடைவெளியில் நடைபெறும். முக்கியமான சில பிரச்சனைகள் மட்டும் விவாதிக்க வேண்டியது உள்ளதால் அனைத்து கிளைச்செயலர்களும்,மாவட்ட சங்க நிர்வாகிகளும் தவறாமல் கலந்து கொள்ளுமாறு கேட்டுக்கொள்கிறேன். 
இப்படிக்கு
தோழமையுடன்
சி.ராஜேந்திரன்
மாவட்ட செயலர்

ஒப்பந்த ஊழியர்கள் தொடர்பான கார்ப்பரேட் அலுவலக உத்தரவுகளை அமலாக்குக

சமீபகாலம் வரை JOINT GM(Pers) ஆக இருந்த திரு மனீஷ் குமார் அவர்கள் GM(Restg)ஆக பதவி உயர்வு பெற்று பொறுப்பேற்றுள்ளார். 13.09.2018 அன்று தோழர் P.அபிமன்யு GS BSNLEU, தோழர் பல்பீர் சிங் Pres., தோழர் சுவபன் சக்கரவர்த்தி Dy.GS மற்றும் தோழர் அனிமேஷ் மித்ரா VP ஆகியோர் அவரை சந்தித்து வாழ்த்துக்களை தெரிவித்ததுடன் ஒப்பந்த ஊழியர்கள் தொடர்பான கார்ப்பரேட் அலுவலகத்தின் உத்தரவுகள் மாநிலங்களில் அமலாக்கப் படாமல் இருப்பதை அவரது கவனத்திற்கு கொண்டு சென்றனர். இவற்றுள் குறைந்த பட்ச கூலி மற்றும் EPF அமலாக்கம் ஆகியவை மிக முக்கியமானது என்றும் அதற்கான உடனடி நடவடிக்கை தேவை என்றும் வலியுறுத்தினர். தனது ஒத்துழைப்பை உறுதி செய்த திரு மனீஷ் குமார் அவர்கள் தேவையான நடவடிக்கை எடுப்பதாக உறுதி அளித்துள்ளார்.

பணி நீக்கம் செய்யப்பட்ட ஒப்பந்த ஊழியர்களை மீண்டும் எடுத்திடுக

நிறுவனத்தின் செலவினங்களை குறைக்க வேண்டும் என்பதற்காக சமீபத்தில் 30% ஒப்பந்த ஊழியர்களை பணி நீக்கம் செய்ய வேண்டுமென கார்ப்பரேட் அலுவலகம் கடிதம் எழுதியது. பணி நீக்கம் செய்யப்பட்ட ஒப்பந்த ஊழியர்களை மீண்டும் பணிக்கு எடுத்து அவர்களை வியாபார பகுதிகளில் லாபகரமாக பயன்படுத்தலாம் என BSNL CMD மற்றும் DIRECTOR(HR) ஆகியோரிடம் ஏற்கனவே BSNL ஊழியர் சங்கம் கோரிக்கை வைத்தது. இவர்களோடு பல கட்ட விவாதங்கள் நடைபெற்றுள்ளன. இவர்கள் இருவரும் இந்த கோரிக்கைகளை ஏற்றுக் கொண்டபோதும், ஒப்பந்த ஊழியர்களை மீண்டும் பணிக்கு எடுப்பதற்கான எந்த ஒரு கடிதமும் வெளியிடப்படவில்லை. 13.09.2018 அன்று GM(SR) அவர்களை BSNL ஊழியர் சங்க தலைவர்கள் சந்தித்த போது DIRECTOR(HR) அவர்களின் உறுதி மொழியை விரைவில் அமலாக்க வேண்டும் என வற்புறுத்தினர். அவரும் இதில் தேவையான நடவடிக்கைகளை எடுக்க உறுதி அளித்துள்ளார்.

வெள்ளி, 14 செப்டம்பர், 2018

BSNLக்கு பணி செய்து பட்டினி கிடப்பதா?

மாதக்கணக்கில் வராத ஒப்பந்த ஊழியர்களின் ஊதியத்தை பெறும் வரை 17.09.2018 காலை முதல் மாவட்ட பொதுமேலாளர்கள் அலுவலகம் முன்பு காத்திருக்கும் போராட்டம்- BSNLEU, NFTE, TNTCWU மற்றும் TMTCLU முடிவு

செவ்வாய், 11 செப்டம்பர், 2018

ஊதிய மாற்றக் குழுவின் 4வது கூட்டம்

ஊதிய மாற்றக் குழுவின் கூட்டம் 10.09.2018 அன்று கூட்டுக் குழுவின் தலைவர் திரு H.C.பந்த் அவர்களின் தலைமையில் நடைபெற்றது. ஊழியர் தரப்பின் அனைத்து உறுப்பினர்களும் பங்கேற்ற இந்தக் கூட்டத்தில் நிர்வாக தரப்பு உறுப்பினர்கள் துவக்கத்திலிருந்தே எதிர்மறையாக பேசத்துவங்கினர். FITMENT FORMULAவை பொறுத்தவரை 5 அல்லது 0%க்கு மட்டுமே DOT ஏற்றுக் கொள்ளும் என்றும், 15%ஐ ஏற்றுக் கொள்ள மாட்டார்கள் என்றும் தெரிவித்தனர். இதற்கு, 15%க்கும் குறைவான FITMENTஐ தாங்கள் ஏற்றுக்கொள்ள மாட்டோம் என ஊழியர் தரப்பில் உறுதியாக கூறிவிட்டனர். எந்த ஒரு ஊழியருக்கும் STAGNATIONஆல் பாதிப்பு ஏற்படாத வகையில் ஊதிய விகிதத்தின் துவக்க நிலைக்கும், அதிகபட்ச நிலைக்கும் போதுமான அளவில் இடைவெளி இருக்க வேண்டும் என கடந்த மூன்று கூட்டங்களிலும் ஊழியர் தரப்பு தலைவர்கள் நிர்வாக தரப்பிடம் உறுதியாக தெரிவித்தனர். ஆனால் இந்தக் கூட்டத்தில் ஓய்வூதிய பங்கீட்டை தேவையில்லாமல் அதிகமான அளவில் செலுத்துவதை தவிர்க்க இந்த இடைவெளியை முடிந்த வரை குறைக்க வேண்டும் என நிர்வாக தரப்பில் வாதிட்டனர். இதற்கு ஒட்டு மொத்த ஊழியர் தரப்பும் தனது எதிர்ப்பை தெரிவித்தது. அதிகாரிகளுக்கு ஓய்வூதிய பங்கீட்டை அதிகமாக செலுத்த தயாராக நிர்வாகம் இருக்கும்போது ஊழியர்களுக்கு வழங்குவதில் மட்டும் ஏன் இவ்வளவு கவலை கொள்ள வேண்டும் என கடுமையாக வாதிட்டனர். நிர்வாகத்தின் இந்த மனநிலையை கடுமையாக சாடிய ஊழியர் தரப்பு தலைவர்கள், நிர்வாகம் மேற்கொள்ளும் இந்த இரட்டை நிலைபாட்டை ஊழியர்கள் மத்தியில் அம்பலப்படுத்த வேண்டிய கட்டாயம் ஏற்படும் எனவும் எச்சரித்தனர். அப்போது தலையிட்ட ஊதிய மாற்றக் குழுவின் தலைவர் திரு H.C.பந்த், ஊதிய மாற்றத்தில் ஊழியர்களின் நலன்கள் பாதுகாக்கப்படும் என உறுதி அளித்தார். மேலும் நிர்வாகத்தின் புதிய ஊதிய விகித முன்மொழிவை தெரிவிக்கும் படி GM(SR) அவர்களுக்கு அவர் வழிகாட்டினார். கீழே கொடுக்கப்பட்டுள்ள புதிய ஊதிய விகிதங்களை நிர்வாகம் இந்தக் கூட்டத்தில் கொடுத்தது.

வியாழன், 6 செப்டம்பர், 2018

இந்திய தலைநகரில் கருமேகங்களுக்கு இடையே செங்கடல்



மத்திய தொலை தொடர்பு அமைச்சர் கொடுத்த வாக்குறுதியை அமலாக்காதது தொடர்பாக BSNL ஊழியர் சங்கத்தின் மத்திய செயலகக் கூட்டத்தில் நிறைவேற்றப்பட்ட தீர்மானம்

BSNL நிறுவனம் மற்றும் அதன் ஊழியர்கள் தொடர்பான முக்கியமான பிரச்சனைகளின் மீது மத்திய தொலை தொடர்பு அமைச்சர் கொடுத்த வாக்குறுதிகள் அமலாக்கப்படாதது தொடர்பாக புது டெல்லியில் 04.09.2018 அன்று நடைபெற்ற மத்திய செயலக கூட்டம் தனது ஆழ்ந்த அதிருப்தியை தெரிவித்துக்கொண்டது. 24.02.2018 அன்று AUAB தலைவர்களை மத்திய தொலை தொடர்பு அமைச்சர் சந்தித்த போது 3வது ஊதிய மாற்றத்தை BSNL ஊழியர்களுக்கு வழங்குவதற்கான அமைச்சரவைக் குறிப்பை மத்திய அமைச்சரவைக்கு அனுப்புவதாக உறுதி அளித்தார். ஓய்வூதியர்களுக்கு ஓய்வூதிய மாற்றத்திற்கு தேவையானவற்றை செய்வதாகவும் உறுதி அளித்தார். ஓய்வூதிய பங்கீடு தொடர்பாக மத்திய அரசாங்க உத்தரவுகளை பின்பற்ற வேண்டும் என தொலை தொடர்பு துறை செயலாளருக்கு வழிகாட்டினார். மேலும் BSNL நிர்வாகம் கொடுத்துள்ள முன்மொழிவின் அடிப்படையில் BSNL நிறுவனத்திற்கு 4G ஸ்பெக்ட்ரம் ஒதுக்கீடு செய்யப்படும் என்றும் உறுதி மொழி அளித்தார். ஆனால் உறுதி மொழி கொடுத்து ஆறு மாத காலம் கடந்த பின்பும் அந்த பிரச்சனைகளில் எந்த ஒரு முன்னேற்றமும் தெரியவில்லை. மேலும் 24.02.2018 அன்று நடைபெற்ற கூட்டத்தில் தொலைதொடர்பு துறை செயலாளரிடம் குறிப்பிட்ட கால இடைவெளியில் பரிசீலனைக் கூட்டம் நடத்தவும் உறுதி அளித்தார். ஆனால் AUAB தலைவர்களின் கடும் முயற்சிக்கு பின்னரும்கூட தொலை தொடர்பு செயலாளர் AUAB தலைவர்களின் சந்திப்பிற்கு நேரம் ஒதுக்கவில்லை. எனவே 24.02.2018 அன்று கொடுத்த வாக்குறுதிகளை நிறைவேற்ற தேவையான வேகமான நடவடிக்கைகளை மேற்கொள்ள வேண்டும் என மத்திய தொலை தொடர்பு அமைச்சரை இந்த மத்திய செயலகக் கூட்டம் கேட்டுக்கொள்கிறது

சனி, 18 ஆகஸ்ட், 2018

வெள்ள நிதி வெள்ள நிவாரண நிதி தாரீர், வழங்குவீர்


கேரளா வெள்ள நிவாரண நிதி வசூல் கோவை மெயின் தொலைபேசி நிலையம், கோவை CTO பகுதிகளில் நடைபெற்ற நிதி வசூலில் மனமுவந்து அதிகாரிகளும்,ஊழியர்களும் நன்கொடை வழங்கினார்கள்.ஒரு மணி நேரத்தில் ரூபாய். 19,080 /- வசூல் ஆனாது.மற்றும் கோவை டெலிகாம் பில்டிங் கிளையில் 30 நிமிட வசூலில் ரூ 5,920 / வசூல் செய்யப்பட்டது.இன்று மட்டும் 1 ½ மணி நேரத்தில் ரூபாய். 25000 / அதிகாரிகளிடமும், ஊழியர்களிடமும் நிதி வசூல் செய்யப்பட்டது.அனைவருக்கும் மாவட்ட சங்கத்தின் நெஞ்சு நிறைந்த நன்றி .இதர கிளைகளிலும் திங்களன்று வசூல் செய்து மாவட்ட சங்கத்திடம் அளிக்குமாறு கேட்டுக்கொள்கின்றேன்.

தோழமையுடன்.

சி.ராஜேந்திரன்







புதன், 15 ஆகஸ்ட், 2018

அனைவருக்கும் 72வது சுதந்திர தின வாழ்த்துக்கள்

சாதி மத பேதம் கடந்து, நம் முன்னோர் தம் உயிரையும் உடமையையும் தந்து பெற்று தந்த சுதந்திரத்தை பாதுகாப்போம். பிரிவினை தவிர்த்து உழைக்கும் மக்களின் பொருளாதார சுதந்திரம் நோக்கி ஒன்றிணைவோம்

திங்கள், 13 ஆகஸ்ட், 2018

தோழர் சோமநாத் சாட்டர்ஜி காலமானார்

முன்னாள் மக்களவை தலைவர் தோழர் சோம்நாத் சாட்டர்ஜி 13.08.2018 அன்று காலையில் கொல்கொத்தாவில் உள்ள தனியார் மருத்துவமனையில் காலமானார். 
1929ஆம் ஆண்டு அஸ்ஸாம் மாநிலம் தேஜ்பூரில் பிறந்த தோழர் சோம்நாத் சாட்டர்ஜி கேம்பிர்ட்ஜ் பல்கலைக்கழகத்தில் சட்டம் பயின்று மேற்கு வங்க மாநிலத்தில் வழக்கறிஞராக பணியாற்றினார். 1968ல் மார்க்ஸிஸ்ட் கம்யூனிஸ்ட் கட்சியில் உறுப்பினராக சேர்ந்த அவர், 1971ஆம் ஆண்டு முதல் பத்துமுறை பாராளுமன்றத்திற்கு தேர்ந்தெடுக்கப்பட்டார். 1989 முதல் 2004ஆம் ஆண்டு வரை CPI(M) கட்சியின் பாராளுமன்றக் குழு தலைவராக பணியாற்றினார். 2004ஆம் ஆண்டு பாராளுமன்ற சபாநாயகராக தேர்ந்தெடுக்கப்பட்டார். 2008ஆம் ஆண்டு அணு ஆயுத ஒப்பந்தத்தில் இந்திய அரசாங்கம் கையெழுத்திட்டதை எதிர்த்து UPA அரசாங்கத்திற்கு CPI(M) கட்சி கொடுத்து வந்த ஆதரவை விலக்கிக் கொண்டு அவரையும் சபாநாயகர் பதவியிலிருந்து விலக கேட்டுக்கொண்டது. ஆனால் அதற்கு அவர் மறுத்த காரணத்தால் CPI(M) கட்சி அவரை கட்சியிலிருந்து நீக்கியது. 
நாடாளுமன்ற உறுப்பினராக இவர் இருந்த காலம் முழுவதும் உழைக்கும் மக்களின் நலன்களுக்காக பாராளுமன்றத்திலும் வெளியிலும் தொடர்ச்சியாக குரல் கொடுத்து வந்தவர் தோழர் சோமநாத் சாட்டர்ஜி. அவரது வயது மூப்பு காரணமாக சிறுநீரக பிரச்சனையில் சிலகாலம் பாதிக்கப்பட்டு சிகிச்சை பெற்று வந்தார். இதனிடையில் 12.08.2018 அன்று மாரடைப்பு ஏற்பட்ட காரணத்தால் மருத்துவமனையில் அனுமதிக்கப்பட்ட அவர் சிகிச்சை பலனின்றி 13.08.2018 காலையில் காலமானார். 
தோழர் சோமநாத் சாட்டர்ஜியின் மறைவிற்கு கோவை மாவட்ட  BSNL ஊழியர் சங்கம் தனது அஞ்சலியை செலுத்துவதோடு, அவரது பிரிவால் வாடும் அவரது குடும்பத்தாருக்கும், நண்பர்களுக்கும் ஆழ்ந்த அனுதாபங்களை உரித்தாக்கிக் கொள்கிறது. 

வெள்ளி, 10 ஆகஸ்ட், 2018

இரங்கல்கூட்டம்


 


BSNL ஊழியர்களுக்கு ஊதிய மாற்றம் தொடர்பாக பாராளுமன்ற கேள்வி

பாராளுமன்றத்தில் மாண்புமிகு உறுப்பினர்கள், BSNL ஊழியர்களுக்கு ஊதிய மாற்றம் தருவது தொடர்பாக எழுப்பப்பட்ட கேள்விகளுக்கு மத்திய அமைச்சர் திரு மனோஜ் சின்ஹா அவர்கள் அளித்துள்ள பதில் <<CLICK HERE >>

வெள்ளி, 27 ஜூலை, 2018

கோவை உண்ணாவிரதபோராட்டம்


AUAB   சார்பாக 4 அம்ச கோரிக்கைகளை வலியுறுத்தி நாடு தழுவிய 3 நாள் தொடர் உண்ணாவிரத போராட்டம் கோவையில் 3 ம் நாளாக 26-07-2018 அன்று கோவை மத்திய தொலைபேசி நிலைய வளாகத்தில் துவங்கியது.இந்த நிகழ்ச்சிக்கு தோழர்கள் ஏ.முகமது ஜாபர், BSNLEU, பாலசுப்பிரமணியம் NFTEBSNL ,K.சகான். SNEA  ,வனராஜ்(AIBSNLEA)  கூட்டுத்தலைமை ஏற்றார்கள்.
கோரிக்கைகள்.
1)  3 வது உடன்பாட்டுக்கான அமைச்சரவை குறிப்பை உடனடியாக வழங்கி தீர்க்க வேண்டும்
2)  பென்சன் மாற்றத்தை உடனடியாக அமலாக்கிட வேண்டும்
3)  பென்சன் வழங்குவதற்கான பிடித்தம் என்பது வாங்கும் சம்பளத்தின் அடிப்படையில் இருக்க வேண்டும்.
4)  4 ஜி சேவையை உடனடியாக BSNL க்கு வழங்கிட வேண்டும்
முன்னதாக 24-07-2018 அன்று பொள்ளாச்சியிலும் 100 பேரும், 25-07-2018 அன்று திருப்பூரிலும் 150 பேரும் எழுச்சியுடன் நடைபெற்றது.கோவையில் நடைபெற்ற போராட்டத்தில் 400 க்கும் மேற்பட்ட தோழர்கள் பங்கேற்றனர்.மாவட்டம் முழுமையும் இருந்து ஊழியர்கள் ,அதிகாரிகள் பங்கேற்றனர்.கோரிக்கைகளின் நியாயங்களை விளக்கி தோழர்கள்
சி.ராஜேந்திரன்,DS BSNLEU) ,ஏ.ராபர்ட்ஸ்( DS, NFTE BSNL),சக்திவேல் ( DS AIBSNLEA),T.K.பிரசன்னன் (DS,SNEA),K.மாரிமுத்து(மாநில உதவி தலைவர், BSNLEU),N.P.ராஜேந்திரன்(மாநில அமைப்பு செயலர், BSNLEU),செம்மல் அமுதம் (NFTE அகில இந்திய அழைப்பாளர்), எல்.சுப்பராயன் (NFTE- மாநில பொருளாளர்),சிவராஜ்( AIBSNLEA), I.மனோகரன்(SNEA செயற்குழு உறுப்பினர்),தனுஸ் கோடி ( AIBSNLEA  பகுதி செயலாளர்)  ஆகியோர் உரையாற்றினார்கள்
மேலும் முன்னாள் நாடாளுமன்ற உறுப்பினர் தோழர். PR நடராஜன் மற்றும் இடதுசாரி தொழிற்சங்கதலைவர் தோழர். G.ராமகிருஷ்ணன் அவர்கள் பங்கேற்று வாழ்த்துரை வழங்கினார்கள்
பிரச்சனை தீராவிடில் அடுத்தகட்ட தீவிரமான போராட்டங்களை நடத்த மத்திய  AUAB முடிவெடுக்க வேண்டும் என கூட்டத்தில் பேசி தலைவர்கள் வலியுறுத்தினார்கள்.
தோழர் வி.வெங்கட்ராமன்,மாவட்ட செயலர் ,AIBDPA மற்றும் அருணாசலம் மாவட்ட செயலர் DOTBSNLபென்சனர் சங்கம் வாழ்த்துரை வழங்கினார்கள்
இறுதியில் தோழர்.செள.மகேஸ்வரன்,மாவட்ட பொருளாளர், BSNLEU நன்றி கூறினார்.


கோவை உண்ணாவிரத போராட்ட காட்சிகள்




திங்கள், 2 ஜூலை, 2018

ஹேப்பி!!! இன்று முதல் ஹேப்பி!!!!

நமது மத்திய சங்கத்தின் தொடர் முயற்சியின் காரணமாக ஊழியர்களுக்கு வழங்கப்பட்டுள்ள சிம்கார்ட்களில் இன்று (01.07.2018) முதல் UNLIMITED CALLகள், தினம் 100 SMS மற்றும் தினம் 1GB DATA அனுமதிக்கப்பட்டுள்ளது. அனைவருக்கும் மாவட்ட  சங்கத்தின் வாழ்த்துக்கள்.

ஆர்ப்பாட்டம்

கோவையில் இன்று தீண்டாமை ஒழிப்புமுன்னனியின் ரயில் மறியல் போராட்டத்திற்கு ஆதரவாக  மாநில சங்க அறைகூவலுக்கு ஏற்ப  நமது BSNLEU  மற்றும் TNTCWU  சங்கங்களின் சார்பாக நடைபெற்ற  ஆர்ப்பாட்டத்தில்,மாநில செயலர் மாவட்ட செயலர் ,மாநில உதவிதலைவர்,மாநில அமைப்பு செயலர்  மற்றும் தோழர் தோழியர்கள் ஆகியோர் பங்கேற்றனர்.
திருப்பூரில் நடைபெற்ற ஆர்ப்பாட்டத்தில் மாநில உதவி செயலர் தோழர்.எஸ்.சுப்பிரமணியம்,மாவட்ட தலைவர் தோழர்.முகமது ஜாபர் மற்றும் தோழர் தோழியர்கள் ஆகியோர் பங்கேற்றனர்.

வாழ்த்துக்கள்

கோவையில் 01-07-2018 அன்று நடைபெற்ற TNTCWU வின் கொவை மாவட்ட மாநாட்டில் 
தலைவராக  : தோழர்.எம்.பி.வடிவேல்
செயலராக    : தோழர்.சண்முகசுந்தரம்
பொருளாளராக தோழர். எம்.கல்யாணராமன் 
ஆகியோர் ஒருமனதாக தேர்வு செய்யப்பட்டனர். பணி சிறக்க வாழ்த்துக்கள் 

சனி, 30 ஜூன், 2018

மாநாடு வெல்லட்டும்

கோவையில்  01-07-2018 அன்று நடைபெறும் தமிழ்நாடு ஒப்பந்த ஊழியர் சங்க மாவட்ட மாநாடு வெற்றி பெற மாவட்ட சங்கம் வாழ்த்துகிறது


இந்த மாத இறுதியிலேயே ஊதியம் வழங்கப்படும்

அனைத்து ஊழியர்கள் மற்றும் அதிகாரிகளின் உழைப்பின் காரணமாக நமது நிறுவனத்தின் பண வரவு அதிகரித்ததின் காரணமாக ஜூன் மாத ஊதியம் இந்த மாத இறுதியிலேயே வழங்கப்படும் என கார்ப்பரேட் அலுவலகம் உத்தரவிட்டுள்ளது

ஜூலை 1ஆம் தேதியிலிருந்து 0.8% IDA உயர்வு

ஜூலை மாதம் 1ஆம் தேதியிலிருந்து பஞ்சப்படி 0.8% உயரும் என கணக்கீடுகள் தெரிவிக்கின்றன. மொத்த IDA 128% ஆக மாறும்