தலைவர்கள்

தலைவர்கள்
BSNLEU - கோவை மாவட்டச் சங்கம் உங்களை தோழமையுடன் வரவேற்கிறது

ஞாயிறு, 27 அக்டோபர், 2019

அனைவருக்கும் தீபாவளி வாழ்த்துக்கள்

அனைவருக்கும் பி.எஸ்.என்.எல்.யூ மிகவும் மகிழ்ச்சியான மற்றும் வளமான தீபாவளியை வாழ்த்துகிறது. இந்த விளக்கு திருவிழா அனைவரின் வாழ்க்கையிலும் மகிழ்ச்சியையும், அமைதியையும், செழிப்பையும் தரட்டும்.


சனி, 26 அக்டோபர், 2019

25.10.2019 அன்று கார்ப்பரேட் அலுவலகத்தில் CMD BSNL பேசிய பேச்சு என்பது, அடக்குமுறையானது, ஏற்றுக் கொள்ள இயலாதது மற்றும் வருந்தத்தக்கது.

25.10.2019 அன்று BSNL CMD திரு P.K.புர்வார் அவர்கள் கார்ப்பரேட் அலுவலகத்தில் பேசிய பேச்சு பரவலான விமர்சனத்திற்கு உள்ளாகி உள்ளது. ஒட்டு மொத்தமாக எதிர்மறையாகவே இருந்த CMDயின் பேச்சின் மீது கடுமையான கோபத்துடன் பல தோழர்கள் மத்திய சங்கத்திற்கு அலைபேசி மூலமாகவும், குறுஞ்செய்திகள் மூலமாகவும் தெரிவித்தனர். அந்தக் கூட்டத்தில் CMD BSNL கூறியதாவது.

a. தற்போதுள்ள BSNL ஊழியர்களின் நடத்தைகளும், நடவடிக்கைகளும் தொடர முடியாது.

b. 50 வயதுக்கு மேற்பட்ட ஊழியர்கள் அனைவரும் விருப்ப ஓய்வு திட்டத்தை பெற்றுக் கொண்டு சென்று விட வேண்டும்.

c. தற்போது செய்து வருவதை விட இரண்டு மடங்கு பணிகளை செய்ய முடியாத எந்த ஒரு ஊழியரும் BSNLல் தொடர முடியாது. அவர் BSNLஐ விட்டு சென்று விட வேண்டும்.

BSNL CMDயின் இந்த அறிக்கைகள் அடக்குமுறையானது, ஏற்றுக் கொள்ள இயலாதது மற்றும் வருந்தத்தக்கது. தங்களது கடுமையான மற்றும் அர்ப்பணிப்புடன் ஆற்றிய பணிகளால், BSNLன் இருத்தலை உறுதி செய்துள்ள BSNL ஊழியர்களை அவர் இழிவு படுத்தி உள்ளார். விருப்ப ஓய்வு திட்டத்தை யாரும் நிர்பந்திக்க மாட்டார்கள், அது தன்னார்வத்துடன் ஏற்றுக் கொள்ள வேண்டியது என மத்திய தொலை தொடர்பு அமைச்சர் தெரிவித்துள்ளார். ஆனால், இதனை மீறி BSNL CMD, 50 வயதிற்கும் மேற்பட்ட ஊழியர்கள் கண்டிப்பாக விருப்ப ஓய்வு திட்டத்தில் செல்ல வேண்டும் என்று கூறுகிறார். இது போன்ற அடக்குமுறைகளை சகித்துக் கொள்ள முடியாது. AUABயில் உள்ள இதர சங்கங்களோடு BSNL ஊழியர் சங்கம் தொடர்பு கொண்டுள்ளது. இதன் மீது பொருத்தமான நடவடிக்கையை மத்திய சங்கம் எடுக்கும்.

பொறுப்பு மாநில செயலர்

மாநில செயலர் விடுப்பில் செல்வதால் பொறுப்பு மாநில செயலராக தோழர் S.சுப்பிரமணியம், மாநில உதவி செயலர், திருப்புர், கோவை மாவட்டம் அவர்கள் 24.10.2019 அன்று முதல் செயல்படுவார்

BSNLன் புத்தாக்கத்திற்கு கடைசியான நல்லதொரு வாய்ப்பு கிடைத்துள்ளது- CMD BSNL

AUABயுடன் நடைபெற்ற கூட்டத்தில் CMD BSNL திரு P.K.புர்வார் அவர்கள் உரையாற்றும் போது, BSNLன் நிதி புத்தாக்கத்திற்கு இறுதியான, அதே சமயம் நல்லதொரு வாய்ப்பு கிடைத்துள்ளது என உணர்ச்சிகரமாக தெரிவித்தார். BSNLன் இழந்த செல்வாக்கை மீண்டும் பெறுவதற்கு அனைவரும் இந்த வாய்ப்பை பயன்படுத்திக் கொள்ள வேண்டும் என அனைவரையும் கேட்டுக் கொண்டார். 4G அலைக்கற்றை ஒதுக்கீடு, நிதியுதவி ஆகியவற்றுடன் ஒரு சுமுகமான சூழ்நிலை ஏற்பட்டுள்ளது என்பது, BSNLன் புத்தாக்கத்திற்கு கிடைத்துள்ள நல்லதொரு வாய்ப்பு என CMD BSNL சுட்டிக்காட்டினார். BSNLல் உள்ள அனைவரும், தேவைக்கேற்ப பணியாற்றி, சேவையின் தரத்தை உயர்த்தவும், மேலும் நாட்டின், நாட்டு மக்களின் நம்பிக்கையை பெற வேண்டும் எனவும் அவர் நம்பிக்கை தெரிவித்தார்.

BSNLல் உள்ள ஊழியர் மற்றும் அதிகாரிகள் சங்க நிர்வாகிகளுடன் தொலை தொடர்பு துறையின் செயலாளர் திரு அன்ஷு பிரகாஷ் சந்திப்

25.10.2019 அன்று, தொலை தொடர்பு துறையின் செயலாளர் திரு அன்ஷு பிரகாஷ் மற்றும் BSNLல் உள்ள ஊழியர் மற்றும் அதிகாரிகளின் சங்க நிர்வாகிகளுக்கும் இடையேயான சந்திப்பு நடைபெற்றது. திரு P.K.புர்வார் CMD BSNL மற்றும் திரு அரவிந்த் வட்னேர்கர் DIRECTOR(HR) ஆகியோரும் உடன் இருந்தனர். BSNL ஊழியர் சங்கத்தின் சார்பாக அகில இந்திய தலைவர் தோழர் அனிமேஷ் மித்ரா பங்கு பெற்றார். BSNLன் புத்தாக்கத் திட்டத்திற்கு, அமைச்சரவையின் ஒப்புதலை பெற்றுத் தர தொலை தொடரபு துறையின் செயலாளர் மேற்கொண்ட முயற்சிகளுக்கு, சங்க தலைவர்கள் அவருக்கு நன்றியினை தெரிவித்துக் கொண்டனர்.

BSNLன் புத்தாக்க திட்டத்திற்கு அமைச்சரவை கொடுத்துள்ள ஒப்புதல், சந்தையில் சரியான செய்தியை கொண்டு சென்றுள்ளது என்று தொலை தொடர்பு துறையின் செயலாளர் தெரிவித்தார். அதன் விளைவாக ENTERPRISE BUISNESS வாடிக்கையாளர்கள் BSNLல் சேவைகளை பயன்படுத்த விருப்பம் தெரிவிப்பதாகவும், இதற்கு மேல் வங்கிகளும் BSNLக்கு கடன் கொடுக்க முன்வரும் என்றும் அவர் தெரிவித்தார். விருப்ப ஓய்வு திட்டத்தின் முக்கிய அம்சங்கள் குறித்தும் அவர் விளக்கினார். BSNL சொத்துக்களை பணமாக்குவது தொடர்பாக பேசுகையில், அதன் ஃபைபர்கள், டவர்கள், கட்டிடங்கள் உள்ளிட்டவைகளை வாடகைக்கு விடுவதன் மூலம் அதிகப்படியான வருவாயை ஈட்ட முயற்சிகள் மேற்கொள்ள வேண்டும் என தெரிவித்தார்.

3வது ஊதிய மாற்றம் தொடர்பாக தலைவர்கள் கேட்டதற்கு பதிலளிக்கையில், நிறுவனத்தின் நிதி நிலை மேம்ப்பட வேண்டும் என்றும், அதற்கு பின்னர் தான் ஒரு உடன்பாட்டிற்கு வர இயலும் என்றும் தெரிவித்தார். அதே சமயம் ஊதிய மாற்றம் நடைபெறாமல், ஓய்வூதிய மாற்றம் சாத்தியமில்லை என்றும் தெரிவித்தார்.

வெள்ளி, 25 அக்டோபர், 2019

புத்தாக்கத் திட்டம் தொடர்பாக AUAB தலைவர்கள் BSNL CMDஐ சந்தித்து விவாதம்

24.10.2019 அன்று AUAB தலைவர்கள் BSNL CMD அவர்களை சந்தித்து, மத்திய அமைச்சரவை ஒப்புதல் அளித்துள்ள புத்தாக்கத் திட்டம் தொடர்பான ஒரு சில விஷயங்களை விவாதித்தனர். நிர்வாகத்தின் சார்பில் திரு அரவிந்த் வட்னெர்கர் DIRECTOR(HR) மற்றும் திரு A.M.குப்தா GM(SR) ஆகியோரும் உடன் இருந்தனர். AUAB சார்பில், தோழர் P.அபிமன்யு அமைப்பாளர், தோழர் சந்தேஸ்வர் சிங் தலைவர், தோழர் K.செபாஸ்டின் GS SNEA, தோழர் S.சிவகுமார் GS AIBSNLEA, தோழர் சுரேஷ் குமார் GS BSNL MS, தோழர் மொஹிந்தர் CS NTR FNTO, தோழர் சந்தீப் குமார் AGS தோழர் ரேவதி பிரசாத் BSNL ATM மற்றும் தோழர் H.P.சிங் GS BSNLOA ஆகியோர் பங்கு பெற்றனர். கீழ்கண்ட விஷயங்கள் விவாதிக்கப்பட்டன:-

கூட்டத்தின் துவக்கத்தில், BSNLக்கு 4G அலைக்கற்றை ஒதுக்கீடு மற்றும் இதர நிதி உதவிகளை வழங்குவதற்கான ஒப்புதலை அரசிடம் பெறுவதற்கு CMD BSNL திரு P.K.புர்வார் எடுத்த முயற்சிகளை தலைவர்கள் பாராட்டினார்கள்.

a. ஓய்வு பெறும் வயதை 58 ஆக குறைக்கக் கூடாது:- ஓய்வு பெறும் வயதை 58 ஆக குறைக்கும் திட்டம் இன்னமும் DoT/அரசிடம் உள்ளதாக, 24.11.2019 அன்று நடைபெற்ற கூட்டத்தில் கூட BSNL CMD தெரிவித்தார். ஓய்வு பெறும் வயதை ஏன் 58 ஆக குறைக்கக் கூடாது என்பதற்கான காரணங்களுடன், மேலே குறிப்பிட்ட அனைத்து தலைவர்களும் கையெழுத்திட்ட கடிதத்தை AUAB தலைவர்கள் BSNL CMDயிடம் வழங்கினர். அந்த கடிதத்தை அரசிற்கு அனுப்புவதாக BSNL CMD உறுதி அளித்தார்.

b. விருப்ப ஓய்வு திட்டம் அமலாக்கப்படுவதால் ஏற்படும் ஆட்கள் பற்றாக்குறையை சந்திப்பது:- விருப்ப ஓய்வு திட்டம் அமலாக்கப்பட்டதிற்கு பின் கடுமையான ஊழியர்கள் பற்றாக்குறை ஏற்படும் என்பதால், பணிச்சுமை கடுமையாக உயரும் என்பதை AUAB தலைவர்கள் சுட்டிக் காட்டினார்கள். பொருத்தமான மாற்று ஏற்பாடுகள் சரியாக செய்யப்படவில்லை எனில் சேவையின் தரம் கடுமையாக மோசமாகும் என்பதையும் தெரிவித்தனர். AUAB தலைவர்களின் கருத்தை CMD BSNL ஏற்றுக் கொண்டார். எனினும், நிலைமை தற்போது தெளிவில்லாமல் இருப்பதால், சூழ்நிலைக்கு தகுந்த மாதிரி பொருத்தமான நடவடிக்கைகள் மேற்கொள்ளப்படும் என்றும் தெரிவித்தார்.

c. சட்டப்படி, PENSION COMMUTATION, ஊழியர்கள் உயிரோடு இருக்கும் போது தான் செய்ய முடியும்:- தற்போதைய அமைச்சரவை முடிவின் அடிப்படையில், விருப்ப ஓய்வு பெறும் ஊழியர்கள், தங்கள் உண்மையான ஓய்வு பெறும் தேதியன்று தான் ஓய்வூதியத்தை COMMUTE செய்ய முடியும். அப்படி விருப்ப ஓய்வில் சென்றவர்கள் உண்மையாக ஓய்வு பெறும் தேதிக்கு முன் இறந்து விட்டார் எனில், அவருடைய குடும்பத்திற்கு ஓய்வூதியத்தை COMMUTE செய்யும் பலன் கிடைக்காது போய் விடும். இந்த பிரச்சனைக்கு தீர்வு காண வேண்டும் என AUAB கோரியது. அதில் தேவையானவற்றை செய்வதாக BSNL CMD உறுதி அளித்துள்ளார்.

d. ஓய்வூதிய தீர்வுகளை சரி செய்து கொள்ள வசதியாக அதிகாரிகளை தங்களின் சொந்த மாநிலங்களுக்கு திருப்பி அனுப்புவது:- ஏற்கனவே தொலை தூரத்திற்கு மாற்றலில் அனுப்பப்பட்டு, தற்போது விருப்ப ஓய்வு திட்டத்தில் வெளியேற விரும்பும் அதிகாரிகளை, ஓய்வூதிய தீர்வுகளை சரி செய்து கொள்ள வசதியாக, அவர்களின் சொந்த மாநிலங்களுக்கு உடனடியாக மாற்றலில் அனுப்ப வேண்டும் என AUAB கேட்டுக் கொண்டது. தங்களின் சொந்த மாநிலத்தில் தான் ஓய்வூதியம் தீர்வு காண முடியும் என்ற வாதத்தை தலைவர்கள் முன்வைத்தனர். இந்த கவலையை ஏற்றுக் கொண்ட BSNL CMD, இந்த பிரச்சனையில் தேவையான நடவடிக்கைகளை மெற்கொள்வதாக உறுதி அளித்தார்.

4G அலைக்கற்றை மற்றும் BSNLன் புத்தாக்கத்திற்கு நிதி உதவி ஆகியவை ஒன்று பட்ட போராட்டங்களால் அடைந்துள்ள மகத்தான வெற்றி.

4G மற்றும் BSNL புத்தாக்கத்திற்கு நிதி உதவி வழங்கவும் அரசாங்கம் முடிவு செய்துள்ளது. இவை BSNLக்கு தானாக கிடைத்ததல்ல என்பதை நாம் உணர்ந்துக் கொள்ள வேண்டும். அனைத்து சங்கங்களும் போராடி பெற்ற கோரிக்கைகளாகும். BSNLல் உள்ள அனைத்து ஊழியர் மற்றும் அதிகாரிகளின் சங்கங்களும், துவக்கத்தில் FORUM என்ற பெயரிலும், தற்போது AUAB என்ற பெயரிலும் BSNLன் புத்தாக்கத்திற்காக, கடந்த நான்கு ஆண்டுகளுக்கு மேலாக பல்வேறு பிரச்சார இயக்கங்களையும், வீரஞ்செறிந்த வேலை நிறுத்தங்களையும் நடத்தியுள்ளது. ஊதிய வெட்டு மற்றும் BSNL நிர்வாகம் மற்றும் அரசாங்கத்தின் பல்வேறு விதமான அச்சுறுத்தல்களையும் மீறி பெருந்திரளாக இந்த இயக்கங்களில் பங்கு பெற்றனர். 2018, பிப்ரவரி18 முதல் 20 வரை நடைபெற்ற மூன்று நாட்கள் வேலை நிறுத்தத்தை முறியடிக்க அரசாங்கம் ESMA சட்டத்தை பிர்யோகித்ததை நாம் மறுக்க முடியாது. இந்த போராட்டத்தை முறியடிக்க BSNL நிர்வாகமும், தனது பங்கிற்கு AUAB தலைவர்களுக்கு FR 17 A குற்ற பத்திரிக்கை வழங்கியது. ஆர்ப்பாட்டம் மற்றும் தர்ணா போன்ற போராட்டங்களில் ஈடுபடும் ஊழியர்கள் மீதும் ஒழுங்கு நடவடிக்கை எடுக்க போவதாக நிர்வாகம் மிரட்டியது. எனினும், இத்தகைய மிரட்டல்களை எல்லாம் ஒதுக்கி தள்ளி உருக்கு போன்ற உறுதியுடன் ஊழியர்களும் அதிகாரிகளும் பெருந்திரளாக போராட்டங்களிலும், பிரச்சாரங்களிலும் பங்கு பெற்றனர். தெருமுனைக் கூட்டங்கள், பேரணிகள், மனித சங்கிலி போன்ற இயக்கங்கள் மூலமாகவும் அனைத்து சங்கங்களும் மக்கள் மத்தியில் கடுமையான பிரச்சாரத்தை மேற்கொண்டன. அவை BSNLன் புத்தாக்கத்திற்கு மக்கள் மத்தியில் பேராதரவை பெற்றுத் தந்தது. தற்போது நாம் பெற்றுள்ள வெற்றிகள் அனைத்தும் அதிகாரிகள் மற்றும் ஊழியர்கள் நடத்திய ஒன்றுபட்ட, தொடர்ச்சியான போராட்டங்களுக்கு கிடைத்த பரிசு என்பதில் எந்த ஒரு சந்தேகமும் கிடையாது.

திங்கள், 14 அக்டோபர், 2019

BSNL ஊழியர்களிடையே மகத்தான ஒற்றுமை உருவாகியது-மேலும் பல அமைப்புகள் AUABயில் இணந்துள்ளன

BSNLல் நெருக்கடி அதிகரித்து வருகிறது. எனவே ஊழியர்களிடையே பலத்த ஒற்றுமை கட்டப்பட வேண்டியது காலத்தின் கட்டாயம். BSNLல் ஒன்றுபட்ட தொழிற்சங்க இயக்கம் மட்டுமே, விரைவில் இந்த நிறுவனத்தின் பொருளாதார புத்தாக்கத்தை உறுதி செய்ய முடியும். கடந்த ஓரிரு வாரங்களாக, BSNLல் உள்ள அனைத்து முக்கியமான அமைப்புகளும் இந்த திசைவழியில் உறுதியான நடவடிக்கைகளை மேற்கொண்டன. அவற்றின் விளைவாக மகத்தான ஒற்றுமை உருவாகி உள்ளது. தற்போது மேலும் பல அமைப்புகள் AUABயில் இணைந்துள்ளது. இது 11.10.2019 அன்று நடைபெற்ற AUAB கூட்டத்தில் பிரதிபலித்துள்ளது. இந்தக் கூட்டத்தில் BSNLEU, NFTE, SNEA, AIBSNLEA, FNTO, SEWA BSNL, BSNL MS, AIBSNLOA, TEPU, BSNLATM, BSNL OA, TOA BSNL மற்றும் BEA ஆகிய 13 அமைப்புகள் பங்கு பெற்றுள்ளன. அன்றைய கூட்டத்தில் கலந்துக் கொள்ள இயலாத இதர சங்கங்களையும், AUABக்குள் கொண்டு வரும் நோக்கத்தோடு அணுகுவது என்றும் அந்தக் கூட்டம் முடிவு செய்துள்ளது. ஊழியர்களின் ஒற்றுமையை மேலும் பலப்படுத்தும் நடவடிக்கைகளை தொடருவோம்.

செவ்வாய், 24 செப்டம்பர், 2019

மகாப் பண்டிதர் மதிவாணனின் நொள்ளைக் கணக்கு!

NFTE சங்கத்தின் மூளை ; 0.P. குப்தாவிற்கு இணையான அறிவுஜீவி என்றெல்லாம் அவரது அடிவருடிகளால் சொறிந்து விடப்படுபவர்தான் C.K.மதிவாணன். இந்த மகாப்பண்டிதர் மதிவாணனுக்கு மீண்டும் மூக்குடைப்பு ஏற்பட்டுள்ளது. "BSNLEUவிற்கு முதன்மைச் சங்கம் என்ற அந்தஸ்து இனி கிடையாது. BSNLEU மற்றும் NFTE இரண்டுக்குமே 35% வாக்குகள் கிடைத்துள்ளதால், இரண்டு சங்கங்களுக்குமே சமமான அந்தஸ்துதான் கிடைக்கும்." அங்கீகாரத்திற்கான உத்தரவை BSNL நிர்வாகம் பிறப்பிப்பதற்கு முன்பாகவே, மகாப்பண்டிதர் மதிவாணன் செய்த முழக்கம்தான் இது. "அட முண்டமே! 8995 வாக்குகள் அதிகமாகப் பெற்றுள்ள BSNLEU வுக்கு இனணயான அந்தஸ்து NFTEக்கு எப்படி கிடைக்கும் என்று NFTEல் கொஞ்சமாவது மூளை உள்ளவர்கள் மதிவணனிடம் கேட்டார்களா என்பது நமக்குத் தெரியாது. இந்த லட்சணத்தில், BSNLEU வின் பொதுச் செயலர் தோழர் P. அபிமன்யுவிற்கு பீதி ஏற்பட்டு விட்டது என்றுவேறு இந்த மகாப்பண்டிதர் குதூகளித்துக் கொண்டார். ஆனால் BSNL நிர்வாகமோ BSNLEU தான் மீண்டும் முதன்மைச் சங்கம் என்று மகுடம் சூட்டியுள்ளது. மகாப் பண்டிதர் மதிவாணனின் கணக்கு நொள்ளைக் கணக்காகி விட்டது. இருந்தாலும் பரவாயில்லை. மகாப்பண்டிதர் சமாளித்துக் கொள்வார். ஏனென்றால், அவருக்குத்தான் சூடு, சொறணை என்பதெல்லாம் மருத்துக்குக் கூட கிடையாதே. இதற்குப்பிறகும், எப்போதும் போல் பல்லிளித்துக் கொண்டே இருப்பார்.

BSNL ஊழியர் சங்கம் முதன்மை அங்கீகரிக்கப்பட்ட சங்கம்

BSNL ஊழியர் சங்கம் முதன்மை அங்கீகரிக்கப்பட்ட சங்கம்-
BSNL கார்போரேட் அலுவலகம் உத்தரவு

திங்கள், 23 செப்டம்பர், 2019

BSNL ஊழியர் சங்கத்தின் பொதுச்செயலாலரும், துணை பொதுச்செயலாளரும் BSNL CMD அவர்களை சந்தித்தனர்

BSNL ஊழியர் சங்கத்தின் பொதுச்செயலாளர் தோழர் P.அபிமன்யு மற்றும் தோழர் சுவபன் சக்கரவர்த்தி Dy.GS ஆகியோர் BSNL CMD திரு P.K.புர்வார் அவர்களை 23.09.2019 அன்று சந்தித்து கீழ்கண்ட விஷயங்களை விவாதித்தனர்:

சமீபத்தில் நடந்து முடிந்த 8வது உறுப்பினர் சரிபார்ப்பு தேர்தலில் மீண்டும் முதன்மை சங்கமாக BSNLEU வெற்றி பெற்றதற்கு, துவக்கத்திலேயே BSNL CMD தனது வாழ்த்துக்களை தெரிவித்துக் கொண்டார். நமது தலைவர்கள் அவருக்கு நன்றியை தெரிவித்தனர்.

மஹாராஷ்ட்ரா மாநிலத்தில் 850 ST ஊழியர்கள் துன்புறுத்துதல்:-
இந்த பிரச்சனையை BSNL ஊழியர் சங்கம் ஏற்கனவே எடுத்திருந்தது. 25/30 வருட கால சேவை முடித்த 850 ST ஊழியர்களை மஹாராஷ்ட்ரா மாநில நிர்வாகம் துன்புறுத்தி வருகிறது. அடிப்படையற்ற யாரோ ஒருவர் கொடுத்த புகாரின் அடிப்படையில், இந்த 850 ST ஊழியர்களும், பரிசீலனைக் குழுவின் முன் ஆஜராகி, மீண்டும் புதியதாக ST CERTIFICATE வாங்க வேண்டும் என கூறியுள்ளது. DoP&T விதிகளின் படி, இந்த CERTIFICATEகளின் உண்மைத் தன்மையை நிர்வாகம் தான், மாநில அரசு அதிகாரிகளிடம் பரிசோதனை செய்து கொள்ள வேண்டும். இது தொடர்பான ஒரு விரிவான கடிதத்தை BSNL ஊழியர் சங்கம் ஏற்கனவே கொடுத்திருந்தது. 23.09.2019 அன்று BSNL CMDயிடம் இது தொடர்பாக விரிவாக விவாதிக்கப்பட்டது. நமது வாதங்களை CMD முழுமையாக ஏற்றுக் கொண்டார். மஹாராஷ்ட்ர மாநில நிர்வாகத்திற்கு DoP&T உத்தரவுகளை பின்பற்ற அறிவுறுத்துமாறு மனிதவள இயக்குனரை அழைத்து CMD, தேவையான வழிகாட்டுதல்களை கொடுத்துள்ளார். ST ஊழியர்களின் CERTIFICATEகளின் உண்மை தன்மையை மாநில நிர்வாகம் தான் ஊர்ஜிதம் செய்து கொள்ள வேண்டும் என்றும், புதிய CERTIFICATE களை வாங்க பரிசீலனைக்குழுவின் முன் ஆஜராக ST ஊழியர்களை நிர்பந்திக்கக் கூடாது என்றும் BSNL CMD தெளிவாக கூறியுள்ளார். இந்த பிரச்சனையில் சரியான நிலை எடுத்த CMD BSNLக்கு BSNL ஊழியர் சங்கம் தனது நன்றிகளை தெரிவித்துக் கொண்டது.

BSNLன் நிதி நிலை தொடர்பாக விவாதிக்க அனைத்து சங்கங்களின் கூட்டத்தை கூட்டுக:-
நிறுவனத்தின் பொருளாதார நிலைமைகளை மேம்படுத்த தேவையான வழிவகைகளை விவாதிக்க அனைத்து சங்கங்களின் கூட்டத்தை கூட்ட வேண்டும் என BSNL ஊழியர் சங்க தலைவர்கள் BSNL CMD அவர்களை கேட்டுக் கொண்டனர். கடந்த காலங்களில் இது போன்ற கூட்டங்கள் நடைபெற்றதையும், நிர்வாகம் மற்றும் ஊழியர்களிடையே ஒரு வலுவான கூட்டுறவை உறுதிப்படுத்தும் வகையில் இந்த முறை தொடர வேண்டும் என்றும் அவர்கள் கேட்டுக் கொண்டனர். இதனை மனமுவந்து ஏற்றுக் கொண்ட BSNL CMD, விரைவில் அந்தக் கூட்டத்தை கூட்ட ஒத்துக் கொண்டார்.

செப்டம்பர் மாத ஊதியம் உரிய தேதியில் வழங்குக:-
அக்டோபர் மாதத்தில் முக்கிய திருவிழாக்களான ஆயுத பூஜை, தசரா மற்றும் தீபாவளி உள்ளிட்ட பண்டிகைகள் வரவிருப்பதால், செப்டம்பர் மாத சம்பளத்தை உரிய தேதியில் வழங்க வேண்டும் என BSNL ஊழியர் சங்க தலைவர்கள் கேட்டுக் கொண்டனர். அதற்கு, மின்சார கட்டண பாக்கியாக உள்ள 500 கோடி ரூபாய்களை உடனடியாக கட்ட வேண்டிய கட்டாயத்தில் நிறுவனம் இருப்பதாக BSNL CMD தெரிவித்தார்.

ஒப்பந்த ஊழியர்களின் வேலை நிறுத்தத்திற்கு ஆதரவாக BSNL ஊழியர் சங்கம்

அன்பார்ந்த தோழர்களே,

நிரந்தர ஊழியர்களுக்கான ஊதியத்தையும் உரிய தேதியில் நிர்வாகமும் அரசாங்கமும் வழங்குவதில்லை. நமக்கு வழங்கும் ஊதியத்தில் பிடித்தம் செய்யப்படும் தொகைகளும் உரிய மட்டங்களுக்கு உரிய தேதியில் செலுத்தாமல், மாதக்கணக்கில் தாமதப்படுத்தப்பட்டு வழங்கப்பட்டு வருகிறது.

ஆனால் நம்மை விட மிகக் குறைந்த கூலிக்கு நம்முடன் வேலை செய்து வரும் ஒப்பந்த தொழிலாளர்களுக்கு கடந்த எட்டு மாத காலத்திற்கு மேலாக ஊதியம் தரப்படவில்லை. ஒட்டு மொத்த குடும்பங்களும் பட்டினி கிடக்கும் அபாயச் சூழ்நிலை ஏற்பட்டு வருகின்றது. அவர்களின் பட்டினிகளும், தற்கொலைகளும் கூட நிர்வாகம் மற்றும் அரசாங்கத்தின் கண்களுக்கு தெரியவில்லை. தொழிலாளர் நலத்துறையும் பாராமுகமாகவே இருக்கின்றது.

வெந்த புண்ணில் வேலை பாய்ச்சுவதைப் போல, தற்போது எட்டு மாத கால ஊதியம் தராமல் இருக்கும் சூழ்நிலையில் 50% ஒப்பந்த ஊழியர்களை ஆட்குறைப்பு செய்ய நிர்வாகம் முயற்சி செய்கின்றது. தொடர்ச்சியாக நிரந்தர ஊழியர்கள் பணி ஓய்வு பெற்று வரும் சூழ்நிலையில், தற்போதுள்ள ஒப்பந்த ஊழியர் எண்ணிக்கையே குறைவு என்ற நிலை உள்ள போது, நிறுவனத்தின் வளர்ச்சி பற்றி கவலைப்படாமல் சிக்கனத்திற்கு ஒரே வழி ஒப்பந்த ஊழியர் எண்ணிக்கையை குறைப்பது என்று தான் தோன்றித்தனமாக நிர்வாகம் முடிவு செய்துள்ளது. அதிலும் 50 சதவிகித ஊழியர்களை குறைக்க வேண்டுமாம். சம்பள நிலுவையில் உள்ள போது பணி நீக்கம் செய்யக்கூடாது என்கிற தொழிலாளர் நலச்சட்டத்தையும் பின்பற்ற மறுக்கிறது.

இது தொடர்பாக மாநில நிர்வாகத்தோடு நடைபெற்ற பேச்சு வார்த்தையில் பயன் ஏதும் இல்லை. அவர்களும் தங்களின் கையறு நிலையை தெரிவிக்கிறார்களே ஒழிய வேறு ஏதும் இல்லை.

பட்டினிக்கும் பதிலில்லை. பணி நீக்கமும் நடைபெறுகிறது என்கிற போது வேறு வழியின்றி, தமிழ்நாடு தொலை தொடர்பு ஒப்பந்த தொழிலாளர் சங்கம் (TNTCWU) செப்டம்பர் 26 முதல் மூன்று நாட்கள் தொடர் வேலை நிறுத்தம் நடத்திட அறைகூவல் விடுத்துள்ளது. தமிழகத்தில் உள்ள அனைத்து ஒப்பந்த தொழிலாளர்களையும் இந்த வேலை நிறுத்த போராட்டத்தில் ஈடுபடுத்திட நமது கிளை மற்றும் மாவட்ட சங்கங்கள் முழு முயற்சி மேற்கொள்ள வேண்டும். கிளை மற்றும் மாவட்ட மட்டங்களில் TNTCWU சங்கத்திற்கு தேவையான அனைத்து உதவிகளையும் BSNL ஊழியர் சங்கங்கள் முழுமையாக செய்திட வேண்டும்.

அது மட்டுமல்லாமல் செப்டம்பர் 26 முதல் 28 வரை அனைத்து கிளைகளிலும் பெருந்திரள் ஆர்ப்பாட்டங்களை நடத்திட வேண்டும். இதில் நிரந்தர ஊழியர்கள், ஓய்வூதியர்கள் மற்றும் ஒப்பந்த ஊழியர்கள் அனைவரையும் திரட்டி, இந்த ஆர்ப்பட்டத்தையும், ஒப்பந்த ஊழியர்களின் வேலை நிறுத்தத்தையும் வெற்றிகரமாக்கிட வேண்டும் என கோவை மாவட்ட சங்கம் அனைத்து கிளை சங்கங்களையும்  கேட்டுக் கொள்கிறது.

போராடும் தொழிலாளிக்கு நமது முழுமையான ஆதரவை தருவோம்! அவர்களுக்கு நியாயமாக கிடைக்க வேண்டிய ஊதியத்தை பெற்றுத்தருவோம்!! அடாவடித்தனமாக ஆட்குறைப்பு செய்யும் அரசாங்கம் மற்றும் நிர்வாகத்தின் சூழ்ச்சியினை முறியடிப்போம்!!!
வாழ்த்துக்களுடன்,
தோழமையுள்ள

முதலைப் பட போஸ்டரும், முழுப் பூசணிக்காயும்

முழு பூசணிக்காயை சோற்றில் மறைக்கும் கில்லாடிகளைப் பற்றி நாம் கேள்விப்பட்டதுண்டு. ஆனால் சோறே இல்லாத வெறும் தட்டில் முழு பூசணிக்காயை மறைக்கும் அசகாய சூரரைப் பற்றி கேள்விப்பட்டதுண்டா? அவர் தான் C.K.மதிவாணன்.
சென்னை டெலிகாம் சொசைட்டியில் ஊழலே நடக்க வில்லையாம்! ஊழல் நடப்பதாகக் கூறி BSNLEU பொய் பிரச்சாரம் செய்ததும்; சொசைட்டிக் கட்டிடத்தை ஒரு முதலை விழுங்குவதைப் போன்ற போஸ்டர் வெளியிட்டதாலும் தான் BSNLEU தோற்றுவிட்டதாம்! எப்படி இருக்கிறது கதை?
சென்னை தொலைபேசியில் NFTE ஜெயித்த கதையினை நாம் சொல்கிறோம். TEPU சங்கத்திற்கு சென்னை தொலைபேசியில் சந்தா கொடுக்கும் உறுப்பினர்களின் எண்ணிக்கை 285. ஆனால் இந்த மாநிலத்தில் TEPU சங்கம் பெற்ற வாக்குகள் வெறும் 23 மட்டுமே. NFTE மற்றும் TEPU சங்கங்களுக்கு இடையே உருவான கள்ளக் கூட்டணியின் விளைவாக TEPUவின் 262 வாக்குகள் NFTEக்கு ட்ரான்ஸ்பர் ஆகி உள்ளன. இதே போன்ற கள்ளக் கூட்டணியின் காரணமாக SEWAவின் 182 வாக்குகளும் NFTEக்கு ட்ரான்ஸ்பர் ஆகி உள்ளன.
அதாவது சென்னை டெலிகாம் சொசைட்டியில் உள்ள NFTE, TEPU மற்றும் SEWA ஆகியோரின் கள்ளக் கூட்டணி, தேர்தலிலும் தொடர்ந்த காரணத்தினாலேயே, NFTE சென்னை தொலைபேசியில் வெற்றியடைந்திருக்கிறது.
உண்மை இவ்வாறு இருக்க, சொசட்டியில் ஊழல் நடப்பதாக பொய் பிரச்சாரம் செய்த காரணத்தாலேயே BSNLEU தோற்றுவிட்டது என்று பிரச்சாரம் செய்யும் C.K.மதிவாணன், வெறு தட்டில் முழு பூசணிக்காயை மறைக்கும் பலே கில்லாடி தான் அல்லவா. “தெருவில் குறைக்கும் சொறி நாய்களுக்கெல்லாம் பதில் சொல்ல வேண்டிய அவசியம் இல்லை” என்று C.K.மதிவாணன், BSNLEUவைப் பற்றியும், அதன் உதவிப் பொதுச்செயலாளர் தோழர் S.செல்லப்பா அவர்களைப் பற்றியும் தனது வெப்சைட்டில் குறிப்பிட்டுள்ளார். உண்மையில் ‘தெருவில் திரியும் சொறி நாய்’ யார் என்பது ஊழியர்களுக்கு தெரியும். நாம் சொல்ல வேண்டிய அவசியம் இல்லை.

ஞாயிறு, 22 செப்டம்பர், 2019

சூரியனை பார்த்தும் குரைக்கும் நாய்…..

சூரியனை பார்த்து ஒரு நாய் குரைக்கிறது என்றால், அந்த நாய்க்கு பைத்தியம் பிடித்திருக்கிறதே என்று பார்ப்பவர்கள் அதன் மீது பரிதாபம் மட்டுமே கொள்வார்கள். C.K.மதிவாணன் மீண்டும் அந்த நாயை போல நடந்துக் கொள்கிறார். BSNL ஊழியர் சங்கத்தின் பொதுச்செயலாளரை பீதியடைய வேண்டாம் என்று அறிவுறுத்தி இருக்கிறார்.

பொதுத்துறை நிறுவனங்களில், ரகசிய வாக்கெடுப்பு முறையில் நடைபெற்ற தேர்தல்களில், தொடர்ச்சியாக ஏழாவது முறையாக வெற்றி பெற்ற ஒரே தொழிற்சங்கமான BSNL ஊழியர் சங்கத்தின் பொதுச்செயலாளர் தோழர் P.அபிமன்யு அவர்கள். அதே சமயம் இந்த ஏழு தேர்தல்களிலும் தொடர்ந்து தோல்வியடைந்திருக்கும் சங்கத்தை சார்ந்த கோமாளி மதிவாணன், தோழர் P.அபிமன்யு அவர்களை பார்த்து பீதியடைய வேண்டாம் என அறிவுறுத்துகிறார்.

நடந்து முடிந்த 8வது சங்க அங்கீகார தேர்தலில், அதிகபட்சமாக 48,127 வாக்குகளைப் பெற்று, BSNL ஊழியர் சங்கம் இந்த முறையும், முதன்மை சங்கமாக வெற்றி பெற்றுள்ளது. தற்போதுள்ள அனைத்து விதிகளின் படியும், BSNL ஊழியர் சங்கம் முதன்மை அங்கீகரிக்கப்பட்ட சங்கம் என்ற அந்தஸ்தை பெறவேண்டும். ஆனால், BSNL ஊழியர் சங்கத்தை விட 8,995 வாக்குகளை குறைவாகப் பெற்ற NFTE சங்கத்திற்கும், BSNL ஊழியர் சங்கத்திற்கு சரிசமமான அந்தஸ்து வேண்டும் என்று, இந்த மதிவாணன் கேட்கிறார். அவர் கேட்டுக் கொண்டே இருக்கட்டும். அதனை முடிவு செய்ய வேண்டியது நிர்வாகம் தான்.

தேர்தல் முடிவுகள் BSNL ஊழியர் சங்கத்திற்கு அதிர்ச்சியை கொடுத்துள்ளதாக C.K.மதிவாணன் பிதற்றுகிறார். ஆனால் NFTE சங்கத்திற்கு தான் அதிர்ச்சியை கொடுத்துள்ளது. அருவருக்கத்தக்க கூட்டணிகளை அமைத்துக் கொண்டு, முதன்மை சங்கமாக வரவேண்டும் என பகல் கனவு கண்டுக் கொண்டிருந்தது, NFTE சங்கமே. மீண்டும் ஒரு முறை, BSNL ஊழியர்கள், வெற்றி மகுடத்தை BSNL ஊழியர் சங்கத்திற்கே சூட்டியதன் மூலம், NFTEயின் முகத்தில் ஓங்கி அறைந்துள்ளனர்.

NFTE, தனது தளத்தை விரிவுபடுத்தியதாக மதிவாணன் பீற்றிக் கொள்கிறார். உண்மை என்ன? வேலை நிறுத்தங்களை தொடர்ச்சியாக உடைக்கும் வேலையை பார்க்கும் ஒரு சங்கத்தோடு, புறக்கடை வழியாக ஒரு அருவருக்கத்தக்க கூட்டணியை உருவாக்கியதன் மூலமே NFTE தனது வாக்குகளை அதிகரித்துள்ளது. 2018ல், டிசம்பர் 3ஆம் தேதி தொடங்கி நடைபெறவிருந்த காலவரையற்ற வேலை நிறுத்தத்தின் போதும், பிப்ரவரி, 2019ல் நடைபெற்ற மூன்று நாட்கள் வேலை நிறுத்தத்தின் போதும், காவல் துறையை அழைத்து, இந்த வேலை நிறுத்தத்தை உடைக்க வேண்டும் என நிர்வாகத்திற்கு கடிதம் கொடுத்தது அமைப்போடு தான் அவர்கள் கூட்டணி வைத்திருந்தனர். ஒரு சில வாக்குகளுக்காக NFTE சங்கம், இந்த அமைப்போடு, புறக்கடை வழியாக கூட்டணி அமைத்தது. இதை விட தரம் தாழ்ந்து NFTE சங்கத்தால் செயல்பட முடியாது. அது தனது செங்கொடியை தூக்கி எறிந்து விட்டு இதற்கு மேல் நீலக்கொடியினை ஏந்தி செல்ல வேண்டும். இதற்கு மேலும் NFTE செங்கொடியை கையிலேந்தி செல்லும் என்று சொன்னால், அது உழைப்பாளி வர்க்கத்தின் போராட்டங்களில் உயிர் நீத்த தியாகிகளை அவமதித்தது போலாகிவிடும்.

8வது உறுப்பினர் சரிபார்ப்பு தேர்தல் பிரச்சாரம் துவங்கும் முன்பாகவே, NFTE சங்கத்தை விமர்சிக்க மாட்டோம் என கம்பீரமாக BSNL ஊழியர் சங்க தலைமை அறிவித்தது. அதனை நேர்மையாக செயல்படுத்தவும் செய்தது. ஆனால் NFTE தலைவர்கள் செய்தது என்ன? BSNL ஊழியர் சங்கத்தின் மீது சகதியை வாரி இறைத்தனர். BSNL நிறுவனம் நஷ்டம் அடைந்ததற்கு, BSNL ஊழியர் சங்கம் தான் காரணமாம். இன்று ஊழியர்களுக்கு உரிய தேதியில் சம்பளம் கிடைக்காமல் இருப்பதற்கும் BSNL ஊழியர் சங்கம் தான் காரணமாம். NFTE தலைவர்களின் இப்படிப்பட்ட பிரச்சாரம் தொழிற்சங்க இயக்கத்தின் முதுகில் குத்துவதற்கு சமமானதன்றோ? ஓட்டு பொறுக்குவதற்காக எதை வேண்டுமானாலும் செய்யலாம் என்றால், இதை விட தெருவில் இறங்கி பிச்சையெடுக்கும் தொழிலை NFTE செய்யலாமே

வியாழன், 19 செப்டம்பர், 2019

முதன்மை அங்கீகரிக்கப்பட்ட சங்கமாக BSNL ஊழியர் சங்கம் தொடரும்

BSNL ஊழியர் சங்கத்திற்கு முதன்மை அங்கீகரிக்கப்பட்ட சங்கம் என்ற அந்தஸ்து வழங்கப்பட மாட்டாது என சில வதந்திகள் பரப்பப்பட்டு வருகிறது. இது முற்றிலும் தவறானது. அங்கீகார விதிகளின் படி BSNL ஊழியர் சங்கம் மீண்டும் முதன்மை அங்கீகரிக்கப்பட்ட சங்கம் என்கிற அந்தஸ்தை பெறும். NFTE இரண்டாவது அங்கீகரிக்கப்பட்ட சங்கம் என்கிற அந்தஸ்தை பெறும். மேலும் பெற்றிருக்கிற வாக்குகளின் அடிப்படையில், கவுன்சில்களில் BSNL ஊழியர் சங்கத்திற்கு 8 இடங்களும், NFTE சங்கத்திற்கு 6 இடங்களும் கிடைக்கும்.

கார்ப்பரேட் அலுவலகம் வெளியிட்டுள்ள இறுதி தேர்தல் முடிவுகள்




புதன், 18 செப்டம்பர், 2019

சதிகளையும், துரோகங்களையும் மீறி BSNL ஊழியர் சங்கம் , 7ஆவது முறையாக தொடர் வெற்றி பெற்று வரலாற்று சாதனை படைத்துள்ளது

தொழிற்சங்கங்களுக்கு அங்கீகாரம் வழங்குவதற்காக நடைபெற்றுள்ள தேர்தலில், 7வது முறையாக தொடர்ச்சியாக வெற்றி பெற்று வரலாற்று சாதனையை மீண்டும் ஒரு முறையை BSNL ஊழியர் சங்கம் படைத்துள்ளது. BSNL ஊழியர் சங்கத்தின் மீது தொடுக்கப்பட்ட தாக்குதல்களையும், சதிகளையும் துரோகங்களையும் தாண்டி இந்த மகத்தான வெற்றியை நமது சங்கம் பெற்றுள்ளது. BSNL நிறுவனத்தையும், அதன் ஊழியர்களையும், அவர்களின் எதிர்காலத்தையும் பாதுகாக்கும் ஒரே சங்கம் BSNL ஊழியர் சங்கம் தான் என பெரும்பாலான ஊழியர்கள் நம்பிக்கை வைத்துள்ளதை இந்த வெற்றி பறை சாற்றுகிறது.
கடந்த இரண்டு மாதங்களாக, BSNL ஊழியர் சங்கத்தின் மத்திய, மாநில, மாவட்ட சங்க நிர்வாகிகளும், முன்னணி ஊழியர்களும், TNTCWU மற்றும் AIBDPA தலைவர்களும் கடுமையாக செய்திட்ட தேர்தல் பணிகளின் காரணமாகவே இந்த வெற்றி கிடைத்துள்ளது. அத்தனை தோழர்களையும் தமிழ் மாநில சங்கம் மனமார்ந்த வாழ்த்துக்களையும் பாராட்டுதல்களையும் தெரிவித்துக் கொள்கிறது.
அனைத்திற்கும் மேலாக நமது சங்கத்தின் தலைமை மீது நம்பிக்கை வைத்து தொடர்ந்து வாக்களித்து வரும் அனைத்து தோழர்களுக்கும் கோவை மாவட்ட சங்கம் மனமார்ந்த வாழ்த்துக்களையும், பாராடுதல்களையும், நன்றிகளையும் உரித்தக்கிக் கொள்கிறது.

ஞாயிறு, 15 செப்டம்பர், 2019

வாக்களிப்பீர் , தோழர்களே

BSNL ஊழியர்சங்கம்
கோவைமாவட்டம்

தோழர்களே, தோழியர்களே!
வணக்கம்.சிலவேண்டுகோள்களை உங்கள்பரிசீலனைக்காகமுன்வைக்கிறோம்.
1) நாளை 16.09.2019 அன்று தவறாமல் வாக்களியுங்கள்
2) வரிசை எண் 8ல் செல்போன்சின்னத்தில் முத்திரையிட்டு ஆதரவளியுங்கள்
கீழ்க்கண்ட  விவரங்களை நம்நண்பர்கள் மற்றும் தோழர்களுடன்
பகிர்ந்து கொள்ளுங்கள்.
3) இந்தத் தேர்தலில் ஒரே ஒர் சங்கம் மட்டுமே அங்கீகார சங்கமாக தேர்வு செய்யப்படும். அதுவே கொள்கை முடிவுகளை இறுதிசெய்யும்.
4) உறுப்பினர் அடிப்படையில் BSNLEUவின் வெற்றி உறுதி. எனினும்
ஏன் செல் சின்னத்தில்வாக்களிக்கவேண்டும்?
5) 20  வருடங்களாக BSNL ஒரு பொதுத்துறை நிறுவனமாக பாதுகாக்கப்பட்டுள்ளது. இது தொடரவேண்டும்.
6) BSNL ஐ  பலவீனப்படுத்தும் துணைடவர் நிறுவனம் தடுக்கப்பட்டது.
7) அதேபோல ஆட்குறைப்புத் திட்டங்களான VRS மற்றும்  CRS தடுக்கப்பட்டுள்ளது.
8) சேவையை மேம்படுத்த பல திட்டங்கள்முன்மொழியப்பட்டு அமுலாக்கப்பட்டுள்ளது.
9) POINT  To POINT FIXATION  30%சம்பளநிர்ணயம், 78.2 % பஞ்சப்படி இணப்பு ஆகியவற்றின் மூலம் திருப்திகரமான சம்பளம் பெறப்பட்டுள்ளது.
10) 4 கட்ட பதவி உயர்வின் மூலம் சம்பள உயர்வு பெறப்பட்டுள்ளது.
11) பதவி உயர்வுத்தேர்வுகள் நடத்தப்பட்டு இளைஞர்கள் முன்னேற்றம்
பெற்றுள்ளனர்.
12) பதவியின் பெயர்கள் மாற்றப்பட்டு மனநிறைவான பெயர்கள் பெறப்பட்டுள்ளன.
13) சங்கங்களுக்கு இடையேயான மனமாச்சரியம், முரண்பாடுகள்கலையப்பட்டு
AUAB அமைப்பு உருவாக்கப்பட்டு இணைந்த போராட்டங்கள்
நடைபெற்றுள்ளன.
14) SC/ST ஊழியர்களின் உரிமைகள்,  நலன்கள் தொடர்ந்து பாதுகாக்கப்பட்டு
வருகிறது.
15) கேடர் வாரியான பிரச்சனைகளில் அக்கறையுடன் கூடிய தலையீடும், தீர்வும் உருவாக்கப்பட்டுள்ளது.
16) அகில இந்திய அளவில் பெண்கள் அமைப்பு (BSNLWWCC)உருவாக்கப்பட்டு
அவர்களின் நலன்கள் பாதுகாக்கப்பட்டுள்ளது.
17) இதர பொதுத்துறை நிறுவனங்களுடன் இணைந்து அரசின் தொழிலாளர்
விரோதக் கொள்கைகளுக்கு எதிரான பொது வேலைநிறுத்தங்கள் BSNL ல்
வெற்றி கரமாக்கப்பட்டுள்ளது.
18) ஒப்பந்த ஊழியர் நலனுக்காகதொடர் இயக்கங்கள்நடத்தப்பட்டு
முன்னேற்றம் காணப்பட்டுள்ளது.
19) தீண்டாமை ஒழிய, தீண்டாமை ஒழிப்பு முன்னணி அமைப்பில் இணைந்து
தொழிலாளர் ஒற்றுமை உருவாக்கப்பட்டுள்ளது.
20) BSNL புத்தாக்கம் பெற புதிய கடன் வசதி ,அரசின் நிதி உதவி, 
நிலப்பயன்பாட்டுக் கொள்கை ஆலோசனைகள் முன் மொழியப்பட்டுள்ளன.
21) தேர்தல் வெற்றிக்குப்பின் இடையில் நிறுத்தப்பட்ட மூன்றாவது சம்பளப்
பேச்சுவார்த்தை  நடத்தப்பட்டு,  நல்லசம்பள உயர்வு பெற்றுத்தரப்படும்……

பென்சன்மாற்றம் உத்திரவாதம் செய்யப்படும்,
புதிய பதவி உயர்வுக்கொள்கை உருவாக்கப்படும்
புதிய ஆளெடுப்பு வலியுறுத்தப்படும்
நேரடி நியமன ஊழியர்களின் கோரிக்கைகள்அக்கறையுடன் தலையிட்டுத்
தீர்க்கப்படும்.

ஓய்வு பெரும் வயது 60 என்பது உறுதிப்படுத்தப்படும்.
தீர்க்கப்படாமலுள்ள கேடர் பிரச்சனைகள் தீர்க்க முன் கைஎடுக்கப்படும்.
புதிய மருத்துவ காப்பீடு முழுபலன்களுடன் பெற்றுத் தரப்படும்.
கூடுதல் கடன் வசதித்திட்டங்கள் பெற்றுத் தரப்படும்.
சீரழிந்து கிடக்கும் சென்னை கூட்டுறவு சொசைட்டி சீரமைக்கப்படும். முறைகேடுகள் களையப்படும். தவறு செய்தவர்கள்தண்டிக்கப்படுவார்கள்.கடன் வசதி தொடரும், Closer, settlement  தலையீட்டுத் தீர்க்கப்படும்.
எனவே, நாளை 8ஆவது உறுப்பினர் சரிபார்ப்பில் BSNLEU சங்கத்திற்கு வரிசைஎன் 8ல் செல்போன்சின்னத்தில்வாக்களிக்கதோழமையுடன்வேண்டுகிறோம்.
நன்றி
தோழமையுடன்
கோவைமாவட்டச்சங்கம்
(தேர்தல்நேரம்:-காலை 09.00 மணிமுதல்மாலை 05.00மணிவரை)
வாக்களிப்போம் செல்போன் சின்னத்திற்கு!
வெற்றிபெறச்செய்வோம் BSNLEU வை.

தோழர்களே...! கொஞ்சம் உங்கள் சிந்தனைக்காக

தோழர்களே...! கொஞ்சம்  உங்கள் சிந்தனைக்காக

   BSNLEU நிறுவனத்தில் அசைக்கமுடியாத முதன்மைச்சங்கமாக தொடர்ந்து நீடித்து வருவது நமது BSNLEU ஊழியர் சங்கம் என்பது நீங்கள் அறிந்த ஒன்றே... 

பல்வேறு சூழல்களில் அரசும் நிர்வாகமும் தொடர் நெருக்கடிகள் தந்தபோதெல்லாம் நிறுவனத்தையும் ஊழியர் நலன்களையும் BSNLEU மீட்டெடுத்து வந்திருக்கிறது என்பது கண்கூடு...

இன்றைய காலகட்டத்தில் ஊழியர்கள் மத்தியில் ஒரு குழப்பமான சூழலை ஏற்படுத்த அரசும் இந்த நிர்வாகமும் திட்டமிட்டு  துடித்துக்கொண்டிருக்கிறது... 

தொழிற்சங்கத்தின் மீது ஊழியர்களுக்கு அதிருப்தியை உருவாக்கி தனது VRS/CRS போன்ற தனது சதிவேலைகளை எப்படியாவது சாதித்துக்கொள்ளலாம் என தீட்டிய பல திட்டங்கள் செல்லாமல் போகவே தனது வேறொரு ஆயுதமாக சம்பள தாமதம் என்ற புதிய நெருக்கடியை உருவாக்கியது...

சம்பள தாமதத்தை உடனே நீக்கி சம்பளம் வழங்க வேண்டுமென  BSNLEU சங்கம் CMD உட்பட உயர்மட்டத்திலுள்ள அனைவரிடமும் வலியுறுத்தி வந்ததோடு 

நமக்கு முறையாக சேரவேண்டிய... முறைகேடாக நம்மிடமிருந்து பிடித்தம் செய்யப்பட்டிருக்கும் பல ஆயிரக்கணக்கான கோடி ரூபாய்களை திருப்பி அளிக்கும்படி கேட்டும் வேண்டுமென்றே இன்றுவரை தாமதம் செய்துகொண்டு வருகிறது... 

அது மட்டுமல்லாமல் உடனடியாக ஊழியர் மற்றும் அதிகாரிகளுக்கு சம்பளம் வழங்கக்கோரி கடந்த 03.9.19 அன்று  AUAB சார்பில் மற்ற சங்கங்களுக்கும் அழைப்பு விடுத்தும்  NFTE/ FNTO/ TEPU உட்பட்ட சுய நலச்சங்கங்கள் போராட்டத்தில் கலந்துகொள்ளவுமில்லை... 

ஆனால் BSNLEU கடந்த 03.9.19 சம்பளம் வழங்க கோரி போராட்டம் நடத்தியது. 
NFTE/FNTO/TEPU சங்கங்கள் தனியாக எந்த போராட்டமும் நடத்தவுமில்லை... அவர்கள் ஊழியர்களின் பிரச்சினையை தீர்க்க எந்த போராட்டத்தையும் இதுவரையிலும் முன்னெடுக்கவும் இல்லை.. 

இந்த சூழலில் அரசு இயந்திரம் BSNLEU தொழிற்சங்கத்தின் மீது ஊழியர்களுக்கு அதிருப்தியை ஏற்படுத்தும் விதமாக தேர்தல் நேரத்தில் வேண்டுமென்றே நீண்ட நாட்களுக்கு சம்பளத்தை முடக்கி வைத்தது. 

ஆனால் நமது தொடர் பேச்சுவார்த்தையால் இப்போது இந்த மாதம் 18 -20 தேதிக்குள் சம்பளம் தருவதாக நிர்வாகம் ஒப்புக்கொண்டுள்ளது. 

சம்பள தாமதத்தில் நிர்வாகத்தின் நிலைப்பாடு ஊழியர்களிடையே குழப்பத்தையும் அச்சத்தையும் உருவாக்கும் ஒரு திட்டமிட்ட சதியே.
பிஎஸ்என்எல் ஊழியர் சங்கம் சமரசமற்ற தனது போராட்டங்களை அரசுக்கும் நிர்வாகத்துக்கும் எதிராக நடத்தி பறிக்கப்படும் உரிமைகள் அனைத்தையும் நிச்சயம் பெற்றெடுத்து தரும் என்பதில் யாரும் எந்த ஐயமும் கொள்ளவேண்டாம்.. 

நமது சங்கத்தைப் பற்றி காழ்ப்புணர்ச்சியுடன் சிலர் பரப்பி விட்ட திட்டமிட்ட அவதூறு பிரச்சாரங்களை ஊழியர்கள் புறம் தள்ளிவிட்டனர் என்பதை பிரச்சாரத்துக்கு செல்லுமிடமெல்லாம் காணமுடிகிறது... இதுதான் நமது சங்கத்தின் பலமும் ஊழியர்கள் நம் மீது வைத்துள்ள நம்பிக்கையின் ஆதாரமுமாகும். 
BSNLEU சங்கம் மட்டுமே ஊழியர்களுக்கான அதிக பட்ச உரிமைகளையும் தேவைகளையும் நிறைவாக பெற்றுத்தருவார்கள் என அளவுகடந்த நம்பிக்கை ஊழியர்களுக்கு எப்போதும் உள்ளது என்பதை இன்று வரை எல்லாவிதமான சூழல்களிலும் காண முடிகிறது... 
இனி வருங்காலத்தை எதிர்கொண்டு... அரசின்... நிர்வாகத்தின் சதிகளை முறியடிக்க நம்மைவிட்டால் மாற்று எதுவுமில்லை என்றே கூறலாம்.  

8வது ஊழியர் சரிபார்ப்பு  தேர்தல் நடக்கவுள்ள நேரத்தில் பிஎஸ்என்எல் ஊழியர் சங்கத்தின்  கடந்த கால போரட்டங்களையும் அதன்மூலம் BSNLEU ஊழியர்களுக்கு  பெற்று தந்த பலன்களையும் இன்று அனைத்து சங்கத்தோழர்களும் அருள் கூர்ந்து எண்ணிப்பார்த்தல் அவசியம். 
அதற்கு ஆதாரமாய் நம் ஒவ்வொருவரின்  பத்தாண்டுகால சம்பள ரசீதை நாம் எடுத்துப்பார்த்தாலே தெரியும் நாம் எந்த அளவிற்கு சம்பளத்தை உயர்வாய் பெற்றிருக்கிறோம் என்பதையும் தெளிவாய் அறிந்துகொள்ள முடியும்.. 
எனவே தோழர்களே.... நாம் பெற்றுத்தந்த பலன்கள் முழுவதற்கும் காரணம் பிஎஸ்என்எல் ஊழியர் சங்கமே என்பதை இந்த நேரத்தில் நாம் உறுதியாய் கூறிக்கொண்டு பிஎஸ்என்எல் ஊழியர் சங்கத்தின் சாதனைகள் சிலவற்றை உங்கள் முன் வைக்க கடமைப்பட்டுள்ளோம்:...
*********

"அடுக்கடுக்காய் சாதனைகள் செய்து ஊழியர்களை உயரத்தில் அமர்த்திய சங்கம் BSNLEU..."
*********
முதல் சம்பள மாற்றத்தில் point to point fixation பெற்று தந்தது BSNLEU.

2வது ஊதிய மாற்றத்தின் போது  10% உயர்வு போதுமென்று  NFTE/ FNTO  தலையாட்டி நிற்க இறுதிவரை போராடி
30% ஊதிய உயர்வு பெற்றது BSNLEU..     

*  CDA விலிருந்து IDA விகிதத்தில் அரசுப் பென்சனை உத்தரவாதப்படுத்தியது BSNLEU

* 33 ஆண்டுகள் சேவைக்காலம் என்பதை மாற்றி
20 ஆண்டுகள் பணி முடித்திருந்தாலே முழுபென்சன் என மாற்றியது BSNLEU..

*
16-26 ஆண்டு OTBP/BCR என்ற பழைய பஞ்சாங்க பதவி உயர்வை மாற்றி NEPP யால் 4, 7 , 8 , 8  ஆண்டுகளில் பதவி உயர்வு பெற்றுத்தந்தது BSNLEU  

 * இன் முகத்துடன் கூடிய இனிய சேவை திட்டத்தில் வாடிக்கையாளரை உயர்த்தியது BSNLEU

* புதிய JE மற்றும் TT  பதவிகளை உருவாக்கி பதவி உயர்வுக்கு வித்திட்டது BSNLEU

* TTA (JE) ஊதிய விகிதத்தை மாற்றியமைத்தது BSNLEU

* தேர்வுபெறாத 40% JE (TTA)  க்களை சப்ளிமெண்டரி தேர்வில் தேர்ச்சியடையச்செய்தது BSNLEU

* பிராட்பேண்ட் சேவையில் ஊழியர்களுக்கு சலுகை பெற்றுத்தந்தது BSNLEU

* ஊழியர்களின் சலுகை தொலைபேசியில் ஒன் இந்தியா வசதி மற்றும் ஃப்ரீ கால் பெற்றுத்தந்தது BSNLEU

*ஓய்வு பெற்றவர்களுக்கும் இலவச தொலைபேசி பெற்றுத்தந்தது BSNLEU

*பொதுத்துறை வரலாற்றில் பத்து வருடங்களில் ஆறு மடங்காய் ஊதிய உயர்வு பெற்றுத்தந்த ஒரே சங்கம் BSNLEU

* புதிய ஊதியத்தில் லீவ் என்காஷ்மெண்ட் பெற்றுத்தந்தது BSNLEU

*முன்பு TSM ஆக இருந்து 01.01.2000 பின் நிரந்தரமான RM க்கு EPF என்பதை மாற்றி GPF ஆகவே தொடர வைத்தது BSNLEU.

*JTO பதவியில் 35% பழைய ஊழியர்களுக்கு ஒதுக்கீடு செய்தது BSNLEU

*TM (TT) காலியிடங்களை உடனடியாக நிரப்பியது BSNLEU

*இறந்தவரின் வாரிசுகளுக்கு பணி வழங்க நடவடிக்கைகள் எடுத்தது BSNLEU

*விழாக்கால முன் பணம் 5000/- என உயர்த்தி பெற்றுத்தந்தது BSNLEU

*பொதுத்துறை வங்கிகளில் உடனடி கடன் வசதிகள் வாங்கி கொடுத்தது BSNLEU

*பயன் தரும் புதிய இன்சூரன்ஸ் திட்டம் பெற்றுத்தந்தது BSNLEU 

*வாடகை கட்டிடங்களை சொந்த கட்டிடத்திற்கு மாற்றியது BSNLEU

*ஓய்வு ஊதிய பலன்கள் உடனடியாக செட்டில்மெண்ட் செய்ய வைத்தது BSNLEU

*நேரடி BSNL ஊழியர்களுக்கு EPF பங்களிப்பு உயர்த்தி பெற்றுத்தந்தது BSNLEU

*விளையாட்டு வீரர்கள் பணி நியமனங்கள் செய்தது BSNLEU 
* தொழிற்சங்க பாதுகாப்பை உறுதி செய்தது BSNLEU
*வகிக்கும் பதவிக்கு OS / JE / TT / ATT கெளரவமான பெயர் மாற்றம் பெற்று தந்தது BSNLEU.
*அடிப்படைச் சம்பளத்தில் 3% இண்கிரீமெண்ட் வாங்கித்தந்தது BSNLEU

*கடைசி மாத சம்பளம் / பத்து மாத சம்பள ஆவரேஜ் இதில் எது அதிகமோ
அதில் பென்ஷனை பெற்றுக்கொடுத்தது BSNLEU

*கிராஜுவிட்டி உச்சவரம்பு 3.5 லட்சத்திலிருந்து 10 லட்சமாக உயர்த்தியது BSNLEU

*JAO PART II தேர்வுகள் நடத்திட வழிவகை செய்தது BSNLEU

*பெண் ஊழியரின் பேறுகால விடுப்பு 135 லிருந்து 180 நாட்களாக உயர்த்தியது BSNLEU.

*குழந்தைகள் பராமரிப்புக்கு பெண்களுக்கு  CCL விடுமுறை பெற்றுத்தந்தது BSNLEU  

* பங்குகளை விற்காமல் முழு நிறுவனமாக இன்றுவரை தொடர்ந்து வருவதற்கு காரணம் BSNLEU


* இரண்டாவது சங்கத்திற்கும் அங்கீகாரம் என்ற பரந்த ஜனநாயகம் அளித்தது BSNLEU

* 2005ல் நமது தரைவழி கேபிள்களை தனியாருக்கு தரைவார்க்க முடிசெய்து நமது வாழ்வாதாரத்தை அழிக்க நினைத்த திட்டத்தை எதிர்த்து போராடி தடுத்து நிறுத்தி யது BSNLEU

* இப்படி... கடந்த 15 ஆண்டுகளில் BSNLEU  வின் சாதனைகளை இன்னும் அடுக்கலாம்...
* இத்துடன் நிற்காமல் இன்றைய காலத்தில் இன்றைய அரசை எதிர்த்து இன்னும் வீரியமாய் செயல்படவும்
*அனைத்து போராட்டங்களையும் ஒருங்கிணைத்து தலைமையேற்று நடத்திடவும்
*
ஊழியர்கள் அதிகாரிகளை இணைத்து BSNL ஐ வளர்ச்சிக்கு இட்டுச்செல்லவும் 
* VRS/CRS திட்டங்களை முறியடிக்கவும்
* டவர்களை பாதுகாத்து 
4 G சேவை பெற்று நிறுவனத்தை உயர்த்தவும்
* திட்டமிட்டு மறுக்கப்பட்டுவரும் புதிய ஊதியவிகிதத்தை சிறப்புடன் பெற்றிடவும்
* நமது நிலங்களை பறித்து தனியாருக்கு தாரை வார்க்க துடிக்கும் இந்த அரசை எதிர்த்து தைரியமாக போராடி நமது நிலங்களை பாதுகாக்க.


*சுயநலம் கொண்டும்...
தங்கள் சுய லாபத்துக்காகவும் ஊழியர் நலன்களை அடகுவைக்கத் துடிப்பவர்களின்
பொய் பிரச்சாரங்களையும்...
போலி வாக்குறுதிகளையும்....
அவதூறுகளையும்... ஆசை வார்த்தைகளயும்... 
துச்சமென தூக்கியெறிந்து...
இந்த
நிறுவனத்தையும் ஊழியர்களையும் சொசைட்டியையும் அதன் உறுப்பினர் நலன்களையும் சொசைட்டி நிலங்களை நிரந்தரமாய் காத்திடும்
ஒரே நம்பிக்கையுள்ள சங்கமாம் BSNL ஊழியர் சங்கத்தை  
8வது ஊழியர் சரிபார்ப்பு தேர்தலில் வரிசை எண் 8 ல்
செல்போன் சின்னத்திற்கு வாக்களித்து வெற்றிபெறச்செய்வீர்..*
வாக்களிக்கும் நாள் 16.9.19.

நாளை 16.9.19 நீங்கள் அளிக்கபோகும் செல் சின்னம் வரிசை எண்.8, BSNLEU சங்கத்திற்க்கான வாக்கு உங்களையும் இந்த நிறுவனத்தையும் பாதுகாக்கின்ற  வாக்கு என்பதனை நினைவில் கொள்ளவும்

நன்றி


வெள்ளி, 13 செப்டம்பர், 2019

சிந்திப்பீர் வாக்களிப்பீர்

பிஎஸ்என்எல் என்ற நிறுவனமெல்லாம், தாராளமய கொள்கைக்கு பிறகு உருவாக்கப்பட்டவை.  அதற்கு முன், பி அன்ட் ட்டி டிப்பார்ட்மென்ட் என்பார்கள்.  போஸ்டல் அன்ட் டெலிகிராப்.  தபால் மற்றும் தொலைத் தொடர்பு துறை இரண்டும் ஒரே துறைகளாக இருந்தன.

அந்த துறைக்காக உருவாக்கப்பட்ட ஒரு கூட்டுறவு சங்கம்தான், அரசு தொலைத் தொடர்புத் துறை ஊழியர் கூட்டுறவு சங்கம்.   இந்த சங்கம் உருவான ஆண்டு 1912.  அத்தனை பழமையான சங்கம் இது.  இந்த சங்கம் 2003ம் ஆண்டு வரை, வெறும் கூட்டுறவு சங்கமாக இருந்தது.

2003ம் ஆண்டில் அந்த சங்கத்தில் இருந்த சிறப்பு அதிகாரி, சங்கத்தின் பெயரில் நிலம் வாங்கலாம் என்று முடிவெடுக்கிறார்.  அதன்படி, திருவள்ளுர் மாவட்டம், வெள்ளானூர் கிராமத்தில், ஒரு ஏக்கர் 16 லட்சம் வீதம் 15.97 கோடிக்கு 95.5 ஏக்கர் நிலம் வாங்கப்பட்டது.  இந்த நிலத்தை வாங்குவதற்காக ஐசிஐசிஐ வங்கியில் 16 கோடி கடன் பெறப்பட்டது.

2013ம் ஆண்டு, இந்த நிலத்தை சங்க உறுப்பினர்களுக்கு குலுக்கல் மூலம் ஒதுக்குவதென்றும், குலுக்கலில் நிலம் கிடைக்காதவர்களுக்கு 40 ஆயிரம் ரூபாய் பணம் வழங்குவதென்றும் முடிவெடுக்கப்படுகிறது.

இதன் பிறகு, இந்த இடத்தில் அடுக்குமாடி குடியிருப்புகள் கட்டினால் என்ன என்று ஒரு ஆலோசனை முன்வைக்கப்படுகிறது.  20.09.2013 அன்னு சென்னை க்ரீன் பார்க் ஹோட்டலில், இந்த சொசைட்டியின் இயக்குநர்கள் கூட்டம் நடைபெறுகிறது.



அந்த கூட்டத்தில் மொத்தம் உள்ள 10 இயக்குநர்களில் 7 பேர் அடுக்குமாடி வீடுகள் என்றும், 3 பேர் நிலம் என்றும் வாக்களிக்க, பெரும்பான்மை அடிப்படையில், அடுக்குமாடி வீடுகள் கட்டுவதென்று முடிவெடுக்கப்படுகிறது.

23 நவம்பர் 2013 அன்று தி நியூ இந்தியன் எக்ஸ்பிரஸ் பத்திரிக்கையில் அடுக்குமாடி வீடுகள் கட்டுவதற்காக டெண்டர் விடப்படுகிறது.   அந்த டெண்டரில் எத்தனை பேர் பங்கேற்றார்கள், யார் யார் பங்கேற்றார்கள் என்ற விபரங்கள் எதுவும், சொசைட்டி உறுப்பினர்களுக்கு தெரிவிக்கப்படவில்லை.

OTCO இன்டர்நேஷனல் என்ற நிறுவனத்துக்கு இந்த கட்டிடங்களை கட்டு ஒப்பந்தப் புள்ளி வழங்கப்படுகிறது.

OTCO International நிறுவனம் ஒரு மென்பொருள் நிறுவனம். இந்த நிறுவனத்துக்கும் கட்டுமானத்துக்கும் எந்த சம்பந்தமும் இல்லை. இந்த நிறுவனம் அதன் இணையதளத்தில் அதைப் பற்றி கீழ் கண்டவாறு குறிப்பிடுகிறது.

OTCO International Ltd. is a leading IT Solutions and Service-Providing Company. This new age of otco International is also now focusing as Financial Consultant, Management Consultant and business of enterprise solution for Micro Finance industry and Financial industry. It was Founded in the year 1981 .We are a technically advanced organization and ready to serve the toughest of the technical IT challenges as well as financial advisory challenges.



இந்த நிறுவனத்துக்கும் கட்டுமானத்துக்கும் எந்த சம்பந்தமும் இல்லை.   இப்படி முன் அனுபவம் இல்லாத ஒரு நிறுவனத்துக்கு எப்படி பிஎஸ்என்எல் தொழிலாளர்களின் உழைப்பில் உருவான சொசைட்டி வாங்கிய நிலடத்தில் கட்டிடங்கள் கட்ட டெண்டர் வழங்கப்பட்டது என்பது புரியாத புதிராக இருக்கிறது.

சரி அதைக் கூட ஒரு ஒதுக்கி விடுவோம்.  இந்த நிறுவனத்துக்கு டெண்டர் வழங்கப்பட்டால், இந்த நிறுவனம் என்ன செய்ய வேண்டும் ? நிலத்தில் கட்டுமானப் பணிகளை மேற்கொள்ள வேண்டும்.  சரியா ?

OTCO இன்டர்நேஷனல் நிறுவனம், ஒரு மாடல் வீட்டை கட்டுகிறது.  இது எதற்காக என்றால், சொசைட்டி உறுப்பினர்களிடம், இதே போல ஒரு வீட்டைத்தான் உங்களுக்கு கட்டித் தரப் போகிறோம் என்று சொல்வதற்காக.  இது நடப்பது 2013 இறுதியில்.

அந்த மாடல் கட்டிடத்துக்கு நேரில் சென்றேன்.  ஆவடி மற்றும் திருமுல்லைவாயில் இடையே, அம்பத்தூரிலிருந்து ஆவடி செல்லும் திசையில் வலது புறம் திரும்பி பல வளைவு நெளிவுகளை கடந்து செயின்ட் மைக்கேல் பாலிடெக்னிக் அருகே இந்த மாடல் கட்டிடம் அமைக்கப்பட்டுள்ளது.

பெரிய தோட்டம் அமைத்துள்ளார்கள்.  கட்டிடத்தை பராமரிக்க ஒதிஷாவிலிருந்து இருவர் அங்கே உள்ள வாட்ச்மேன் அறையில் தங்கியுள்ளனர்.  உள்ளுர் காரர் ஒருவர் அங்கே லுங்கி கட்டிக் கொண்டு அமர்ந்திருந்தார்.

இவ்வளவு தள்ளி காலியான ஒரு கட்டிடம் இருக்கிறதே.  தவறான காரியங்கள் ஏதும் இங்கே நடைபெறுமோ என்ற சந்தேகத்தில், அடுக்கு மாடி வீட்டின் சாவி எங்கே இருக்கிறது. வேறு யாராவது இங்க வருகிறார்களா என்று அந்த ஒதிஷாகாரர்களிடம்  கேட்டேன்.   இல்லை சாவி கூட்டுறவு சங்க நிர்வாகிகளிடம் இருக்கிறது.  கோயி நகி இதர் ஆத்தா ஹை சாப் என்றார் அந்த ஒதிஷா காரர்.  உள்ளுர்  ஆசாமி என்னை அவர் மொபைலில் போட்டோ எடுத்தார். (போட்டோவில் அழகாக விழுந்திருக்கிறேனா என்பது தெரியவில்லை) வீட்டை போதுமான அளவு போட்டோ எடுத்துக் கொண்டு வந்து விட்டேன்.

 

ஆனால் அதன் பிறகு எந்த வேலையும் நடைபெறவில்லை. OTCO இன்டர்நேஷனல் நிறுவனம், வீடு கட்டித் தருவதற்காக வந்த நிறுவனம் இல்லையா ?

ஆனால், இந்த பிஎஸ்என்எல் தொழிலாளர்களின் கூட்டுறவு சங்கத்தை நிர்வகிக்கும் இயக்குநர் குழுவின் தலைவர் வீரராகவன், துணைத் தலைவர் ரகுநாதன், பொருளாளர் திரிசங்கு, மற்றும் இயக்குநர்கள் அனைவரும் சேர்ந்து, இந்த 95 ஏக்கர் நிலத்துக்கான பவர் பத்திரத்தை OTCO இன்டர்நேஷனல் நிறுவனத்துக்கு 16 மற்றும் 20 டிசம்பர் 2017 அன்று எழுதித் தருகிறார்கள்.  ஒரு இடத்தில் கட்டுமானப் பணிகளை மேற்கொள்ள வந்த நிறுவனத்திடம் எதற்காக நிலத்துக்கான பவர் பத்திரத்தை அளிக்க வேண்டும் என்பது புரியவில்லை.



சரி. அத்தோடு விட்டார்களா என்றால் இல்லை.   20 டிசம்பர் 2017 அன்று, இந்த நிலங்கள் அனைத்தும் OTCO இன்டர்நேஷனல் நிறுவனத்துக்கு விற்பனை செய்யப்படுகிறது.

பத்திர எண் 12871 மற்றும் 12872/2017 என்ற பத்திர எண்ணில், 4.51 கோடிக்கு ஒரு பகுதி நிலமும், 10.93 கோடிக்கு மற்றொரு பகுதி நிலமும், என, சொசைட்டிக்கு சொந்தமான மொத்த நிலங்களும் OTCO இன்டர்நேஷனல் நிறுவனத்துக்கு விற்பனை செய்யப்படுகின்றன. இந்த பத்திரப் பதிவு நடக்கும் நாள் 20.12.2017.  12871 என்ற பத்திரத்தை, போதுமான முத்திரை கட்டணம் (Stamp Duty) கட்டவில்லை என்பதற்காக, முத்திரை சட்டப் பிரிவு 47 (A) (1)ன் கீழ் சார் பதிவாளர் நிறுத்தி வைக்கிறார்.



வழக்கமாக இது போல முத்திரைக் கட்டணக் குறைவு காரணமாக பத்திரம் நிறுத்தி வைக்கப்பட்டால், அது வருவாய்த் துறையில் இதற்கென்றே உள்ள கூடுதல் மாவட்ட ஆட்சியர் (முத்திரைக் கட்டணம்) அவர்ளிடம் அனுப்பப்படும்.  அவர் கட்டிடத்தை ஆய்வு செய்து, அனுமதி அளித்த பின்னரே, பத்திரம் சம்பந்தப்பட்டவரிடம் வழங்கப்படும்.

ஆனால் 20.12.2017 அன்றே OTCO இன்டர்நேஷனல் நிறுவனம், Jesuit Ministries என்ற நிறுவனத்துக்கு விற்பனை செய்கிறது.  எந்த நிலத்தை தெரியுமா.

பத்திர எண் 12871/2017ல், 10.93 கோடிக்கு கூட்டுறவு சொசைட்டியால் OTCO இன்டர்நேஷனல் நிறுவனத்துக்கு விற்கப்பட்ட அந்த நிலத்தை 25.78 கோடிக்கு விற்பனை செய்கிறது OTCO இன்டர்நேஷனல்.



1 மணி நேரத்தில் OTCO இன்டர்நேஷனல் நிறுவனம் சம்பாதித்த லாபம் 15 கோடிகள். OTCO இன்டர்நேஷனல் நிறுவனத்தின் 2017-2018க்கான ஆண்டறிக்கையில், 2016-17ல், 9 லட்சமாக இருந்த அதன் லாபம்      2017-18ல், 1.41 கோடியாக உயர்ந்துள்ளது என்று குறிப்பிட்டுள்ளது.  லாபம் திடீரென்று உச்சத்துக்கு போனதை ஒரு புறம் வைத்துக் கொள்ளலாம்.   ஒரே நாளில் நில விற்பனை செய்ததில் மட்டும் அந்த நிறுவனம் சம்பாதித்த தொகை 15 கோடிகள்.   இந்த நிலத்தை தொலைத் தொடர்பு ஊழியர் சங்கத்திடம் இருந்து வாங்கியது குறித்தோ, அதே Jesuit Industries நிறுவனத்துக்கு விற்றது குறித்தோ, OTCO இன்டர்நேஷனல் நிறுவனத்தின் ஆண்டறிக்கையில் ஒரு வரி கூட இல்லை என்பது குறிப்பிடத்தக்கது.



இந்த நிறுவனம், தேசிய பங்குச் சந்தை மற்றும் மும்பை பங்குச்சந்தையில் பட்டியலிடப்பட்ட ஒரு நிறுவனம். 12 அக்டோபர் அன்று உள்ளபடி அதன் ஒரு பங்கு ரூபாய் 12.05க்கு பரிவர்த்தனை செய்ய்ப்பட்டுள்ளது.    அதன் காரணமாக SEBI விதிகளின்படி, இந்த நில பரிவர்த்தனையை அந்த நிறுவனம், SEBIக்கு தெரிவித்திருக்க வேண்டும். 31.03.2018 அன்று வரையுள்ள அதன் ஆண்டறிக்கையில்  இந்த பரிவர்த்தனை இடம் பெற்றிருக்க வேண்டும்.   இந்த ஒரே காரணத்துக்காக செபி இந்த நிறுவனத்தை பங்குச் சந்தையிலிருந்து நீக்கலாம்.

இந்த Jesuit Ministries யாரென்று பார்த்தால் வெறி பிடித்த ஒரு கிறிஸ்துவ அமைப்பு.   ஏஞ்சல் டிவி நடத்தும் க்ரூப்தான் இந்த Jesuit Ministries. உலகம் முழுக்க கிளை அமைத்திருக்கும் இந்த அமைப்பு, “ஏ பாவிகளே. உலகம் அழியப் போகிறது.  தீர்ப்பு நாள் விரைவில் வருகிறது. அதற்குள் கர்த்தரிடம் சரணடையும்” என்று கத்திக் கொண்டிருக்கும் கூட்டம். http://www.jesusministries.org/

அந்த பகுதியில் விசாரித்ததில் ஒரு ஏக்கர் நிலம் ஒரு கோடிக்கு போகிறது என்றார்கள்.

95 கோடி ரூபாய்க்கு விற்பனை செய்யப்பட வேண்டிய தொலைத் தொடர்பு ஊழியர்களின் நிலத்தை யார் யாரெல்லாம் பங்கு போட்டுக் கொள்கிறார்கள் பார்த்தீர்களா ?

இது தொடர்பாக பிஎஸ்என்எல்லில் பணியாற்றும் சில ஊழியர்களிடம் பேசியதில், சார் எங்களால் எதுவுமே செய்ய முடியவில்லை. எங்கள் கண் முன்னால் எங்கள் உழைப்பில் வாங்கப்பட்ட நிலம் பறிபோகிறது.  நாங்கள் செய்வதறியாது நிற்கிறோம் என்றார்கள்.

இந்த கட்டுரை தொடர்பாக, தொலைத்தொடர்பு ஊழியர் கூட்டுறவு சங்க நிர்வாகிகளின் கருத்தை அறிய, அதன் தலைவர் வீரராகவனை  தொடர்பு கொண்டால் அவர் தொடர்ந்து இணைப்பை துண்டித்தார்.


வீரராகவன்

துணைத் தலைவர் ரகுநாதனை தொடர்பு கொண்டபோது, நான் கோவிலில் இருக்கிறேன். பிறகு பேசுகிறேன் என்றார்.  ஒரு நேரத்தை சொல்லுங்கள் நான் அழைக்கிறேன் என்றால், உடனே இணைப்பை துண்டித்தார்.  பொருளாளர் திரிசங்குவை தொடர்பு கொண்டபோது, எதுவாக இருந்தாலும் தலைவரிடம் பேசிக் கொள்ளுங்கள் என்று துண்டித்து விட்டார்.

ஆயிரக்கணக்கான தொழிலாளர்களின் உழைப்பில் உதயமாகி செயல்படும் ஒரு சொசைட்டி வாங்கிய நிலத்தை ஒரு சில பேராசைக்கார்கள் அகபரிப்பது எத்தனை பெரிய மோசடி ?  இந்த சொசைட்டியின் நிர்வாகிகளாக இருப்பவர்கள் உயர் உயர் அதிகாரிகள் அல்ல.  அவர்களும் சக தொழிலாளர்களே.  அவர்களே சக தொழிலாளர்களின் வயிற்றில் அடித்தால் ?

மனிதனின் பேராசைக்கு அளவே இல்லையா என்று மலைப்பே ஏற்படுகிறது.

வெறுமனே கட்டுரை எழுதுவதோடு நில்லாமல், இது தொடர்பாக உரிய அமைப்பிடம் புகார் செய்து, இந்நிலம் பிஎஸ்என்எல் தொழிலாளர்களுக்கு சென்று சேர்வதற்கான நடவடிக்கையையும் சவுக்கு எடுக்கும்.

கெட்டிக்காரனின் பொய்யும் புரட்டும் தக்கு முக்கு திக்கு தாளம்


கெட்டிக்காரன் பொய்யும் புரட்டும் எட்டு நாட்கள் தான் என்பார்கள்.  ஆனால் புரட்டல்வாதி மதிவாணனின் பொய் ஒரே நாளில் அம்பலமாகிவிடும்.

அவர் தனது NFTE சென்னை தொலைபேசி இணைய தளத்தில், 'மராட்டிய மாநிலத்தில் BSNLEU சங்கத்தின் மாநில செயலாளராக உள்ள நாகேஷ் நளவாடே தலைவராக உள்ள பூனா கூட்டுறவு சொசைட்டி குறித்து அவர்களின் மாத இதழான தொலை தொடர்பு தோழன் (செப்டம்பர்/2009 பக்கம்11) பத்திரிகையில் வெளியிட்ட செய்தியினை இத்துடன் இணைத்துள்ளேன்' என்று போட்டு விட்டு, அதில் ஊழல் முறைகேடு என பிதற்றியுள்ளார்.

இதனை, பூனா சொசைட்டியில் ஊழல் என்பதற்கான பயங்கரமான ஆதாரம் என்று அவரின் அடியாட்கள், WHATSAPP   செய்தியாக தமிழகம் முழுவதும் பிரச்சாரம் செய்து வருகின்றார்கள்.

NFTEயின் மூமூமூமூத்த துணைத்தலைவருக்கு உண்மை பேச தெரியாது என்பது அனைவருக்கும் தெரியும்.  ஆனால் கணிதத்தில் கூட பலவீனமானவர் போலும்.  2019 செப்டம்பர் இதழில் வந்த செய்தியை, 2009 செப்டம்பர் இதழ் என மாற்றி போட்டுள்ளார்.  அதிலும் ஒரு உள் நோக்கம் வைத்துள்ளார்.

புரட்டுக்காரரின் பொய்யை அம்பலப்படுத்த 2019, செப்டம்பர், தொலைதொடர்பு தோழன் இதழின் 11ஆம் பக்கத்தை முழுமையாக போட்டுள்ளோம்

இரட்டை வேடம் போடும் SEWA BSNL

இரட்டை வேடம் போடும் SEWA BSNL
புதிய பதவி உயர்வு திட்டத்தில் SC/ST ஊழியர்களுக்கு இட ஒதுக்கீட்டை BSNL  ஊழியர் சங்கம் நீக்கி விட்டது என SEWA BSNL பிரச்சாரம் செய்து வருகின்றது. இது எந்தவித அடிப்படையும் இல்லாத குற்றச்சாட்டு. இந்திய நாட்டு உச்ச நீதி மன்றம் வழங்கிய  தீர்ப்பின் படி பதவிகள் அடிப்படையிலான ( POST BASED ) பதவி உயர்வில் மட்டும்தான் இட ஒதுக்கீட்டு முறை உண்டு. ஆனால்  சேவைக் கால (TIME BOUND ) அடிப்படையில் சம்பள  விகிதத்தை உயர் நிலைப்படுத்தும் பதவி உயர்வு திட்டத்திற்கு இட ஒதுக்கீட்டு முறை கிடையாது.
டெலிகாம் டெக்னிசியன், ஜுனியர் இஞ்சீனியர், ஜுனியர் டெலிகாம் ஆபிசர், ஜுனியர் அக்கவுண்ட்ஸ் ஆபிசர் போன்ற பதவி உயர்வுகளில் இட ஒதுக்கீடு முறை இன்றைக்கும் அமுலில் உள்ளது. ஆனால் சேவைக்கால அடிப்படையில் சம்பள விகிதத்தை உயர் நிலைப் படுத்தும் பதவி உயர்வு திட்டமான  NEPP- யில் இட ஒதுக்கீடு கிடையாது. உச்ச நீதி மன்ற தீர்ப்பே இதற்குக் காரணமாகும்.
எனவே BSNLEU  சங்கம் NEPP  திட்டத்தில் இட ஒதுக்கீடு முறையை ரத்து செய்து விட்டது  என்று SEWA BSNL  சொல்வது  முற்றிலும் பொய்யாகும்
 SEWA BSNL  லிடம் நாம் பின்வரும் கேள்விகளைக் கேட்க விரும்புகின்றோம்
1) SC/ST  இட ஒதுக்கீட்டை BSNLEU ரத்து செய்திருந்தது என்றால்,  அதைப் பெறுவதற்கு  SEWA BSNL இதுவரை என்ன நடவடிக்கை எடுத்தது ? 
2) SEWA BSNL  அமைப்புக்கு அரசாங்கமும், BSNL நிர்வாகமும் அங்கீகாரம் வழங்கியது, SC/ST  இட ஒதுக்கீடு அமுலாவதை உறுதிப்படுத்துவதற்காகத்தான்.  என்றால், புதிய பதவி உயர்வுத் திட்டத்தில் SC/ST இட ஒதுக்கீட்டை  SEWA BSNL –ஆல் ஏன் அமுல்படுத்த முடியவில்லை ?

3) NFTE  – யால் முதலில் கொண்டு வரப்பட்ட  OTBP / BCR பதவி உயர்வுத் திட்டங்களிலும் கூட SC/ST இட ஒதுக்கீடு இல்லாமல்தான் இருந்தது.  இதனை SC/ ST  ஊழியர்களிடமிருந்து SEWA BSNL ஏன் மறைக்கிறது ? NFTE – க்கு வாக்களிக்குமாறு அதன் உறுப்பினர்களுக்கு SEWA BSNL  வழிகாட்டுவது எப்படி?
4)  NFTE - க்கு வாக்களிக்குமாறு தனது உறுப்பினர்களுக்கு SEWA BSNL  வழிகாட்டியுள்ளது.  2013 முதல், NFTE சங்கமும், BSNL நிர்வாகத்தால் அங்கீகரிக்கப் பட்ட சங்கமே.  புதிய பதவி உயர்வு திட்டத்தில் SC/ST இட ஒதுக்கீட்டை NFTE– யால் ஏன் கொண்டு வர முடியவில்லை ?
NFTE – க்கு வாக்களிக்குமாறு  தனது உறுப்பினர்களுக்கு  SEWA BSNL   வழிகாட்டுவது எப்படி ?
SEWA BSNL  இரட்டை வேடம் போடுகிறதல்லவா ?

திங்கள், 9 செப்டம்பர், 2019

தேர்தல் சிறப்புக்கூட்டம் உடுமலை 09-09-2019

உடுமலையில் நடைபெற்ற தேர்தல் சிறப்புக்கூட்டத்தில் மாநில செயலர் தோழர்.அ.பாபுராதாகிருஷ்ணன் அவர்கள் கலந்து கொண்டு சிறப்புரை ஆற்றினார்.

தேர்தல் சிறப்புக்கூட்டம் குறிச்சி- 09-09-2019

குறிச்சிப்பகுதியில் நடைபெற்ற தேர்தல் சிறப்புக்கூட்டத்தில் மாநில அமைப்புச்செயலர் தோழர்.என்.சக்திவேல் மற்றும் மாவட்ட செயலர்.சி.ராஜேந்திரன்,மாவட்ட பொருளர்.தோழர்.செள.மகேஸ்வரன் ஆகியோர் கலந்து கொண்டனர் .கூட்டத்தில் எடுக்கப்பட்ட புகைப்படங்கள்


புதன், 4 செப்டம்பர், 2019

தேர்தல் சிறப்புக்கூட்டம் -திருப்பூர் -04-09-2019

திருப்பூரில் நடைபெற்ற தேர்தல் சிறப்புக்கூட்டத்தில் மாநில தலைவரும், உதவிப்பொதுச்செயலருமான தோழர்.எஸ்.செல்லப்பா அவர்கள் கலந்து கொண்டு  சிறபித்தார்



திங்கள், 2 செப்டம்பர், 2019

பிஎஸ்என்எல் ஊழியர்களுக்கு ஆகஸ்ட் ஊதியம் வழங்கப்படவில்லை கண்டித்து இன்று நாடு முழுதும் ஆர்ப்பாட்டம்


புதுதில்லி, செப்.2-
பிஎஸ்என்எல் ஊழியர்களுக்கு ஆகஸ்ட் மாத ஊதியம் வழங்கிட பிஎஸ்என்எல் நிர்வாகம் தவறிவிட்டது. இதனைக் கண்டித்து நாடு முழுதும் கண்டன முழக்கம் எழுப்புமாறு பிஎஸ்என்எல் ஊழியர் சங்கத்தின் பொதுச் செயலாளர் பி.அபிமன்யு கோரியுள்ளார்.
இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:
பிஎஸ்என்எல் நிர்வாகம் மீண்டும் ஒருமுறை அதன் ஊழியர்களுக்கு ஊதியம் வழங்கிடத் தவறியிருக்கிறது. ஆகஸ்ட் மாத ஊதியத்தை வழங்காதது மட்டுமல்ல, எப்போது வழங்கப்படும் என்று கூட அதனால் கூற இயலவில்லை. 
இவ்வாறு பிஎஸ்என்எல் நிர்வாகம், அதன் ஊழியர்களுக்குக் காலத்தில் ஊதியம் வழங்காதது இந்த ஆண்டில் இது மூன்றாவது தடவையாகும். ஊதியத்தை உடனடியாக வழங்கிட வேண்டும் என்று சங்கத்தின் சார்பில் ஏற்கனவே வரும் செப்டம்பர் 3 அன்று ஆர்ப்பாட்டம் நடத்திடுமாறு அறைகூவல் விடுக்கப்பட்டிருக்கிறது.
டெலிகாம் துறையும், பிஎஸ்என்எல் நிர்வாகமும் ஊழியர்களுக்குக் காலத்தில் ஊதியம் வழங்குவதற்கு உரிய ஏற்பாடுகளைச் செய்திருக்க முடியும். ஓய்வூதியம் பங்களிப்புக்காக பிஎஸ்என்எல் நிர்வாகத்தால் அதீதமான தொகை ஏற்கனவே அரசாங்கத்தற்கு அளிக்கப்பட்டிருக்கிறது. அதனைத் திருப்பி ஒப்படைத்தாலே அரசாங்கத்தால் ஊழியர்களின் ஊதியத்தினைக் காலத்தில் அளித்திட முடியும். 
பிஎஸ்என்எல் ஊழியர்கள் மத்தியில் கொந்தளிப்பு உணர்வையும், விரக்தியையும் ஏற்படுத்தி அவர்களை சுய ஓய்வுக்குக் கட்டாயப்படுத்திட வேண்டும் என்பதற்காகவே டெலிகாம் துறையும், பிஎஸ்என்எல் நிர்வாகமும் இத்தகைய முயற்சிகளில் ஈடுபட்டிருக்கின்றன என்று பிஎஸ்என்எல் எம்ப்ளாயிஸ் யூனியன் உறுதிபடக் கருதுகிறது.
பல லட்சம் கோடி ரூபாய்கள் அளவிற்குக் கடன்கள் வைத்திருக்கின்ற தனியார் டெலிகாம் நிறுவனங்களுடன் ஒப்பிடுகையில் பிஎஸ்என்எல் நிறுவனத்தின் கடன் தொகை என்பது மிகவும் அற்ப அளவிலான தேயாகும்.    
2019 ஆகஸ்ட் 20 அன்று பிரதமர் அலுவலகத்தில் நடைபெற்றக் கூட்டத்தின்போது, பாரத ஸ்டேட் வங்கியும், பேங்க் ஆப் இந்தியாவும் பிஎஸ்என்எல் மற்றும் எம்டிஎன்எல் நிறுவனங்களுக்குக் கடன்கள் கொடுத்து உதவிட வேண்டும் என்று கட்டளை பிறப்பிக்கப்பட்டன. எனினும் அதன்மீது என்ன நடவடிக்கை எடுக்கப்பட்டது என்று தெரியவில்லை. 
பிஎஸ்என்எல் நிறுவனத்திற்கு ஏற்பட்டிருக்கிற நிதி நெருக்கடிக்குக் காரணம் அதன் வருவாயில் கடும் இழப்பு ஏற்பட்டிருப்பதே காரணம் என்பதை வெளிப்படையான ரகசியமாகும். அதாவது 32 ஆயிரம் கோடி ரூபாயிலிருந்து 18 ஆயிரம் கோடி ரூபாயாக வருவாயில் வீழ்ச்சி ஏற்பட்டிருக்கிறது. 
இதற்கு ரிலயன்ஸ் ஜியோ நிறுவனம், இதர நிறுவனங்களை ஒழித்துக்கட்ட வேண்டும் என்ற நோக்கத்துடன் குறைந்த கட்டணத்தை நிர்ணயித்திருப்பதுதான் (predatory pricing) காரணமாகும். இவ்வாறான ரிலயன்ஸ் ஜியோவின் குறைந்த கட்டண நிர்ணயத்தின்மீது அர்த்தமுள்ள நடவடிக்கை எதையும் எடுத்திடவும், அதன்மூலமாக டெலிகாம் தொழிலை ஆழமான நெருக்கடியிலிருந்து பாதுகாத்திடவும் அரசு மறுக்கிறது.
பிஎஸ்என்எல் நிறுவனத்திற்குக் கடன் (soft loan) வழங்கி, அதனைப் பாதுகாத்திட வேண்டும் என்று பிஎஸ்என்எல் நிறுவனத்தின்கீழ் இயங்கிடும் பிஎஸ்என்எல் எம்ப்ளாயிஸ் யூனியன் உட்பட அனைத்து சங்கங்களும் கோரி வருகின்றன. இதேபோன்று மத்திய அரசு 63 நாடுகளுக்கு சுமார் 1 லட்சத்து 96 ஆயிரம் கோடி ரூபாய் அளவிற்குக் கடன் கொடுத்திருக்கிறது. இன்றைய சூழ்நிலையில் இதேபோன்று பிஎஸ்என்எல் நிறுவனத்திற்கும் கடன் அளித்திட, பிஎஸ்என்எல் நிர்வாகம் உரிய நடவடிக்கைகளை உடனடியாக எடுத்திட வேண்டும் என்று பிஎஸ்என்எல் எம்ப்ளாயிஸ் யூனியன் கோருகிறது. 
மேலும பிஎஸ்என்எல் ஊழியர்களுக்கு ஆகஸ்ட் மாத ஊதியத்தை உடனடியாக வழங்கிட உரிய நடவடிக்கைகளை பிஎஸ்என்எல் நிர்வாகமும், டெலிகாம் துறையும் மேற்கொள்ள வேண்டும் என்றும் பிஎஸ்என்எல் எம்ப்ளாயிஸ் யூனியன் கோருகிறது.
இவ்வாறு பி.அபிமன்யு அறிக்கையில் கோரியுள்ளார்.
(ந.நி.

சனி, 31 ஆகஸ்ட், 2019

எட்டாவது தேர்தல் சிறப்பு கூட்டம் சாய்பாபா காலனி

சாய்பாபா காலனியில் தேர்தல் சிறப்புக்கூட்டம்  31.08.2019  மாநில செயலர் பங்கேற்பு



எட்டாவது தேர்தல் சிறப்பு கூட்டம் -கோவை டெலிகாம் அலுவலகத்தில்

எட்டாவது தேர்தல் சிறப்பு கூட்டம் -கோவை டெலிகாம் அலுவலகத்தில்   நடைபெற்றது. BSNLWWCC கன்வீனர் தோழியர்.வி.பி.இந்திரா அவர்கள் கலந்து கொண்டு சிறப்பித்தார்