தலைவர்கள்

தலைவர்கள்
BSNLEU - கோவை மாவட்டச் சங்கம் உங்களை தோழமையுடன் வரவேற்கிறது

ஞாயிறு, 17 பிப்ரவரி, 2019

It is a do or die situation - AUAB calls on the employees to organise the 3 strike massively.


The AUAB held it's crucial meeting today. General Secretaries / senior leaders of BSNLEU, NFTE , SNEA, AIBSNLEA, AIGETOA, BSNL MS, ATM, TEPU and BSNL OA participated. The meeting reviewed the preparations going on throughout the country for the 3day strike. All the General Secretaries gave their reports on the preparations. It is very encouraging to note that, excellent preparations are going on. Especially, the momentum has picked up tremendously in the last 2 days. After considering all the factors, the meeting unanimously decided to go ahead with the strike. It starts from midnight (00:00 hrs.) today. If any clarification is required, comrades are requested to contact their respective General Secretaries.
                         AUAB ZINDABAD.

மூச்சு நின்றுபோமோ? மூன்று நாட்கள் வேலை நிறுத்தத்தால்??


மூச்சு நின்றுபோமோ? மூன்று நாட்கள் வேலை நிறுத்தத்தால்??
ஜீவன்
அழிந்துபோமோ?
சில ஆயிர நிதி இழப்பால்??
இலவசமெல்லாம் வெகுமானமாகுமோ?
அவமானமென்று அறியாயோ நீ தோழா!
ஜல்லிக்கட்டு காயத்தால் ஜன்னியா வந்துவிடும்?
வீரத்தின் தழும்பு அது!       
விழுப்புண்ணே அழகானது!
இதுவும் ஓர் ஜல்லிக்கட்டே🤺
முரட்டு அரசை...
மூர்க்க
டி டீ யை..
விரட்டும் வீரன்
நீ ...தான்!🥊
வீண் அச்சம் விட்டெழு🤾
வீறுகொண்டு கிளர்ந்தெழு🏋
காட்டாற்று வெள்ளமாய்..
சுட்டெரிக்கும் அக்கினியாய்..
சூழ்ச்சிகளை சுட்டழி🔥
தோற்றதில்லை தொழிற்சங்கம்🚩
தத்துவத்தை மெய்ப்பிப்போம்🚩
அதிரட்டும் பாரதம்....
ஆர்ப்பரித்து போராடு🏇🏽
 அதோ...அருகில்..
வெற்றிக் கோப்பை🏆🥇🥈🏅🎗🎖🏵
களத்தில்....



டெலிகாம் துறையில் கூட்டுக்களவாணி முதலாளித்துவம்

டெலிகாம் துறையில் கூட்டுக்களவாணி முதலாளித்துவம்
- தோழர் பி.அபிமன்யு (அழகாக விளக்குகிறார் கொஞ்சம் அமைதியாக வாசியுங்கள்)

டெலிகாம் துறையில், 2016ஆம் ஆண்டு செப்டம்பரில், ரிலயன்ஸ் ஜியோ நுழைவுக்குப் பின்னர், ஒட்டுமொத்த டெலிகாம் துறையும் பயங்கரமான மாற்றத்திற்கு உள்ளாகியிருக்கிறது. டெலிகாம் துறையில் மிகப்பெரிய நிறுவனங்களாக விளங்கிய ஏர்டெல், வோடாபோன், ஐடியா மற்றும் பிஎஸ்என்எல் நஷ்டத்தில் இயங்கத் தொடங்கியிருப்பதுடன், மிகவும் ஆழமான அளவில் பொருளாதார நெருக்கடிக்கும் உள்ளாகி இருக்கின்றன.  ஏர்செல், டாடா டெலி சர்வீசஸ், அனில் அம்பானிக்குச் சொந்தமான ரிலயன்ஸ் இன்போகாம் முதலானவை மூடப்பட்டுவிட்டன, இல்லையேல் மிகப்பெரிய நிறுவனங்களுடன் இணைந்துவிட்டன. பன்னாட்டு ஜாம்பவான் நிறுவனமான வோடாபோன், இந்தியாவில் தன்னுடைய  வர்த்தகத்தைத் தொடரமுடியாமல், குமாரமங்கலம் பிர்லாவுடைய ஐடியா நிறுவனத்துடன் இணைந்திருக்கிறது. இப்போது அதன் பெயர் வோடாபோன் ஐடியா.
ஏர்டெல்லும், வோடாபோன் ஐடியாவும் தங்களுடைய வாடிக்கையாளர்களை மிகவும் வேகமானமுறையில் இழந்து வருகின்றன. இவற்றுடன் இணைந்திருந்த பல லட்சக்கணக்கான வாடிக்கையாளர்கள், ஒவ்வொரு மாதமும் ஜியோவுக்கு மாறிக் கொண்டிருக்கிறார்கள்.  பழைய நிறுவனங்களில் பிஎஸ்என்எல் நிறுவனம் மட்டும்தான் தன்னுடைய வாடிக்கையாளர்களின் எண்ணிக்கையைத் தக்கவைத்துக் கொண்டிருப்பதுடன் சற்றே கூடுதலாக்கியும் இருக்கிறது.
ஏர்டெல் மற்றும் வோடாபோன் ஐடியா நிறுவனங்கள் மிகப்பெரிய அளவில் கடனில் மூழ்கியிருக்கின்றன. வோடாபோன் ஐடியா-வின் கடன் 1.20 லட்சம் கோடி ரூபாயாகும். ஏர்டெல் நிறுவனத்தின் கடன் 1.13 லட்சம் கோடி ரூபாயாகும். இவற்றுடன் ஒப்பிட்டால் பிஎஸ்என்எல் நிறுவனத்தின் கடன் 20 ஆயிரம் கோடி ரூபாய்க்கும் குறைவேயாகும்.  டெலிகாம் துறையின் மொத்தக் கடன் கிட்டத்தட்ட 8 லட்சம் கோடி ரூபாயாகும் என்று கூறப்படுகிறது. இக்கடன்தொகையில் பெரும்பகுதி வங்கிகளின் செயல்படா சொத்துக்களாக (வராக் கடன்களாக) மாறி, வங்கித்துறையையும் குறிப்பாக பொதுத்துறை வங்கிகளையும் பாதிப்புக்கு உள்ளாக்கும் சாத்தியக் கூறுகள் இருக்கின்றன.

டெலிகாம் துறைக்குள் ஜியோ(அம்பானி)வருவதற்கு முன்பிருந்த நிலை வேறாகும். இது ஒரு வளம் மிகுந்த துறையாக, அந்நிய நேரடி முதலீட்டைப் பெரிய அளவில் கவரக்கூடிய ஒன்றாக இருந்தது. ஆனால், ஜியோ வந்தபிறகு, இந்தத்துறையில் நிலைமைகளில் வேகமாக மாற்றங்கள் ஏற்பட்டன. ஜியோவைப் போலவே, ஏர்டெல் மற்றும் வோடாபோன் ஐடியா நிறுவனங்களும் அதிநவீன தொழில்நுட்பங்களுடன் விளங்கிய நிறுவனங்கள்தான். எனினும்கூட, ஜியோ மட்டும் எப்படி இதர டெலிகாம் நிறுவனங்களை தீர்மானகரமான முறையில் முறியடித்துவிட்டு தான் மட்டும் வேகமாக முன்னேற முடிந்தது?

ஜியோ நிறுவனத்திற்கு, அம்பானிக்கு மோடி அரசாங்கத்தால் மிகவும் அடாத விதத்தில் அனுகூலங்கள் வழங்கப்பட்டதன் காரணமாகவே, ஜியோ இதனைச் செய்ய முடிந்தது.
ரிலையன்ஸ் ஜியோவின் உரிமையாளரான முகேஷ் அம்பானி, பிரதமர் நரேந்திர மோடிக்கு மிகவும் நெருக்கமானவர் என்பது அனைவரும் அறிந்த ரகசியமாகும். ஜியோ தன்னுடைய சேவையைத் தொடங்கிய அன்று, பிரபல்யமான தேசியப் பத்திரிகைகளில் முதல் பக்கங்களில் வெளியான விளம்பரங்களில் ஜியோவின் சேவைகளைப் பயன்படுத்திக் கொள்ளுமாறு, பிரதமர் மோடியின் படத்தைப் போட்டு, அவர், மக்களுக்கு வேண்டுகோள் விடுப்பதாக வெளிவந்தன.  அரசுக்குச் சொந்தமான பிஎஸ்என்எல் நிறுவனத்திற்குக்கூட எந்தப் பிரதமரிடமிருந்தும் இத்தகைய அரவணைப்புக் கிடைத்ததில்லை. ஜியோ, நரேந்திர மோடியின் ஆசிர்வாதத்தைப் பெற்றிருக்கிறது என்பதைக் காட்டக்கூடிய விதத்தில் இந்த விளம்பரமே செய்தியை மக்களிடம் எடுத்துச் சென்றது.

ஜியோ தன்னுடைய சேவைகளைத் தொடங்கிய அன்றிலிருந்தே, இதர டெலிகாம் நிறுவனங்களின் சேவைகளை அழித்து ஒழித்திடும் விதத்தில் தன்னுடைய நிறுவனத்தின் சேவைகளுக்கான விலைகளை நிர்ணயித்தது. ஆரம்பத்தில் இலவசக் குரலொலி (free voice), உரைகள் (text), தரவுகள் முதலானவற்றை தன் வாடிக்கையாளர்களுக்கு, “தொடக்கநிலை சலுகைகள்” (‘Welcome Offer) என்ற பெயரில் இலவசமாகவே வழங்கியது. ‘டிராய்’  எனப்படும் இந்திய டெலிகாம் முறைப்படுத்தல் அதிகாரக்குழுமத்தின் (TRAI-Telecom Regulatory Authority of India) கட்டளையின்படி இத்தகைய ‘இலவசங்களை’ “மேம்படுத்துவதற்கான சலுகை” என்பதன்கீழ் அளித்திடமுடியும். எனினும், இவ்வாறான இலவசங்களை 90 நாட்களுக்கு மட்டுமே வழங்கிட வேண்டும் என்று ஒரு நிபந்தனையுடன்தான் இதனைச் செய்திட முடியும். ஆனால், ஜியோ நிறுவனம் இலவசக் குரலொலி, உரைகள், தரவுகள் சேவைகளை,”புத்தாண்டு சலுகை” என்று பெயரை மாற்றி, 90 நாட்களுக்கும் மேல் நீடிப்பதைத் தொடர்ந்தது. இதர நிறுவனங்களின் வாடிக்கையாளர்களை ஈர்ப்பதற்காகவே இதனைச் செய்தது. எனவேதான் இத்தகைய ஜியோ நிறுவனத்தின் உத்தியை, இதர நிறுவனங்களை அழித்து ஒழிப்பதற்கான நடவடிக்கை என்று சொல்வதைத்தவிர வேறெப்படியும் சொல்ல முடியாது.

ஜியோ நிறுவனத்தின் இறுதிக் குறிக்கோள், தன்னுடைய போட்டியாளர்கள் அனைவரையும் ஒழித்துக்கட்ட வேண்டும் என்பதேயாகும். எனவேதான் இது ஒட்டுமொத்த டெலிகாம் துறையையும் சூறையாடிக் கொண்டிருக்கிறது.

இதில் மிகவும் துயரார்ந்த நிலை என்னவெனில், ஜியோ நிறுவனம் தன்னுடைய குறிக்கோளை எய்துவதற்காக, மோடி அரசாங்கமே வசதி செய்துகொடுப்பதாகும்.
இதர நிறுவனங்களை அழித்து ஒழித்திடும் விதத்திலான விலைகள் என்றால் என்ன? மிகவும் எளிதாகச் சொல்வதென்றால், எந்தவொரு பொருளையோ அல்லது சேவையையோ, தன்னுடைய போட்டியாளர்களை ஒழித்துக்கட்ட வேண்டும் என்ற நோக்கத்துடன், அவற்றின் உற்பத்திச் செலவினத்திற்கும் குறைவான  தொகைக்கு விற்பது என்று பொருளாகும். 2003 மே மாதத்தில் வெளியிடப்பட்ட ‘டிராய்’ நிறுவனத்தின் கட்டளை, “டெலிகாம் சேவைகளின் மூலமாக இணையப் பயன்பாடுக் கட்டணங்கள் வசூலித்திடும் டெலிகாம் நிறுவனங்கள், இதர டெலிகாம் நிறுவனங்களை அழித்து ஒழித்துக்கட்டும் விதத்தில் தங்களின் விலைகளை நிர்ணயம் செய்திடக்கூடாது,” என்று கூறுகிறது. (“A teleco’s tariff would be considered non-predatory, if it is recovering Interconnect Usage Charges (IUC) and costs, through delivery of telecom services.”) இந்த வரையறையின்படி பார்த்தோமானால், ரிலயன்ஸ் ஜியோ இவ்வாறாக இதர டெலிகாம் நிறுவனங்களை ஒழித்துக்கட்டும் விதத்தில் விலை நிர்ணயம் செய்திருப்பதற்காகத் தண்டிக்கப்பட வேண்டிய ஒன்றாகும். ஏனெனில், இதர நிறுவனங்களை விட குறைந்த கட்டணத்தை இது விதித்திருப்பது மட்டுமல்ல, அநேகமாக இலவசமாகவும் வழங்கிக் கொண்டிருக்கிறது. டிராய் இதில் நிச்சயமாகத் தலையிட்டு, ஜியோவை கட்டுப்படுத்தி இருக்க வேண்டும். எனினும், டிராய், ஜியோ நிறுவனத்திற்குக் கொல்லைப்புற வழியாக, தன்னுடைய சொந்த கட்டளையையேமீறி, ஆதரவு அளித்துக்கொண்டிருப்பது, வருந்தத்தக்கதாகும்.
அதே சமயத்தில், ஜியோவைக் கட்டுக்குள் கொண்டுவர  டிராய் நிறுவனம் தவறிவிட்டது என்பதற்காக, அதனை இழுத்துப்பிடித்திடக்கூடிய தைரியம் அதிகாரவர்க்கத்தினர் மத்தியில் ஒருவருக்கு இருந்தது. அவர், டெலிகாம் முன்னாள் செயலாளராக இருந்த ஜே.எஸ். தீபக் ஆவார். அனைத்து டெலிகாம் நிறுவனங்களும், தாங்கள் ஈட்டிய வருவாயில் ஒரு குறிப்பிட்ட சதவீத அளவு,  உரிமக் கட்டணமாகவும், அலைவரிசைகள் கட்டணமாகும் அரசாங்கத்திற்குக் கொடுத்துக் கொண்டிருக்கின்றன. தற்போது அனைத்து டெலிகாம் நிறுவனங்களின் வருவாயும் கடுமையாக வீழ்ந்துள்ள நிலையில், இவ்வாறு அவை அரசாங்கத்திற்கு அளித்துவந்த உரிமக் கட்டணம் மற்றும் அலைவரிசைக் கட்டணமும் இயற்கையாகவே குறைந்துவிட்டன. ஜே.எஸ். தீபக் இந்தப் பிரச்சனையை டிராயிடம் எடுத்துச் சென்றார். 2017 பிப்ரவரி 23ஆம் தேதியிட்ட, டிராய் குழுமத்தின் தலைவர் ஆர்.எஸ். ஷர்மாவிற்கு அவர் எழுதியிருந்த கடிதத்தில், அரசாங்கம் 2016 அக்டோபர் முதல் டிசம்பர் மாதங்களுக்கு இடையிலான காலத்திற்கான உரிமக் கட்டணத்தில் 790 கோடி ரூபாய் அரசாங்கத்திற்கு இழப்பு ஏற்பட்டிருப்பதாகச் சுட்டிக் காட்டி இருந்தார். மேலும் அக்கடிதத்தில் ரிலயன்ஸ் ஜியோ நிறுவனம் இவ்வாறு இதர டெலிகாம் நிறுவனங்களை ஒழித்துக்கட்டும் நோக்கத்துடன் விலை நிர்ணயம் செய்திருப்பதைக் கட்டுப்படுத்திட உடனடியாக நடவடிக்கைகள் எடுத்திட வேண்டும் என்றும் கூறியிருந்தார். மேலும் ஜே.எஸ். தீபக், ரிலயன்ஸ் ஜியோ நிறுவனத்திற்கு எவ்விதமானக் கட்டுப்பாடும் விதிக்காமல் இந்த நிலை நீடிக்குமானால்,  டெலிகாம் நிறுவனங்கள் அலைவரிசைகளுக்கான கட்டணங்களாக அரசாங்கத்திற்கு அளிக்க வேண்டிய 3 லட்சத்து 08 ஆயிரம் கோடி ரூபாயை அளிப்பதற்கான சக்தியையும் அது பாதித்துவிடும் என்று எச்சரித்தார்.  ஆனால், அதன்பின் நடந்தது என்ன தெரியுமா? இவ்வாறு டிராயைக் கேள்வி கேட்டமைக்காக ஜே.எஸ்.தீபக் அந்தப்பதவியிலிருந்தே தூக்கி எறியப்பட்டிருக்கிறார். 2017 மார்ச் 1 அன்று அவர் டெலிகாம் செயலாளர் பதவியிலிருந்து, வர்த்தகத்துறையின் சிறப்புக் கடமை அதிகாரியாக (Officer on Special Duty) தூக்கி எறியப்பட்டுள்ளார். ரிலயன்ஸ் ஜியோ நிறுவனத்தின் செயல்பாடுகளுக்குக் குறுக்கே எவரேனும் வந்தால் அவருக்கு என்ன கதியேற்படும் என்பதை இவ்வாறு மோடி அரசாங்கம் நாட்டிற்குக் காட்டியிருக்கிறது.   அதே சமயத்தில், அரசாங்கத்திற்கும், டெலிகாம் நிறுவனங்கள் உரிமக் கட்டணம் மற்றும் அலைவரிசைக் கட்டணம் வழங்காததன் காரணமாக,  பல்லாயிரம் கோடி ரூபாய்கள் இழப்பு ஏற்பட்டிருக்கிறது.
ஜே.எஸ். தீபக் டிராய் குழுமத்திடம் கேள்வி கேட்டதற்குப்பின்னர், டிராய் நிறுவனத்தின் மீது மேலும் பலர் விமர்சனக்கணைகளைத் தொடுக்க ஆரம்பித்தனர். அது, ஜியோ நிறுவனத்திற்கு ஆதரவாக செயல்பட்டுக் கொண்டிருப்பதாக கடுமையாக விமர்சனங்களைச் செய்தனர். இவ்வாறு வருகின்ற விமர்சனங்களுக்கு முற்றுப்புள்ளி வைக்க வேண்டும் என்கிற நோக்கத்தோடு, டிராய் 2018 பிப்ரவரி 16 அன்று இதர டெலிகாம் நிறுவனங்களை ஒழித்துக்கட்டும் விதத்தில் குறைந்த கட்டணங்களை நிர்ணயம் செய்வது தொடர்பாக ஒரு புதிய வரையறையைக் கொண்டுவந்தது. இதன்படி, ஒரு நிறுவனம் வாடிக்கையாளர்களின் அல்லது வருவாயின் சந்தைப் பங்கில் 30 சதவீதத்தைப் பெற்றிருக்குமானால் அது ஒரு குறிப்பிடத்தக்க சந்தை அதிகாரம் படைத்ததாகக் கருதப்படும் என்பதாகும். (A company having 30 per cent market share of customers or revenue, is defined as an SMP (significant market power) இவ்வாறு ‘குறிப்பிடத்தக்க சந்தை அதிகாரம்’ பெற்றிருக்கக்கூடிய நிறுவனம் இதர நிறுவனங்களை ஒழித்துக்கட்டும்விதத்தில் குறைந்த கட்டணம் நிர்ணயிக்க முடியாது என்பதாகும். இதன் பொருள், ஒரு நிறுவனம், ‘குறிப்பிடத்தக்க சந்தை அதிகாரம்’ பெற்ற நிறுவனமாக இல்லையெனில், அது தான் வழங்கும் சேவைகளுக்காகக் குறைந்த கட்டணத்தை நிர்ணயித்திடலாம், அதனை, இதர நிறுவனங்களை ஒழித்துக்கட்டுவதற்கான விலை நிர்ணயம் என்று சொல்ல முடியாது என்பதாகும். இதில் மிகவும் முக்கியமாகக் கவனிக்க வேண்டிய அம்சம் என்னவெனில், ஜியோவின் சந்தைப் பங்கு 2018 ஆகஸ்டில்தான் 20 சதவீத குறியீட்டை எட்டியது. இவ்வாறு, 2018 பிப்ரவரி 16 அன்று டிராய் வெளியிட்ட உத்தரவு, ஜியோ நிறுவனத்திற்கு ஆதரவாக, தன்னுடைய விதிகளில், மிகவும் வெட்கக்கேடான முறையில், மாற்றத்தை ஏற்படுத்தியிருக்கிறது என்பதைத் தவிர வேறொன்றுமில்லை. 
எனினும் டிராயின் இந்த உத்தரவுக்கு எதிராக, டெலிகாம் தாவாக்கள் தீர்வுகாணுதல் மற்றும் மேன்முறையீட்டு நடுவர் மன்றத்தில் (TDSAT - Telecom Disputes Settlement and Appellate Tribunal).) மனு தாக்கல் செய்யப்பட்டது. நடுவர் மன்றம் டிசம்பர் 13 அன்று புதிய வரையறையை நிர்ணயித்த டிராயின் உத்தரவை ரத்து செய்தது. மேலும் நடுவர் மன்றம், டிராயை, டெலிகாம் கம்பெனிக்கு (ஜியோ என்று வாதித்திடுக) செயற்கையான முறையில் பாதுகாப்பு அளிப்பதற்காக இவ்வாறு புதிய வரையறை கொண்டுவரப்பட்டிருக்கிறது என்று கூறி டிராயைக் கண்டித்தது. நடுவர் மன்றத்தில் இந்த உத்தரவு, டிராயின் முகத்திரையைக் கிழித்தெறிந்து, அதன் உண்மையான சொரூபத்தை நாட்டு மக்களிடம் தோலுரித்துக் காட்டியது. ஜியோ நிறுவனம், இவ்வாறு இதர டெலிகாம் நிறுவனங்களை ஒழித்துக்கட்டும் விதத்தில் குறைந்த கட்டணம் விதிப்பதற்கு டிராய் அனுமதித்திருப்பது, ஜியோ நிறுவனத்திற்கு உதவிடுவதற்காக, டிராய் மேற்கொண்ட சூழ்ச்சித் திட்டமேயாகும்.
டிராய் குழுமம், ஜியோ நிறுவனத்திற்கு தகாதமுறையில் மற்றுமொரு அனுகூலத்தை அளிப்பதற்காக, வேறொரு தில்லுமுல்லு நடவடிக்கையையும் செய்திருக்கிறது. அதாவது, டிராய், ஜியோவின் இணையத்தொடர்புப் பயன்பாட்டுக் கட்டணத்தையும் (Interconnect Usage Charge (IUC)) வெகுவாகக் குறைத்திருக்கிறது.  ஒரு டெலிகாம் நிறுவனத்தின் வலையமைப்பிலிருந்து, மற்றொரு நிறுவனத்தின் வலையமைப்புக்கு அழைப்பு சென்றால், முந்தைய டெலிகாம் நிறுவனம், பிந்தைய டெலிகாம் நிறுவனத்திற்கு கட்டணம் செலுத்திட வேண்டும். இதற்கு ஐயுசி  (இணையத்தொடர்புப் பயன்பாட்டுக் கட்டணம்) (IUC-Interconnect Usage Charge) என்று பெயர். இதற்கான கட்டணம் நிமிடத்திற்கு ஒரு குறிப்பிட்ட தொகை என்கிற அடிப்படையில் நிர்ணயிக்கப்படுகிறது. 2017 டிசம்பரில், ரிலயன்ஸ் ஜியோ 16 கோடி (160 மில்லியன்) வாடிக்கையாளர்களைப் பெற்றிருந்தது. இதனால், ஜியோ நிறுவனம் இதர டெலிகாம் நிறுவனங்களுக்க அதிக அளவில் இணையத்தொடர்புப் பயன்பாட்டுக் கட்டணங்களை அளிக்க வேண்டியிருக்கிது. எனவே, ஜியோ நிறுவனத்திற்கு உதவுவதற்காக, டிராய், ஐயுசி கட்டணத்தை 2017 அக்டோபரிலிருந்து 57 சதவீத அளவிற்குக் குறைத்துள்ளது. இதன் விளைவாக, ஜியோ நிறுவனம் மிகப்பெரிய அளவில் ஆதாயம் அடைந்தது. உண்மையில், இவ்வாறு நடவடிக்கை எடுத்ததன் காரணமாக, ஜியோ லாபம் ஈட்டும் நிறுவனமாக மாறிட டிராய் உதவியிருக்கிறது. ஜியோ துவங்கப்பட்டு 15 மாதங்கள் ஆகியிருந்தபோதிலும், அதுவரையிலும், ஜியோ நஷ்டத்தில்தான் இயங்கிக் கொண்டிருந்தது. 
உதாரணமாக, 2017 ஜூலை – செப்டம்பர் காலாண்டுக்காலத்தில் 2,140 கோடி ரூபாய் ஐயுசி கட்டணமாகக் கொடுத்திருக்கிறது. ஆனால், அதன்பின்னர் 2017 அக்டோபர் – டிசம்பர் காலாண்டுக் காலத்திற்கு அது 1,082 கோடி ரூபாய் மட்டுமே ஐயுசி கட்டணமாகக் கொடுத்திருக்கிறது. இவ்வாறு ஜியோவின் ஐயுசி சுமையை டிராய், 50 சதவீதம் குறைத்துவிட்டது. இதன் விளைவாக, முதன்முறையாக, 2017 அக்டோபர் – டிசம்பர் காலாண்டுக் காலத்தில், ஜியோ 504 கோடி ரூபாய் நிகர லாபமாக ஈட்டியது. 2017 ஜூலை – செப்டம்பர் காலாண்டுக்காலத்தில் ஜியோ 271 கோடி ரூபாய் நட்டத்தில் இருந்தது என்பது குறித்துக்கொள்ளப்பட வேண்டிய முக்கியமான அம்சமாகும். மேலும், இவ்வாறு ஐயுசி கட்டணத்தைக் குறைத்ததன் காரணமாக, பழைய நிறுவனங்களான ஏர்டெல், வோடாபோன், ஐடியா மற்றும் பிஎஸ்என்எல் தங்கள் வருவாயில் வீழ்ச்சியினை எதிர்கொண்டன. இவ்வாறு ஐயுசி கட்டணத்தைக் குறைத்ததன் காரணமாக 2017 அக்டோபர் – டிசம்பரில் ஏர்டெல் நிறுவனத்தின் இலாபம் 39 சதவீதம் வீழ்ச்சியடைந்திருக்கிறது.
இவ்வாறு டிராய் நிறுவனமும் மோடி அரசாங்கமும்  மேற்கொண்ட அறநெறி பிறழ்ந்த நடவடிக்கைகள், முகேஷ் அம்பானிக்கு டெலிகாம் துறையைக் கைப்பற்றிட மிகப் பெரிய அளவில் உதவியிருக்கின்றன. இந்த நடவடிக்கைகளின் காரணமாக, டெலிகாம் துறை நெருக்கடிக்குள் சிக்கிக் கொண்டிருக்கிறது. அரசாங்கத்திற்கும் பல்லாயிரக்கணக்கான கோடி ரூபாய்கள் இழப்பு ஏற்பட்டிருக்கிறது.
(கட்டுரையாளர், பிஎஸ்என்எல் அனைத்து அதிகாரிகள் ஊழியர்கள் சங்கங்களின் கன்வீனர்)
(தமிழில்: ச. வீரமணி

வெள்ளி, 18 ஜனவரி, 2019

தொழிலாளர் - விவசாயிகள் வர்க்க ஒற்றுமை - ஒன்றுபட்ட போராட்டமே தீர்வு

ஜனவரி 19 தியாகிகள் தினம்….! தீப ஒளி ஏந்தி உரத்து முழங்கிடுவோம்…!

தியாகிகள் தின  உறுதி மொழி ஏற்போம் << படிக்க  > >

வெள்ளி, 28 டிசம்பர், 2018

ஞாயிறு, 2 டிசம்பர், 2018

காலவரையற்ற வேலை நிறுத்தம் 10-12-2018 க்கு ஒத்தி வைப்பு!!!


AUAB தலைவர்களுக்கும்  தொலை தொடர்பு செயலாளருக்கும் இடையே 02-12-2018 அன்று பேச்சு வார்த்தை நடைபெற்றது .  BSNL க்கு 4 ஜி ஸ்பெக்ட்ரம் ஒதுக்கீடு  , ஓய்வூதிய மாற்றம் ,  BSNL வழங்கும் ஓய்வூதிய பங்களிப்பு , ஆகிய பிரச்சனைகளில் முன்னேற்றம் தெரிகின்றது.எனினும், மூன்றாவது ஊதியமாற்றம் பிரச்சனையில் முட்டுக்கட்டை நீடிக்கிறது.இதன் நிலை தொடர்பான தொலை தொடர்பு செயலாளரின் பதிலை  AUAB தலைவர்கள் ஏற்கவில்லை .
இந்த சூழ்நிலையில் மத்திய தொலைதொடர்பு அமைச்சருடன்  விவாதிப்பதிற்கான  வாய்ப்பை உறுதி செய்வதற்காக, காலவரையற்ற வேலை நிறுத்த போராட்டத்தை ஒரு வார காலத்திற்கு ஒத்தி வைப்பது என AUAB முடிவு  செய்துள்ளது.  மத்திய தொலைதொடர்பு அமைச்சரோடு நடைபெறும் பேச்சு வார்த்தையில் பலன் கிடைக்கவில்லை என்று சொன்னால் 10-12-2018 அன்று 00 .00 மணி முதல்   நமது காலவரையற்ற வேலை நிறுத்தம் துவங்கும்
பி.அபிமன்யூ, பொதுச்செயலர்

செவ்வாய், 27 நவம்பர், 2018

AUAB தலைவர்கள் மாவட்ட முழுவதும் சுற்றுப்பயணம் அட்டவணை,

03.12.2018 முதல் காலவரையற்ற வேலை நிறுத்த போராட்டத்தையொட்டி   AUAB தலைவர்கள் மாவட்ட முழுவதும் சுற்றுப்பயணம் அட்டவணை, <<படிக்க>>



 

கணபதி மாவட்ட செயற்குழு முடிவுகள்

 கணபதி மாவட்ட செயற்குழு முடிவுகள் அறிக்கை  படிக்க <<< படிக்க   >>>

வெள்ளி, 9 நவம்பர், 2018

பேரணியை வெற்றியடைய செய்வோம்




AUAB தலைவர்கள் கூட்ட முடிவுகள்

AUAB  கோவை மாவட்டம்

14-11-2018  -பேரணியில் பங்கேற்போம்

தோழர்களே ! தோழியர்களே ! தோழமை வணக்கம்.

AUAB  மத்திய அமைப்பு சார்பாக பத்திரிக்கையாளர் சந்திப்பு மற்றும் தர்ணா போராட்டங்கள் நம் மாவட்டத்தில் எழுச்சியுடன் நடைபெற்றுள்ளது.இதன் தொடர்ச்சியாக  வரும் 14-11-2018 புதன்கிழமை அன்று  ஊழியர்கள் மற்றும் அதிகாரிகள் பங்கேற்கும் பேரணி கோவை மெயின் தொலைபேசி நிலையத்தில் இருந்து துவங்கி ரேஸ்கோர்ஸ் தொலைபேசி நிலையத்தில் நிறைவடைய உள்ளது.அங்கு கோவை மாவட்ட PGM திரு.முரளிதரன் அவர்களிடம் கோரிக்கை மனு அளிக்கப்பட உள்ளது. இது பற்றி இன்று நடந்த AUAB  கோவை மாவட்ட கூட்டத்தில் விரிவாக விவாதிக்கப்பட்டது. எடுக்கப்பட்ட முடிவுகள் வருமாறு 
1) AUAB  தலைவராக தோழர் ஏ.ராபர்ட்ஸ் ,மாவட்ட செயலர் NFTE BSNL அவர்களும் , கன்வீனராக தோழர்.சி.ராஜேந்திரன் ,மாவட்ட செயலர். BSNLEU  ஆகியோர் தேர்வு செய்யப்பட்டனர்
2) பேரணியில்  1000 தோழர்களை பங்கேற்க வைப்பது எனவும்.இதற்காக அனைத்து கிளைகளிலும் அனைத்து சங்க பிரதிநிதிகள் இணைந்து பிராச்சாரம் மேற்கொள்வது எனவும் தீர்மானிக்கப்பட்டது
3) பேரணி சரியாக 14-11-2018 மாலை 04.00 மணிக்கு துவங்கி 05.00 மணிக்கு நிறைவடையும் .அங்கு சிறப்புக்கூட்டம் நடைபெறும் .பேரணியை முன்னனி தோழர்களை கொண்ட குழு வழிநடத்தும்.
தோழமையுள்ள 
ஏ.ராபர்ட்ஸ்                                                    சி.ராஜேந்திரன்
                              தலைவர்                                                         கன்வீனர்

குறிப்பு : பேரணி நோட்டீஸ் சங்க அலுவலகத்தில் உள்ளது. முன்னனி நிர்வாகிகள் மாவட்ட சங்கத்தை அணுகி பெற்றுக்கொள்ளவும்

ஆர்ப்பாட்ட நிகழ்வுகள்

BSNLEU  & TNTCWU  சங்கங்கள் சார்பாக மாவட்டத்தில் அனைத்து அலுவலகங்களிலும் கண்டன ஆர்ப்பாட்டம் நடைபெற்றது. நிர்வாகம் மற்றும் ஒப்பந்ததாரர்கலோடு சங்கபிரதிநிதிகள் நடத்திய பேச்சுவார்த்தையில் ஏற்றுக்கொண்ட கோரிக்கைகளை அமல்படுத்துவதில் உள்ள குறைபாடுகளை கண்டித்து இன்று கண்டன ஆர்ப்பாட்டம் 10க்கும் மேற்பட்ட இடங்களில் எழுச்சியோடு நடைபெற்றது.இதில் மாநில மற்றும் மாவட்ட சங்க நிர்வாகிகள் பங்கேற்று உரையாற்றினார்கள். ரூ.7000 /- போனஸ் ,விடுபட்ட சம்பளம், நடப்பு மாத சம்பளம் மற்றும் நிலுவை தொகை ஆகியவைகளை பண்டிகைக்கு முன் வழங்குவதாக  ஏற்றுக்கொள்ளப்பட்டது.விரைவில் முத்தரப்பு பேச்சுவார்த்தையை நடத்தவும் முடிவுகளை அமலாக்காத ஒப்பந்ததார்ரகள் மேல் நடவடிக்கை எடுக்கவும் கூட்டத்தில் வலியுறுத்தப்பட்டது .
சி.ராஜேந்திரன் ,மாவட்ட செயலர், என்.பி.ராஜேந்திரன், மாநில அமைப்பு செயலர், எஸ்.சுப்பிரமணியம், மாநில உதவிச்செயலர்,ஏ.முகமது ஜாபர், மாவட்ட தலைவர், என்.சக்திவேல் ,மாநில அமைப்பு செயலர்,செள .மகேஸ்வரன், ஒப்பந்த ஊழியர்சங்கத்தின் நிர்வாகிகள் வடிவேல், சண்முக சுந்தரம், கல்யாணராமன் ஆகியோர் பங்கேற்று கோரிக்கையை விளக்கி உரையாற்றினார்கள்

ஞாயிறு, 4 நவம்பர், 2018

ஊழியர்களுக்கான ஊதிய மாற்ற பேச்சு வார்த்தையில் ஏற்பட்டுள்ள முட்டுக்கட்டைக்கு தீர்வு காணும் வகையில் தலையிட CMD BSNLஇடம் வேண்டுகோள்

02.11.2018 அன்று DOT செயலாளரிடம் பேச்சு வார்த்தை முடிந்த பின் BSNL ஊழியர் சங்கத்தின் பொது செயலாளர் தோழர் P.அபிமன்யு மற்றும் NFTE பொது செயலாளர் தோழர் சந்தேஸ்வர் சிங் ஆகியோர், BSNL CMD அவர்களை சந்தித்தனர். நிர்வாக தரப்பில் வீட்டு வாடகைப்படி மாற்றத்தை வழங்க விரும்பாத காரணத்தால் ஊழியர்களுக்கான ஊதிய மாற்ற பிரச்சனையில் முட்டுக் கட்டை ஏற்பட்டுள்ளதை அவரிடம் தெரிவித்தனர். 31.12.2016ல் இருந்ததை போன்று வீட்டு வாடகைப்படியை முடக்கும் நிர்வாகத்தின் முன்மொழிவை ஊழியர் தரப்பில் ஏற்றுக் கொள்ள முடியாது என்பதையும் தலைவர்கள் CMDஇடம் சுட்டிக் காட்டினார்கள். கால தாமதமின்றி ஊதிய மாற்ற உடன்பாட்டில் கையெழுத்திடும் வகையில், BSNL CMD தலையிட்டு, நிர்வாக தரப்பு உறுப்பினர்களுக்கு பொருத்தமான வழிகாட்டுதல்களை தரவேண்டும் என இரண்டு பொது செயலாளர்களும் அவரைக் கேட்டுக் கொண்டனர். ஊழியர் தரப்பின் கோரிக்கைகளை கவனித்த BSNL CMD, இதில் ஆவன செய்வதாக தெரிவித்தார்.

AUABயின் அமைப்பு நிலை தொடர்பான முடிவுகள்

DOT செயலாளர் மற்றும் AUAB தலைவர்களுக்கு இடையிலான சந்திப்பு மற்றும் AUABயின் அமைப்பு நிலை தொடர்பான முடிவுகள்  படிக்க

சனி, 3 நவம்பர், 2018

நவம்பர் 14 பேரணியை வெற்றிகரமாக்குவோம்! DOT செயலருடன் நடைபெற்ற பேச்சு வார்த்தைக்கு பின் AUAB முடிவு.

ஏற்கனவே அறிவித்தபடி 02.11.2018 அன்று மாலை DOT செயலாளர் மற்றும் AUAB தலைவர்களுக்கிடையேயான சந்திப்பு நடைபெற்றது. ஊதிய மாற்ற பிரச்சனையில் பெரிய முன்னேற்றம் ஏதும் இல்லை. ஆனால் 4G ஸ்பெக்ட்ரம் ஒதுக்கீடு, ஓய்வூதிய மாற்றம் மற்றும் ஓய்வூதிய பங்கீடு ஆகியவற்றில் சில முன்னேற்றங்கள் உள்ளன. DOT செயலருடன் நடைபெற்ற சந்திப்பிற்கு பின் நடைபெற்ற AUAB கூட்டத்தில் நவம்பர் 14 பேரணியை மிகவும் சக்தி மிக்கதாக நடத்திட முடிவெடுக்கப்பட்டது. விவரங்கள் நாளை இணைய தளத்தில் வெளியிடப்படும்.

திங்கள், 29 அக்டோபர், 2018

அணி திரள்வோம் , வெற்றிகரமாக்குவோம்


DOT செயலாளர், 02.11.2018 அன்று மாலை 05.00 மணிக்கு AUAB தலைவர்களை சந்திக்கிறார்.

DOTயின் செயலாளர் திருமிகு அருணா சுந்தரராஜன் மற்றும் AUAB தலைவர்களுக்கு இடையேயான சந்திப்பு 02.11.2018 அன்று மாலை 05.00 மணிக்கு நடைபெறும் என BSNL கார்ப்பரேட் அலுவலகம் தெரிவித்துள்ளது. AUAB விடுத்துள்ள போராட்ட அறைகூவல்களில் உள்ள பிரச்சனைகள் தொடர்பாக இந்தக் கூட்டத்தில் விவாதிக்கப்படும். 2018, நவம்பர் 30ஆம் தேதிக்குள் கோரிக்கைகள் நிறைவேற்றப் படவில்லை எனில் வேலை நிறுத்தப் போராட்டத்தில் இறங்குவது என்கிற முடிவை DOTயின் செயலாளருக்கு ஏற்கனவே தெரிவிக்கப்பட்டுள்ளதை சுட்டிக்காட்ட விரும்புகிறோம்.
DOTயின் செயலாளருக்கும் AUAB தலைவர்களுக்கும் இடையே பேச்சு வார்த்தை நடப்பது என்பது உண்மையில் நல்லதொரு முன்னேற்றம் தான். ஆனால் 02.11.2018 அன்று நடைபெறக் கூடிய கூட்டத்திலேயே நமது அனைத்து கோரிக்கைகளும் தீர்த்து வைக்கப்படும் என நமது தோழர்கள் கருதி விடக்கூடாது. மத்திய அமைச்சர் கொடுத்த உறுதிமொழியின் மீது எந்த ஒரு நடவடிக்கையையும் எடுக்காமல் எட்டு மாத காலம் DOT இருந்தது என்பதுதானே நமது கடந்த கால அனுபவம். 
எனவே 3வது ஊதிய மாற்றம், 4G ஸ்பெக்ட்ரம் ஒதுக்கீடு, ஓய்வூதிய மாற்றம், வாங்கும் உண்மை சம்பளத்தின் அடிப்படையில் ஓய்வூதிய பங்கீடு மற்றும் நேரடி நியமன ஊழியர்களின் ஓய்வு கால பலன்கள் தொடர்பான 2வது ஊதிய மாற்றக் குழுவின் பரிந்துரைகளை ஒட்டு மொத்தமாக அமலாக்குவது ஆகிய நமது கோரிக்கைகளை வென்றடைவதற்கான வேலை நிறுத்த போராட்டங்களுக்கு ஊழியர்களை தயார் படுத்தும் பணியில் தங்கு தடை ஏதும் இன்றி தொடர்ந்து ஈடுபடுவோம். ஒன்று பட்ட உறுதியான போராட்டங்களே நமது கோரிக்கைகளை வென்றடையச் செய்யும். 

PGM யுடன் பேச்சுவார்த்தை முடிவுகள்

பயனுள்ள பேச்சு வார்த்தை  << நிர்வாகத்துடன் பேச்சுவார்த்தை >>

சனி, 15 செப்டம்பர், 2018

5 வது ஊதிய குழு மாற்றம்

ஊழியர்களின் ஊதிய மாற்றத்திற்கான இணைந்தக் குழுவின் 5வது கூட்டம்
ஊழியர்களின் ஊதிய மாற்றத்திற்கான இணைந்தக் குழுவின் 5வது கூட்டம் அதன் தலைவர் திரு H.C.பந்த் அவர்களின் தலைமையில் 14.09.2018 அன்று நடைபெற்றது. இணைந்தக் குழுவின் அனைத்து உறுப்பினர்களும் கலந்துக் கொண்ட இந்தக் கூட்டத்தில், கடந்த கூட்டத்தில் நிர்வாகம் முன்மொழிந்த புதிய ஊதிய விகிதங்கள் தொடர்பான விவாதங்கள் நடைபெற்றது. ஒரு சில நடப்பில் உள்ள உதாரணங்களோடு புதிய ஊதிய விகிதங்களை விரிவாக பரிசீலித்ததாக தெரிவித்த ஊழியர் தரப்பு, அந்த ஊதிய விகிதங்கள் பெரும்பாலும் ஏற்றுக் கொள்ள தக்கதாக இருப்பதாக தெரிவித்தனர். எனினும், ஊழியர் தரப்பிற்கு கிடைக்கும் நடப்பு உதாரணங்களின் அடிப்படையில், ஊதிய மாற்றங்களில் ஏதேனும் மாற்றம் தேவையெனில் ஆலோசனை தெரிவிப்பதற்கு ஒரு வார கால அவகாசம் தேவையென கேட்டுக் கொண்டனர். இந்தக் கோரிக்கையினை நிர்வாக தரப்பு ஏற்றுக் கொண்டது. இந்த இணைந்தக் குழுவின் அடுத்தக் கூட்டம் 28.09.2018 அன்று நடைபெறும். 14.09.2018 அன்று நடைபெற்ற இணைந்தக் குழுவின் கூட்டம் முடிவடைந்த பின் ஊழியர் தரப்பு உறுப்பினர்களின் கூட்டம் நடைபெற்றது. அடுத்த இணைந்தக் குழுவின் கூட்டத்தில் விவாதிக்க வேண்டிய இதர பிரச்சனைகள் தொடர்பாக விவாதிக்கப்பட்டது. அடுத்த கட்ட நடவடிக்கைகள் தொடர்பாக விவாதிக்க 25.09.2018 அன்று ஊழியர் தரப்பு உறுப்பினர்களின் கூட்டத்தை மீண்டும் கூட்டுவது என்றும் முடிவெடுக்கப்பட்டது

மாவட்ட செயற்குழுக்கூட்டம் இடம் மாற்றம்


அன்பார்ந்த தோழர்களே ! தோழியர்களே !!
 BSNL நிறுவனத்தில் பணிபுரியும் ஒப்பந்த ஊழியர்களுக்கு ஒப்பந்ததாரர் இது நாள் வரையிலும் சம்பளம்  வழங்காததை கண்டித்தும் ,மாநிலம் முழுவதும் பல  மாவட்டங்களில் ஜூன், ஜூலை மற்றும் ஆகஸ்ட் என 3 மாத சம்பளம் கிடைக்கப் பெறாததை கண்டித்தும் இரண்டு மாநில சங்கங்களின்  அறைகூவலின் படி காத்திருப்பு போராட்டம் 17/09/2018 காலை 10 மணி முதல்  முன்மை பொது மேலாளர் அலுவலகம் முன்பு நடைபெற உள்ளதால் மாவட்டச் சங்க நிர்வாகிகளும், கிளைச் செயலர்களும் மற்றும் அனைத்து முன்னனி தோழர்களும் தவறாமல் கலந்து கொள்ள வேண்டும் என கேட்டுக் கொள்கின்றோம்.
தோழமையுடன்
சி.ராஜேந்திரன்
மாவட்ட செயலர்

மாவட்ட செயற்குழுக்கூட்டம்

கணபதியில்17-09-2018 அன்று  நடைபெற இருந்த மாவட்ட செயற்குழுக்கூட்டம் ஒப்பந்த ஊழியர் போராட்டம் காரணமாக டெலிகாம் பில்டிங்கில் போராட்ட இடைவெளியில் நடைபெறும். முக்கியமான சில பிரச்சனைகள் மட்டும் விவாதிக்க வேண்டியது உள்ளதால் அனைத்து கிளைச்செயலர்களும்,மாவட்ட சங்க நிர்வாகிகளும் தவறாமல் கலந்து கொள்ளுமாறு கேட்டுக்கொள்கிறேன். 
இப்படிக்கு
தோழமையுடன்
சி.ராஜேந்திரன்
மாவட்ட செயலர்

ஒப்பந்த ஊழியர்கள் தொடர்பான கார்ப்பரேட் அலுவலக உத்தரவுகளை அமலாக்குக

சமீபகாலம் வரை JOINT GM(Pers) ஆக இருந்த திரு மனீஷ் குமார் அவர்கள் GM(Restg)ஆக பதவி உயர்வு பெற்று பொறுப்பேற்றுள்ளார். 13.09.2018 அன்று தோழர் P.அபிமன்யு GS BSNLEU, தோழர் பல்பீர் சிங் Pres., தோழர் சுவபன் சக்கரவர்த்தி Dy.GS மற்றும் தோழர் அனிமேஷ் மித்ரா VP ஆகியோர் அவரை சந்தித்து வாழ்த்துக்களை தெரிவித்ததுடன் ஒப்பந்த ஊழியர்கள் தொடர்பான கார்ப்பரேட் அலுவலகத்தின் உத்தரவுகள் மாநிலங்களில் அமலாக்கப் படாமல் இருப்பதை அவரது கவனத்திற்கு கொண்டு சென்றனர். இவற்றுள் குறைந்த பட்ச கூலி மற்றும் EPF அமலாக்கம் ஆகியவை மிக முக்கியமானது என்றும் அதற்கான உடனடி நடவடிக்கை தேவை என்றும் வலியுறுத்தினர். தனது ஒத்துழைப்பை உறுதி செய்த திரு மனீஷ் குமார் அவர்கள் தேவையான நடவடிக்கை எடுப்பதாக உறுதி அளித்துள்ளார்.

பணி நீக்கம் செய்யப்பட்ட ஒப்பந்த ஊழியர்களை மீண்டும் எடுத்திடுக

நிறுவனத்தின் செலவினங்களை குறைக்க வேண்டும் என்பதற்காக சமீபத்தில் 30% ஒப்பந்த ஊழியர்களை பணி நீக்கம் செய்ய வேண்டுமென கார்ப்பரேட் அலுவலகம் கடிதம் எழுதியது. பணி நீக்கம் செய்யப்பட்ட ஒப்பந்த ஊழியர்களை மீண்டும் பணிக்கு எடுத்து அவர்களை வியாபார பகுதிகளில் லாபகரமாக பயன்படுத்தலாம் என BSNL CMD மற்றும் DIRECTOR(HR) ஆகியோரிடம் ஏற்கனவே BSNL ஊழியர் சங்கம் கோரிக்கை வைத்தது. இவர்களோடு பல கட்ட விவாதங்கள் நடைபெற்றுள்ளன. இவர்கள் இருவரும் இந்த கோரிக்கைகளை ஏற்றுக் கொண்டபோதும், ஒப்பந்த ஊழியர்களை மீண்டும் பணிக்கு எடுப்பதற்கான எந்த ஒரு கடிதமும் வெளியிடப்படவில்லை. 13.09.2018 அன்று GM(SR) அவர்களை BSNL ஊழியர் சங்க தலைவர்கள் சந்தித்த போது DIRECTOR(HR) அவர்களின் உறுதி மொழியை விரைவில் அமலாக்க வேண்டும் என வற்புறுத்தினர். அவரும் இதில் தேவையான நடவடிக்கைகளை எடுக்க உறுதி அளித்துள்ளார்.

வெள்ளி, 14 செப்டம்பர், 2018

BSNLக்கு பணி செய்து பட்டினி கிடப்பதா?

மாதக்கணக்கில் வராத ஒப்பந்த ஊழியர்களின் ஊதியத்தை பெறும் வரை 17.09.2018 காலை முதல் மாவட்ட பொதுமேலாளர்கள் அலுவலகம் முன்பு காத்திருக்கும் போராட்டம்- BSNLEU, NFTE, TNTCWU மற்றும் TMTCLU முடிவு

செவ்வாய், 11 செப்டம்பர், 2018

ஊதிய மாற்றக் குழுவின் 4வது கூட்டம்

ஊதிய மாற்றக் குழுவின் கூட்டம் 10.09.2018 அன்று கூட்டுக் குழுவின் தலைவர் திரு H.C.பந்த் அவர்களின் தலைமையில் நடைபெற்றது. ஊழியர் தரப்பின் அனைத்து உறுப்பினர்களும் பங்கேற்ற இந்தக் கூட்டத்தில் நிர்வாக தரப்பு உறுப்பினர்கள் துவக்கத்திலிருந்தே எதிர்மறையாக பேசத்துவங்கினர். FITMENT FORMULAவை பொறுத்தவரை 5 அல்லது 0%க்கு மட்டுமே DOT ஏற்றுக் கொள்ளும் என்றும், 15%ஐ ஏற்றுக் கொள்ள மாட்டார்கள் என்றும் தெரிவித்தனர். இதற்கு, 15%க்கும் குறைவான FITMENTஐ தாங்கள் ஏற்றுக்கொள்ள மாட்டோம் என ஊழியர் தரப்பில் உறுதியாக கூறிவிட்டனர். எந்த ஒரு ஊழியருக்கும் STAGNATIONஆல் பாதிப்பு ஏற்படாத வகையில் ஊதிய விகிதத்தின் துவக்க நிலைக்கும், அதிகபட்ச நிலைக்கும் போதுமான அளவில் இடைவெளி இருக்க வேண்டும் என கடந்த மூன்று கூட்டங்களிலும் ஊழியர் தரப்பு தலைவர்கள் நிர்வாக தரப்பிடம் உறுதியாக தெரிவித்தனர். ஆனால் இந்தக் கூட்டத்தில் ஓய்வூதிய பங்கீட்டை தேவையில்லாமல் அதிகமான அளவில் செலுத்துவதை தவிர்க்க இந்த இடைவெளியை முடிந்த வரை குறைக்க வேண்டும் என நிர்வாக தரப்பில் வாதிட்டனர். இதற்கு ஒட்டு மொத்த ஊழியர் தரப்பும் தனது எதிர்ப்பை தெரிவித்தது. அதிகாரிகளுக்கு ஓய்வூதிய பங்கீட்டை அதிகமாக செலுத்த தயாராக நிர்வாகம் இருக்கும்போது ஊழியர்களுக்கு வழங்குவதில் மட்டும் ஏன் இவ்வளவு கவலை கொள்ள வேண்டும் என கடுமையாக வாதிட்டனர். நிர்வாகத்தின் இந்த மனநிலையை கடுமையாக சாடிய ஊழியர் தரப்பு தலைவர்கள், நிர்வாகம் மேற்கொள்ளும் இந்த இரட்டை நிலைபாட்டை ஊழியர்கள் மத்தியில் அம்பலப்படுத்த வேண்டிய கட்டாயம் ஏற்படும் எனவும் எச்சரித்தனர். அப்போது தலையிட்ட ஊதிய மாற்றக் குழுவின் தலைவர் திரு H.C.பந்த், ஊதிய மாற்றத்தில் ஊழியர்களின் நலன்கள் பாதுகாக்கப்படும் என உறுதி அளித்தார். மேலும் நிர்வாகத்தின் புதிய ஊதிய விகித முன்மொழிவை தெரிவிக்கும் படி GM(SR) அவர்களுக்கு அவர் வழிகாட்டினார். கீழே கொடுக்கப்பட்டுள்ள புதிய ஊதிய விகிதங்களை நிர்வாகம் இந்தக் கூட்டத்தில் கொடுத்தது.