தலைவர்கள்

தலைவர்கள்
BSNLEU - கோவை மாவட்டச் சங்கம் உங்களை தோழமையுடன் வரவேற்கிறது

சனி, 18 ஆகஸ்ட், 2018

வெள்ள நிதி வெள்ள நிவாரண நிதி தாரீர், வழங்குவீர்


கேரளா வெள்ள நிவாரண நிதி வசூல் கோவை மெயின் தொலைபேசி நிலையம், கோவை CTO பகுதிகளில் நடைபெற்ற நிதி வசூலில் மனமுவந்து அதிகாரிகளும்,ஊழியர்களும் நன்கொடை வழங்கினார்கள்.ஒரு மணி நேரத்தில் ரூபாய். 19,080 /- வசூல் ஆனாது.மற்றும் கோவை டெலிகாம் பில்டிங் கிளையில் 30 நிமிட வசூலில் ரூ 5,920 / வசூல் செய்யப்பட்டது.இன்று மட்டும் 1 ½ மணி நேரத்தில் ரூபாய். 25000 / அதிகாரிகளிடமும், ஊழியர்களிடமும் நிதி வசூல் செய்யப்பட்டது.அனைவருக்கும் மாவட்ட சங்கத்தின் நெஞ்சு நிறைந்த நன்றி .இதர கிளைகளிலும் திங்களன்று வசூல் செய்து மாவட்ட சங்கத்திடம் அளிக்குமாறு கேட்டுக்கொள்கின்றேன்.

தோழமையுடன்.

சி.ராஜேந்திரன்







புதன், 15 ஆகஸ்ட், 2018

அனைவருக்கும் 72வது சுதந்திர தின வாழ்த்துக்கள்

சாதி மத பேதம் கடந்து, நம் முன்னோர் தம் உயிரையும் உடமையையும் தந்து பெற்று தந்த சுதந்திரத்தை பாதுகாப்போம். பிரிவினை தவிர்த்து உழைக்கும் மக்களின் பொருளாதார சுதந்திரம் நோக்கி ஒன்றிணைவோம்

திங்கள், 13 ஆகஸ்ட், 2018

தோழர் சோமநாத் சாட்டர்ஜி காலமானார்

முன்னாள் மக்களவை தலைவர் தோழர் சோம்நாத் சாட்டர்ஜி 13.08.2018 அன்று காலையில் கொல்கொத்தாவில் உள்ள தனியார் மருத்துவமனையில் காலமானார். 
1929ஆம் ஆண்டு அஸ்ஸாம் மாநிலம் தேஜ்பூரில் பிறந்த தோழர் சோம்நாத் சாட்டர்ஜி கேம்பிர்ட்ஜ் பல்கலைக்கழகத்தில் சட்டம் பயின்று மேற்கு வங்க மாநிலத்தில் வழக்கறிஞராக பணியாற்றினார். 1968ல் மார்க்ஸிஸ்ட் கம்யூனிஸ்ட் கட்சியில் உறுப்பினராக சேர்ந்த அவர், 1971ஆம் ஆண்டு முதல் பத்துமுறை பாராளுமன்றத்திற்கு தேர்ந்தெடுக்கப்பட்டார். 1989 முதல் 2004ஆம் ஆண்டு வரை CPI(M) கட்சியின் பாராளுமன்றக் குழு தலைவராக பணியாற்றினார். 2004ஆம் ஆண்டு பாராளுமன்ற சபாநாயகராக தேர்ந்தெடுக்கப்பட்டார். 2008ஆம் ஆண்டு அணு ஆயுத ஒப்பந்தத்தில் இந்திய அரசாங்கம் கையெழுத்திட்டதை எதிர்த்து UPA அரசாங்கத்திற்கு CPI(M) கட்சி கொடுத்து வந்த ஆதரவை விலக்கிக் கொண்டு அவரையும் சபாநாயகர் பதவியிலிருந்து விலக கேட்டுக்கொண்டது. ஆனால் அதற்கு அவர் மறுத்த காரணத்தால் CPI(M) கட்சி அவரை கட்சியிலிருந்து நீக்கியது. 
நாடாளுமன்ற உறுப்பினராக இவர் இருந்த காலம் முழுவதும் உழைக்கும் மக்களின் நலன்களுக்காக பாராளுமன்றத்திலும் வெளியிலும் தொடர்ச்சியாக குரல் கொடுத்து வந்தவர் தோழர் சோமநாத் சாட்டர்ஜி. அவரது வயது மூப்பு காரணமாக சிறுநீரக பிரச்சனையில் சிலகாலம் பாதிக்கப்பட்டு சிகிச்சை பெற்று வந்தார். இதனிடையில் 12.08.2018 அன்று மாரடைப்பு ஏற்பட்ட காரணத்தால் மருத்துவமனையில் அனுமதிக்கப்பட்ட அவர் சிகிச்சை பலனின்றி 13.08.2018 காலையில் காலமானார். 
தோழர் சோமநாத் சாட்டர்ஜியின் மறைவிற்கு கோவை மாவட்ட  BSNL ஊழியர் சங்கம் தனது அஞ்சலியை செலுத்துவதோடு, அவரது பிரிவால் வாடும் அவரது குடும்பத்தாருக்கும், நண்பர்களுக்கும் ஆழ்ந்த அனுதாபங்களை உரித்தாக்கிக் கொள்கிறது. 

வெள்ளி, 10 ஆகஸ்ட், 2018

இரங்கல்கூட்டம்


 


BSNL ஊழியர்களுக்கு ஊதிய மாற்றம் தொடர்பாக பாராளுமன்ற கேள்வி

பாராளுமன்றத்தில் மாண்புமிகு உறுப்பினர்கள், BSNL ஊழியர்களுக்கு ஊதிய மாற்றம் தருவது தொடர்பாக எழுப்பப்பட்ட கேள்விகளுக்கு மத்திய அமைச்சர் திரு மனோஜ் சின்ஹா அவர்கள் அளித்துள்ள பதில் <<CLICK HERE >>

வெள்ளி, 27 ஜூலை, 2018

கோவை உண்ணாவிரதபோராட்டம்


AUAB   சார்பாக 4 அம்ச கோரிக்கைகளை வலியுறுத்தி நாடு தழுவிய 3 நாள் தொடர் உண்ணாவிரத போராட்டம் கோவையில் 3 ம் நாளாக 26-07-2018 அன்று கோவை மத்திய தொலைபேசி நிலைய வளாகத்தில் துவங்கியது.இந்த நிகழ்ச்சிக்கு தோழர்கள் ஏ.முகமது ஜாபர், BSNLEU, பாலசுப்பிரமணியம் NFTEBSNL ,K.சகான். SNEA  ,வனராஜ்(AIBSNLEA)  கூட்டுத்தலைமை ஏற்றார்கள்.
கோரிக்கைகள்.
1)  3 வது உடன்பாட்டுக்கான அமைச்சரவை குறிப்பை உடனடியாக வழங்கி தீர்க்க வேண்டும்
2)  பென்சன் மாற்றத்தை உடனடியாக அமலாக்கிட வேண்டும்
3)  பென்சன் வழங்குவதற்கான பிடித்தம் என்பது வாங்கும் சம்பளத்தின் அடிப்படையில் இருக்க வேண்டும்.
4)  4 ஜி சேவையை உடனடியாக BSNL க்கு வழங்கிட வேண்டும்
முன்னதாக 24-07-2018 அன்று பொள்ளாச்சியிலும் 100 பேரும், 25-07-2018 அன்று திருப்பூரிலும் 150 பேரும் எழுச்சியுடன் நடைபெற்றது.கோவையில் நடைபெற்ற போராட்டத்தில் 400 க்கும் மேற்பட்ட தோழர்கள் பங்கேற்றனர்.மாவட்டம் முழுமையும் இருந்து ஊழியர்கள் ,அதிகாரிகள் பங்கேற்றனர்.கோரிக்கைகளின் நியாயங்களை விளக்கி தோழர்கள்
சி.ராஜேந்திரன்,DS BSNLEU) ,ஏ.ராபர்ட்ஸ்( DS, NFTE BSNL),சக்திவேல் ( DS AIBSNLEA),T.K.பிரசன்னன் (DS,SNEA),K.மாரிமுத்து(மாநில உதவி தலைவர், BSNLEU),N.P.ராஜேந்திரன்(மாநில அமைப்பு செயலர், BSNLEU),செம்மல் அமுதம் (NFTE அகில இந்திய அழைப்பாளர்), எல்.சுப்பராயன் (NFTE- மாநில பொருளாளர்),சிவராஜ்( AIBSNLEA), I.மனோகரன்(SNEA செயற்குழு உறுப்பினர்),தனுஸ் கோடி ( AIBSNLEA  பகுதி செயலாளர்)  ஆகியோர் உரையாற்றினார்கள்
மேலும் முன்னாள் நாடாளுமன்ற உறுப்பினர் தோழர். PR நடராஜன் மற்றும் இடதுசாரி தொழிற்சங்கதலைவர் தோழர். G.ராமகிருஷ்ணன் அவர்கள் பங்கேற்று வாழ்த்துரை வழங்கினார்கள்
பிரச்சனை தீராவிடில் அடுத்தகட்ட தீவிரமான போராட்டங்களை நடத்த மத்திய  AUAB முடிவெடுக்க வேண்டும் என கூட்டத்தில் பேசி தலைவர்கள் வலியுறுத்தினார்கள்.
தோழர் வி.வெங்கட்ராமன்,மாவட்ட செயலர் ,AIBDPA மற்றும் அருணாசலம் மாவட்ட செயலர் DOTBSNLபென்சனர் சங்கம் வாழ்த்துரை வழங்கினார்கள்
இறுதியில் தோழர்.செள.மகேஸ்வரன்,மாவட்ட பொருளாளர், BSNLEU நன்றி கூறினார்.


கோவை உண்ணாவிரத போராட்ட காட்சிகள்




திங்கள், 2 ஜூலை, 2018

ஹேப்பி!!! இன்று முதல் ஹேப்பி!!!!

நமது மத்திய சங்கத்தின் தொடர் முயற்சியின் காரணமாக ஊழியர்களுக்கு வழங்கப்பட்டுள்ள சிம்கார்ட்களில் இன்று (01.07.2018) முதல் UNLIMITED CALLகள், தினம் 100 SMS மற்றும் தினம் 1GB DATA அனுமதிக்கப்பட்டுள்ளது. அனைவருக்கும் மாவட்ட  சங்கத்தின் வாழ்த்துக்கள்.

ஆர்ப்பாட்டம்

கோவையில் இன்று தீண்டாமை ஒழிப்புமுன்னனியின் ரயில் மறியல் போராட்டத்திற்கு ஆதரவாக  மாநில சங்க அறைகூவலுக்கு ஏற்ப  நமது BSNLEU  மற்றும் TNTCWU  சங்கங்களின் சார்பாக நடைபெற்ற  ஆர்ப்பாட்டத்தில்,மாநில செயலர் மாவட்ட செயலர் ,மாநில உதவிதலைவர்,மாநில அமைப்பு செயலர்  மற்றும் தோழர் தோழியர்கள் ஆகியோர் பங்கேற்றனர்.
திருப்பூரில் நடைபெற்ற ஆர்ப்பாட்டத்தில் மாநில உதவி செயலர் தோழர்.எஸ்.சுப்பிரமணியம்,மாவட்ட தலைவர் தோழர்.முகமது ஜாபர் மற்றும் தோழர் தோழியர்கள் ஆகியோர் பங்கேற்றனர்.

வாழ்த்துக்கள்

கோவையில் 01-07-2018 அன்று நடைபெற்ற TNTCWU வின் கொவை மாவட்ட மாநாட்டில் 
தலைவராக  : தோழர்.எம்.பி.வடிவேல்
செயலராக    : தோழர்.சண்முகசுந்தரம்
பொருளாளராக தோழர். எம்.கல்யாணராமன் 
ஆகியோர் ஒருமனதாக தேர்வு செய்யப்பட்டனர். பணி சிறக்க வாழ்த்துக்கள் 

சனி, 30 ஜூன், 2018

மாநாடு வெல்லட்டும்

கோவையில்  01-07-2018 அன்று நடைபெறும் தமிழ்நாடு ஒப்பந்த ஊழியர் சங்க மாவட்ட மாநாடு வெற்றி பெற மாவட்ட சங்கம் வாழ்த்துகிறது


இந்த மாத இறுதியிலேயே ஊதியம் வழங்கப்படும்

அனைத்து ஊழியர்கள் மற்றும் அதிகாரிகளின் உழைப்பின் காரணமாக நமது நிறுவனத்தின் பண வரவு அதிகரித்ததின் காரணமாக ஜூன் மாத ஊதியம் இந்த மாத இறுதியிலேயே வழங்கப்படும் என கார்ப்பரேட் அலுவலகம் உத்தரவிட்டுள்ளது

ஜூலை 1ஆம் தேதியிலிருந்து 0.8% IDA உயர்வு

ஜூலை மாதம் 1ஆம் தேதியிலிருந்து பஞ்சப்படி 0.8% உயரும் என கணக்கீடுகள் தெரிவிக்கின்றன. மொத்த IDA 128% ஆக மாறும்

புதன், 6 ஜூன், 2018

JTO LICE போட்டி தேர்வை நடத்த BSNL ஊழியர் சங்கம் வலியுறுத்தல்


2013-14, 2014-15 மற்றும் 2015-16ஆம் ஆண்டுகளுக்கான காலிப்பணியிடங்களுக்கான JTO LICE தேர்வு BSNL ஊழியர் சங்கத்தின் தொடர் முயற்சியின் காரணமாக 2016ஆம் ஆண்டு மூன்று கட்டமாக நடைபெற்றது. அந்த சமயத்திலேயே நமது மத்திய சங்கம் 2016-17ஆம் ஆண்டிற்கான காலிப்பணியிடங்களுக்கான தேர்வு விரைவில் நடத்த வேண்டும் என வலியுறுத்தி இருந்தது
ஆனால் இதுவரை நடைபெறாத சூழலில் உடனடியாக நடத்த வேண்டும் என மனித வள இயக்குனர் திருமிகு சுஜாதே ரே அவர்களுக்கு 04.06.2018 அன்று நமது மத்திய சங்கம் கடிதம் எழுதியுள்ளது.

BSNL ஊழியர்களுக்கு ஊதிய மாற்றத்திற்கான அமைச்சரவைக் குறிப்பை DOT தயார் செய்து வருகிறது


BSNL ஊழியர்களுக்கான ஊதிய மாற்றத்திற்கு DPE ஒப்புதல் வழங்கிய அடிப்படையில், அமைச்சரவை ஒப்புதல் தருவதற்கான அமைச்சரவைக் குறிப்பை தயார் செய்யும் பணியில் DOT ஈடுபட்டு வருகின்றது. 31.05.2018 அன்று BSNL ஊழியர் சங்கத்தின் பொது செயலாளர் தோழர் P.அபிமன்யு, தோழர் ஸ்வபன் சக்கரவர்த்தி Dy.GS மற்றும் தோழர் அனிமேஷ் மித்ரா VP ஆகியோர் DOTயில் உள்ள Director(PSU-1) திரு பவன் குப்தா அவர்களை சந்தித்து ஊதிய மாற்றத்தின் நிலை தொடர்பாக விவாதித்தனர். அமைச்சரவைக் குறிப்பு தயாரிக்கும் பணியில் DOT இறாங்கியுள்ளதாக அவர் தெரிவித்துள்ளார். அந்த பணியை விரைவுபடுத்த வேண்டும் என நமது தோழர்கள் வலியுறுத்தியுள்ளனர்.

செவ்வாய், 5 ஜூன், 2018

மத்திய சங்க செய்திகள்

புது டெல்லி தொழிலாளர் விவசாயி பாதுகப்ப்பு பேரணி-05.09.2018 
மற்றும் இதர செய்திகள்  <<  படிக்க  >>

சனி, 12 மே, 2018

மாவட்டசெயற்குழுக்கூட்டம்

தோழர்களே வணக்கம்
 நமது மாவட்டச்செயற்குழுக்கூட்டம் வரும் 15 -05-2018 அன்று மேட்டுப்பாளையம் வாடிக்கையாளர் சேவை மைய வளாகத்தில் காலை 09.30 மணி அளவில் நடைபெறும் .எனவே மாவட்ட சங்க நிர்வாகிகள்,கிளைசெயலர்கள் குறித்த நேரத்தில் தவறாமல் கலந்து கொள்ளுமாறு கேட்டுக்கொள்கின்றேன்
.சி.ராஜேந்திரன் மாவட்ட செயலர்

வியாழன், 26 ஏப்ரல், 2018

இரண்டாவது நாள் போராட்டம் பத்திரிக்கை செய்திகள்

பிஎஸ்என்எல் ஊழியர்கள் வேலைநிறுத்தம் - ஆர்ப்பாட்டம்
ஒப்பந்த தொழிலாளர்களுக்கு சம்பளம் வழங்கக்கோரி


கோவை, ஏப். 24-
பிஎஸ்என்எல் நிறுவனத்தில் பணியாற்றும் ஒப்பந்த தொழிலாளர்களுக்கு சம்பளம் வழங்கக்கோரி நிரந்தர ஊழியர்களும் போராட்டத்தில் ஈடுபட்டனர்.கோவை மாவட்டத்தில் பிஎஸ்என்எல் நிர்வாகத்தில் 400க்கும் மேற்பட்ட ஒப்பந்த தொழிலாளர்கள் பணியாற்றி வருகின்றனர். இத்தொழிலாளர்களுக்கான ஊதியம் மாதக்கணக்கில் இழுத்தடித்து தரப்படுகிறது. இதுகுறித்து பல முறை பேச்சுவார்த்தை நடத்தியும் எந்த முன்னேற்றமும் ஏற்படவில்லை. குறிப்பாக, மார்ச் மாதத்திற்கான ஊதியம் இதுவரை வழங்கப்படவில்லை. இதைத்தொடர்ந்து பிஎஸ்என்எல் ஒப்பந்த ஊழியர்கள் திங்கள்கிழமை முதல் வேலை நிறுத்தப் போராட்டத்தை மேற்கொண்டு வருகின்றனர்.
இந்நிலையில் , இவர்களுக்கு ஆதரவு தெரிவித்து செவ்வாயன்று நிரந்தர ஊழியர்களும் போராட்டத்தில் ஈடுபட்டனர். மேலும், கோவை மாவட்ட ஆட்சியர் அலுவலகம் அருகே உள்ள பிஎஸ்என்எல் தலைமை அலுவலக வளாகத்தில் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்திற்கு பிஎஸ்என்எல் ஊழியர் சங்கத்தின் மாவட்ட செயலாளர் சி.ராஜேந்திரன், ஒப்பந்த தொழிலாளர்கள் சங்க மாவட்ட செயலாளர் ரவிச்சந்திரன் ஆகியோர் தலைமை தாங்கினர். ஊழியர் சங்க மாநில சங்க நிர்வாகி என்.பி. ராஜேந்திரன், மாவட்ட பொருளாளர் சௌ.மகேஸ்வரன் ஆகியோர் வாழ்த்திப் பேசினர்.
இந்த ஆர்ப்பாட்டத்தில் நிரந்தர மற்றும் ஒப்பந்த தொழிலாளர்கள் ஏரளாமானோர் பங்கேற்று கோரிக்கைகளை வலியுறுத்தி முழக்கங்களை எழுப்பினர். திருப்பூர்திருப்பூர் பிஎஸ்என்எல் தலைமை அலுவலகத்தில் செவ்வாயன்று இரண்டாவது நாளாக வேலை நிறுத்தம் மற்றும் தர்ணா போராட்டம் நடைபெற்றது. இப்போராட்டத்திற்கு ஒப்பந்த தொழிலாளர் சங்க கிளை தலைவர்கள் கனகராஜ், மோகன்ராஜ் ஆகியோர் தலைமை வகித்தனர். பிஎஸ்என்எல் ஊழியர் சங்க மாவட்ட தலைவர் முகமது ஜாபர், மாவட்ட இணைச் செயலாளர் காந்தி, மாநில நிர்வாகிகள் முத்துக்குமார், சுந்தரகண்ணன், சுப்பிரமணியம், மாவட்ட உதவி தலைவர் சண்முகசுந்தரம் ஆகியோர் கோரிக்கைகளை விளக்கி பேசினர். இதில் திரளானோர் கலந்து கொண்டனர்.


வியாழன், 22 மார்ச், 2018

17 வது சங்க அமைப்புதினம்

BSNLEU சங்க அமைப்புதினத்தை முன்னிட்டு அனைவரும் BSNL நிறுவனத்தை காப்போம் !  BSNL லின்  சேவையை மக்களிடம் கொண்டு செல்வோம் என்று  உறுதியேற்போம்

வியாழன், 8 மார்ச், 2018

மகளிர் தின வாழ்த்துக்கள்


மார்ச் 8ஆம் திகதி உலகம் முழுவதும் மகளிர் தினம் விமரிசையாக கொண்டாடப்படுகிறது. தாயாக, மனைவியாக, தங்கையாக, மகளாக என்று நம் உறவின் அனைத்து பகுதியிலும் நீக்கமற நிறைந்திருப்பவர்கள் பெண்கள். ஒவ்வொரு ஆணின் வெற்றிக்கு பின்னாலும் ஒரு பெண் இருப்பாள் என்று கூறப்படுவது இதனால்தான். ஒருவரின் சொந்த நாடு கூட, தாய் நாடு என்றுதான் அழைக்கப்படுகிறது.
இதேபோல் நதிகள், மலைகள் என்று முக்கியமானவை அனைத்துக்கும் பெண்கள் பெயர்கள்தான் வைக்கப்படுகிறது. அந்த அளவுக்கு பெண்மைக்கு அதிக முக்கியத்துவம் அளிக்கப்படுகிறது. பெண்களை போற்றும் விதத்தில் ஒவ்வொரு ஆண்டும் மார்ச் 8ஆம் திகதி உலகம் முழுவதும் பெண்கள் தினம் கொண்டாடப்பட்டு வருகிறது.
தோல்விகளை கண்டு துவண்டு விடாது அதனை எதிர்கொண்டு  வாழ்வில் வெற்றிக்கண்ட பல பெண்கள் நம் மத்தியில் வாழ்கின்றனர்.
அவ்வாறான பெண்களுக்கு மட்டுமன்றி அனைத்து பெண்களுக்கும் இன்றைய நாளில் நியுஸ்பெஸ்ட் மகளீர் தின வாழ்த்துக்களை தெரிவிப்பதில் மகிழ்ச்சியடைகின்றது.
மகளிர் தின வரலாறு
1789 ஆம் ஆண்டு ஜூன் 14 ஆம் திகதி சுதந்திரத்துவம், சமத்துவம், பிரநிதிநித்துவம் என்ற கோரிக்கைகளை முன்வைத்து பிரெஞ்சுப் புரட்சியின் போது பாரிஸில் உள்ள பெண்கள் போர்க்கொடி உயர்த்தினர்.
ஆணுக்கு நிகராக பெண்கள் இந்தச் சமுதாயத்தில் உரிமைகள் பெற வேண்டும் என்றும், வேலைக்கேற்ற ஊதியம், எட்டு மணிநேர வேலை, பெண்களுக்கு வாக்குரிமை, பெண்கள் பெண்ணடிமைகளாக நடத்தப்படுவதிலிருந்து விடுதலை வேண்டும் என்றும் பெண்கள் கிளர்ச்சிகளில் ஈடுபட்டனர்.
புயலாகக் கிளம்பிய பூவையரை துரும்பாக எண்ணிய அந்நாட்டு அரசன் இடியென முழங்கி, இவர்களை என் அதிகாரம் கொண்டு அடக்குவேன் என்றும், ஆர்ப்பாட்டத்தில் ஈடுபடுவோரைக் கைது செய்வேன் எனவும் அறிவித்தான்.
அரச மாளிகை முன்பு ஆர்ப்பாட்டத்தில் ஈடுபட்ட அனைவரையும் கைது செய்வோம் என்று மிரட்டிய அரசனின் மெய்க்காப்பாளர் இருவரையும் திடீரென கூட்டத்தினர் பாய்ந்து தாக்கிக் கொன்றனர். இதை எதிர்பாராத அரசன் அதிர்ந்து போனான். கோரிக்கைகளை கண்டிப்பாக பரிசீலிப்பேன். உங்களுக்குச் சாதகமாக அறிவிப்பேன் என்று ஆர்ப்பாட்டத்தில் கொதித்தெழுந்தவர்களைச் சமாதானப் படுத்தினான்.
இயலாது போகவும், அரசன் லூயிஸ் பிலிப் முடிதுறந்தான். இந்தச் செய்தி ஐரோப்பிய நாடுகளில் வேகமாகப் பரவிட அங்கும் பெண்கள் போராட்டங்களில் ஈடுபட்டனர். தொடர்ந்து கிரீஸில் லிசிஸ்ட்ரடா தலைமையில் ஜெர்மனி, ஆஸ்திரியா, டென்மார்க் நாடுகளைச் சேர்ந்த பெண் பிரதிநிதிகள் கலந்துகொண்டு தொடர் போராட்டங்களில் ஈடுபட ஆளும் வர்க்கம் அசைந்து கொடுக்கத் தொடங்கியது.
இத்தாலியிலும் பெண்கள் இதுதான் சமயம் என்று தங்களது நீண்டநாள் கோரிக்கையான வாக்குரிமையைக் கேட்டு ஆர்ப்பாட்டங்களில் இறங்கினர். பிரான்சில், புருஸ்ஸியனில் இரண்டாவது குடியரசை நிறுவிய லூயிஸ் பிளாங்க், பெண்களை அரசவை ஆலோசனைக் குழுக்களில் இடம்பெறச் செய்யவும் பெண்களுக்கு வாக்குரிமை அளிக்கவும் ஒப்புதல் தந்தான். அந்த நாள் 1848 ஆம் ஆண்டு மார்ச் 8ம் நாளாகும். அந்த மார்ச் 8 ஆம் நாள் தான் அனைத்துலக பெண்கள் நாள் உலகெங்கும் அமைய ஒரு வித்தாக அமைந்தது..தோழியர்களுக்கு
பெண்களுக்கெதிரான கொடுமைகளை கண்டு அயர்ந்து போகாமல் எதிர்த்து நின்று பிரகாசிப்போம்என்பதுதான் இந்த வருட மகளிர் தினத்தில் பெண்கள் இந்த உலகத்திற்கு தெரிவிக்கும் செய்தி.
* உலகில் உள்ள ஏறத்தாழ 3 கோடி அகதிகளில் 80 முதல் 85 சதவித்தினர் பெண்கள்.
* தினமும் பிரசவத்தின் போது 1,600 பெண்கள் மரணமடைகிறார்கள்.
* ஸ்வீடன், கனடா, நார்வே, அமெரிக்கா, பின்லாந்துப் பெண்கள் ஆயுள், கல்வி, வருமானம் முதலியவற்றில் முன்னேற்றம் அடைந்துள்ளார்கள்.
* பெண்களுக்கு ஓட்டுரிமை அளித்த நாடுகளில் முதன்மை பெறுவது நியூசிலாந்து. 1893-ஆம் ஆண்டிலிருந்து அங்கு பெண்கள் ஓட்டளித்து வருகிறார்கள்.
* இதுவரை உலகில் 28 பெண்களே நாட்டின் தலைமைப் பொறுப்பை ஏற்று நடத்தியுள்ளனர். சர்வதேச நாடாளுமன்றங்களில் இதுவரை 14.1 சதவீதத்துக்கு மேல் பெண்கள் இடம் பெற்றுள்ளார்கள்.
* ஸ்வீடனில் 1995-இல் அமைச்சரவையில் பெண்கள் சமவிகிதத்தில் இடம் பெற்றனர். அன்று தொடங்கிய போராட்டம் இன்றும் தொடர்ந்து கொண்டிருக்கிறது! காலத்தின் தேவைக்கேற்ப மகளிர் எதிர்கொள்ளும் சவால்களை முன் வைத்துப் போராடி வருகின்றனர்!
உலகெங்கும் உள்ள பெண்களுக்கு மகளிர் தின வாழ்த்துகள்